انا عربيتى بونتو 2008 و عشان بتنزل بدون كاسيت فمحتاجة اجيب واحد ... عايزوة حد يقولى اجبيب اية و منين و كمان الاسعار؟
عرض للطباعة
انا عربيتى بونتو 2008 و عشان بتنزل بدون كاسيت فمحتاجة اجيب واحد ... عايزوة حد يقولى اجبيب اية و منين و كمان الاسعار؟
الف مبروك على العربية و ربنا يديلك خيرها و يكفيكى شرها
شارع دمشق مصر الجديدة هناك كل الى انتى عاوزاة و فى هناك اسعار كتير اوى
انا معنديش اى فكرة عن الانواع والاسعار يعنى نفسى حد يقولى على احسن نوع و سعرة بردة يكون فى المعقول ؟
طبعا رقم واحد البايونير والكينوود
والاسعار من 850 وانت طالع
ممكن كاسيت يوصل سعره 6000 جم
اولا مبروك عليكى العربية وربنا يحفظهالك ويديلك خيرها ويكفيكى شرها يارب
بالنسبة للكاسيت هيكون البايونير طبعا بس المهم تقولى امكانياتك فى حدود كام للكاسيت علشان نقولك على الموديلات..؟؟؟
وهل هتركبى عليه سماعات بيضاوى ولا هتشغليه على سماعات العربية الفابريقة ؟
اولا متشكرة جدا جدا على اهتمامكم و ردودكم :) ... هى العربية مجهزة باربع سماعات ومكان الكاسيت كمان انا بس محتاجة الكاسيت... بالنسبة لللامكانيات محتاجة انه يكون Cd وكمان راديو و Usb عشان الmp3 و بصراحه انا مش عارفة ايه الامكانيات التانية الى ممكن تكون موجودة و يستحسن اجيب الكاسيت بيها من البداية فلو فى حاجة انا مش واخدة بالى منها ممكن تقولولى ... و بالنسبة للسعر ممكن لحد 1000 بالكتير.
طب الناس رأيها ايه فى السونى
لا سوني لا
خليك في بايونير او بلوبنكت او كينوود
مبروك عليكى العربية وربنا يديكى خيرها ويكفيكى شرها
بصى يا باشمهندسة أنا لو بجيب لنفسى هجيب سونى
بس برضه من شهر مراتى كانت عاوزة كاسيت امكانياته كويسة مش عالية قوى جبتلها بيونير بحوالى 750 جم من شارع دمشق فيه Cd و Mp3 و راديو بس مفيهوش Usb
أنا شايف أنه كويس جداً وال Mp3 هتعملى Cd عليه أغانى كتييير قوى ممكن تغنيكى عن ال Usb