حد ينصحنى انا محتار اوى بين وظفتين (مهندس ولا معيد)

**mr_safwt** · 15-05-2012 08:49 PM

انا متشكر ليكوا اوى يا جماعة انتوا فعلا خير ناصح
انا فعلا قررت انى اكمل فى الشركة ان شاء الله لان ناس كتير فعلا قالولى ان التدريس فى الجامعات الخاصة سىء جدا
والطالب هو رقم 1 فى الجامعة لانه هو اللى بيدفع
زائد ان الدراسات العليا هتبقى على حسابى انا مش على حساب الجامعة لانك بالنسبة له موظف بعقد مش هيصرف عليك ماجستير وخلافة دة لو وفرلك وقت اصلا انك تذاكر هو اهم حاجة عندة انك تملى فراغ وخلاص مش فارق معاة تعمل ابحاث ولالا

**Land_Cruiser** · 15-05-2012 10:19 PM

انا اتعرضت لنفس موقف حضرتك و فى الاخر اخترت الشركه لعده اسباب :-
- المرتب
- الخبره العمليه
- الترقيات و سهوله الانتقال لشركات اكبر بمرتب اكبر و تنوع مجال الخبرات

و بعدين لو مرتبك كويس او حتى شغلك ممكن يكون بيساعدك فى مصاريف الدراسات العليا فتقدر تعملها و انت شغال فى الشركه برضه و بكده تبقى خدت مزايا الاتنين حتى لو تعبت شويه مش اشكال انت كده بتبنى مستقبلك

مشكله الجامعات الاجنبيه ان مرتبها تعبان ( ممكن يكون قد الشركه الان لكن سنه و لا اتنين و هتلاقى الشركه مرتبها فرق جامد) و مش هتديلك مزايا كونك معيد فيها لانهم هيشغلوك للحد الأقصى و ممكن ما تلاقيش و قت تذاكر بالاضافه الى انك مع الوقت هتنسى العملى و هيبقى صعب تسيب مجال الجامعه لو غيرت رأيك لاحقا و بالتوفيق

**hugan** · 15-05-2012 10:28 PM

بغض النظر عن الماده ومين افضل كدخل
استاذ جامعي ولا مهندس
انت حابب ايه وميال لايه

صدقني اي اختيار هايكون افضل لو انت حابه
واكيد هاتبدع فيه وتحقق مركز متميز فيه

**shaddadfalcon1** · 15-05-2012 10:31 PM

لو انت مرتاح ماديا وعندك شقتك وعربيتك وبتحب التدريس ومستعد تفضل طول عمرك تذاكر بالعافيه يبقي معيد
لو عايز تبقي حر نفسك ومتحبش دلع الطلبه وغباء البعض منهم لاننا كنا طلبه برده وعارفين بنعمل ايه في المعيدين لما نبقي مش فاهمين يبقي خليك في شغلك في الشركه علي لأقل هتذداد خبره في حياتك العمليه والعلميه برده

زميل ليا كان معيد برده وبعد 3 سنين اتخنق وسابها واشتغل في شركه

**mr_safwt** · 16-05-2012 10:15 AM

المشاركة الأصلية كتبت بواسطة زهير فكري

شوف يا باشا ... لو انت غاوي علم و غاوي معامل وابحاث و بتحب التدريس و عندك القدره علي الشرح وتوصيل المعلومه يبقي سلك التدريس افضل مع مراعاه ان الحصاد مش هيبقي في الأول بمعني ان فرصه حصولك علي مناصب مرموقه سواء محليه او دوليه هتبقي اكبر بعد حصولك علي الأستاذيه مثلا و لو انت غاوي سفر و اخدت فرصه التدريس في احد الجامعات العالميه , يبقي احسن واحسن سواء ماديا او ادبيا ,.... يعني طريق محتاج شويه صبر بس نتائجه و فرصه في الحياه افضل .... اما الشركات لو انت شغال (multinational vendor) , سواء presales او after طبعا علي اساس انك مهندس , المرتب والبدلات هتبقي اكبر من المعيد بس الـ multi national ما لوش امان , و طبعا مميزاته في الترقي تتوقف علي اجتهادك و فرصتك علي الاطلاع علي الجديد من ناحيه المشروعات او التسويق هتبقي افضل بس ليها حدود , و طبعا اكيد حضرتك عارف ان المالتيناشونال او اي شركه بتبقي وظائف المبيعات او خدمه الجمهور هي نمره واحد و فرصه انك لما تاخد دورات زي mba مثلا و عندك قدرات قياديه ممكن تمسك regional managerمثلا .... بالتوفيق .

