الكلام ده حقيقي ولا خدعه ؟

**mn3em** · 17-05-2012 10:55 AM

جزاكم الله خير وبارك الله فيكم جميعا وشكراً علي الافاده وربنا يسترها علينا وعليكم ان شاء الله

**tarekmomo** · 17-05-2012 02:53 PM

طالما الغيار على سرعتة ممكن من غير دبرياج

**ahmdmagdy** · 19-05-2012 01:19 AM

مش عارف معقدين الموضوع ليه طالما فيه دبرياج دوس و خلاص

**samihanwar** · 19-05-2012 03:37 PM

المشاركة الأصلية كتبت بواسطة ahmdmagdy

مش عارف معقدين الموضوع ليه طالما فيه دبرياج دوس و خلاص

والله العظيم انت باشا وجبت الخلاصه

أصل حكايه النقل من غير الدبرياج عايزه ممارسه زى سواقين الميكروباص هما اللى بتلاقيهم بيعملو الحوار ده علاطول
وتقبلو مرورى

**kamalwally** · 03-06-2012 05:03 AM

المشاركة الأصلية كتبت بواسطة mmamdouh

يا سلااااااااااااااااااااااا اااااااااااام

انا سمعت فتى كتير و قليل... لكن دى اخدت المركز الاول بجدارة

mmamdouh

طب ممكن بدل ما تترياء و تقول فتي وخلاص ممكن تسال ايه السبب وأرد عليك لكن انك تقول فتي وخلاص اعتقد ده قمه قله الزوق
وحتي لو انا كنت بقول حاجه غلط المفروض ان احنا هنا عشان نتعلم من بعض مش الي عنده معلومه يتنطط بيها و يعمل نفسه فيها ابو العريف في زمانه كانه هو اوتوورنيس ده حتي لما اخترع الموتور البنزين الي الان في حاجات جديده بتضاف عليه و تتعدل للوصول لكفاءه اعلي
فياريت لما يكون عندك معلومه او تشوف حد بيقول حاجه غلط من الافضل انك تفهمه ايه الصح من وجه نظر العبقري الي بيفتي !!!!!!!!

**MMamdouh** · 03-06-2012 10:01 PM

اللى اعرفة ان الواحد ميقولش حاجة الا لو متاكد منها و عارف انها صح بدل ما يدى الناس معلومة غلط لمجرد انة عايز يكتب رد و السلام و يعمل ابو العريف زى ما انت بتقول بالضبط

و اعتقد كمان ان قلة الذوق هى ان الواحد يبقى غلطان و يقاوح برضة بدل ما يقول "انا غلطان"

MMamdouh

**kamalwally** · 04-06-2012 12:27 AM

انا متاكد من الكلام الي بقوله الدور والباقي علي الي مش عايز يتقبل المعلومه لمجرد انو يكتب (دي تاخد المركز الاول ) لو انت عارف ايه الفرق بين الفتيس في الجر الامامي والفتيس في الجر الخلفي يبقي اكيد حاتعرف ان نظام نقل الغيارات في النوعين مختلف تماما
و عشان اريحك حاقولك انا غلطان وعايزك تفهمني ايه الي بيحصل لما بتنقل بين الغيارات ايه الي بيحصل بالظبط و ايه وظيفه الغوايش والبرميل الي راكب علي كل غيار وانواع التروس عشان نعرف ونستفيد ونشوف مين الي بيفتي !!!!
ز كمان عشان منبقاش بنكتب ردود والسلام

**MMamdouh** · 05-06-2012 04:43 AM

انا عارف الفرق كويس و عملية نقل الغيارات فى الفتيس ملهاش اى علاقة بموقع العجلات الدافعة لان باختصار الفرق الجوهرى بين الفتيسين هيبقى فى وجود جهاز فرقى داخل الفتيس ولا لا

لو العربية امامى هيبقى الجهاز الفرقى مدمج فى الفتيس نفسة و هيبقى خارج من الفرغة عامودين دفع للعجلات الامامية... لو العربية خلفى هتبقى الفرغة فيها تروس الفتيس فقط و خارج منها مخرج واحد للكردان و الجهاز الفرقى بيبقى منفصل و مكانة بيبقى بين العجلات الخلفية

ايه بقى علاقة كل دة بطريقة تعشيق التروس و بعضها؟؟؟ اى فتيس سواء امامى او خلفى هيبقى فيه غوايش و syncro gears ... دة ملوش اى علاقة بدة

MMamdouh