الموضوع: حكايتى مع العفشجى تانى مره

الصراحه انا الموضوع الى فات مردتش اقول ان فى عضه فى الدركسيون وانا بحود سواء يمين او شمال والسبب ان سامح العفشجى ( شخصيه محترمه جدا ) قالى سيبها يويمين وانا هدورلك على صاليبه تانيه وهغيرهالك
المهم روحتله امبارح على العصر كده فك الصاليبه الى كانت راكبه ( الى كنت جايبها استيراد من عند بندق حجاج ) وقالى انا هعمل محاوله المهم انا روحت اصلى العصر واغير هدومى منا مش كل يوم اتشحم رجعت بعد ساعه ليقته مخلص نطلع نجرب لقيت فى عضه بسيطه قوى لدرجه انى قولت مش مهم انا عارف انى فقرى وهوا ده نصيبى لسه مكملتش تجربه المغرب اذن روحت اصلى لقيته من نفسه فاكك الصاليبه وعمال يعافر فى واحده تانيه وشغال رغم انى مقولتش حاجه
بتعمل ايه يا عم انتا قالى بص بقى علشان انا اتخنقت من العربيه ديه انا هركبلك الصاليبه بتاعتك القديمه امشى بيها ونرجع الصاليبه بتاعت حجاج لحد ما اظبطلك حاجه تانيه كويسه قولتله الى انتا شايفه وانا متدايق من اسلوب كلامه راح جايبلى حاجه ساقعه وقالى والله بهرج معاك يا باشمهندس ده انا بعتبرك اخويا
ما علينا سيبوكو من الكلام ده
النتيجه - من وجهة نظرى عفشجى كويس امين بيروح يشوف الحاجه بنفسه او بيقولك تجيبها منين واخرها كام
- انا راكب عندى دلوقتى الصاليبه القديمه بتاعتى وشغاله كويس الحمد لله عقبال ما يشوفلى واحده تانيه احلى رغم انى مقتنع بالى موجوده
وربنا يستر طريقى وطريقكم