على فكرة فعلا انا شغال فعلا presales فى multinational vendor بس وكيل ليها
وباخد منها خبرة رهيبة ولو على كورسات الادارة ممكن تقول انا مخليها بعد 3 سنين مثلا لما اكون عندى الخبرة اللى تؤهلنى لشغل مناصب قيادية وان كنت هفضل pmp
علشان كدة سبت حكاية المعيد دية من دماغى خلاص

**mr_safwt** · 16-05-2012 10:16 AM

المشاركة الأصلية كتبت بواسطة shaddadfalcon1

لو انت مرتاح ماديا وعندك شقتك وعربيتك وبتحب التدريس ومستعد تفضل طول عمرك تذاكر بالعافيه يبقي معيد
لو عايز تبقي حر نفسك ومتحبش دلع الطلبه وغباء البعض منهم لاننا كنا طلبه برده وعارفين بنعمل ايه في المعيدين لما نبقي مش فاهمين يبقي خليك في شغلك في الشركه علي لأقل هتذداد خبره في حياتك العمليه والعلميه برده

زميل ليا كان معيد برده وبعد 3 سنين اتخنق وسابها واشتغل في شركه

لا خلاص شلتها من دماغى عشان ناس كتير حذرتنى منها

**mr_safwt** · 16-05-2012 10:17 AM

المشاركة الأصلية كتبت بواسطة hugan

بغض النظر عن الماده ومين افضل كدخل
استاذ جامعي ولا مهندس
انت حابب ايه وميال لايه

صدقني اي اختيار هايكون افضل لو انت حابه
واكيد هاتبدع فيه وتحقق مركز متميز فيه

عندك حق

**mr_safwt** · 16-05-2012 10:19 AM

المشاركة الأصلية كتبت بواسطة land_cruiser

انا اتعرضت لنفس موقف حضرتك و فى الاخر اخترت الشركه لعده اسباب :-
- المرتب
- الخبره العمليه
- الترقيات و سهوله الانتقال لشركات اكبر بمرتب اكبر و تنوع مجال الخبرات

و بعدين لو مرتبك كويس او حتى شغلك ممكن يكون بيساعدك فى مصاريف الدراسات العليا فتقدر تعملها و انت شغال فى الشركه برضه و بكده تبقى خدت مزايا الاتنين حتى لو تعبت شويه مش اشكال انت كده بتبنى مستقبلك

مشكله الجامعات الاجنبيه ان مرتبها تعبان ( ممكن يكون قد الشركه الان لكن سنه و لا اتنين و هتلاقى الشركه مرتبها فرق جامد) و مش هتديلك مزايا كونك معيد فيها لانهم هيشغلوك للحد الأقصى و ممكن ما تلاقيش و قت تذاكر بالاضافه الى انك مع الوقت هتنسى العملى و هيبقى صعب تسيب مجال الجامعه لو غيرت رأيك لاحقا و بالتوفيق

فعلا ناس كتير قالتلى الكلام دة
وعشان كدة شلتها من دماغى

**زهير فكري** · 16-05-2012 03:31 PM

المشاركة الأصلية كتبت بواسطة mr_safwt

على فكرة فعلا انا شغال فعلا presales فى multinational vendor بس وكيل ليها
وباخد منها خبرة رهيبة ولو على كورسات الادارة ممكن تقول انا مخليها بعد 3 سنين مثلا لما اكون عندى الخبرة اللى تؤهلنى لشغل مناصب قيادية وان كنت هفضل pmp
علشان كدة سبت حكاية المعيد دية من دماغى خلاص

معلش يا باشا .... يعني ايه وكيل ليها؟؟؟؟ pmp هتفيدك كجانب technical يعني آخرك مدير مشروع ودي تنفع اكتر للناس الafter .... اما بالنسبه للpre فده فرصته كبيره ان شاء الله لأنه بيبقي عليه مسؤوليه الترويج واقناع ال العميل انه يتعاقد و يشتري ... وطبعا ده اقوي حلقه في بيع المنتج و اللي هيفيدك اكتر ال mba بس حاول لو الماده متيسره تكون في مكان محترم ( اشتري الاسم) , واللي اعرفه ان لو مديرك اوروبي او امريكي هتبقي الدنيا متظبطه ... اما لو جنسيه تانيه من دول العالم الثالث فربنا يعينك .بالتوفيق