تجار السيارات المستعمله على نايل موتورز

**SEATLOVER** · 14-06-2008 11:22 PM

المشاركة الأصلية كتبت بواسطة aif

لكن المواقع والمنتديات عمرها ما بتضمن جودة السيارة ... كل واحد بيكشف علي السيارة بمعرفته ... ومش عيب في حق المنتدي ان العربية طلعت وحشة... المنتدي لا باع ولا اشتري ولا كسب اي شيء من البيع ...:)

دة عامل نفسى فقط انت هاتكرة اى مكان كان سبب فى حاجة نكدت عليك حياتك
شىء طبيعى
وطبعاً الادارة غير مسئولة عن اى شىء ...لكن دة لا يمنع ان الثقافة و الوعى دة مش موجود للدرجة دى .. وبدام سمحت بالظاهرة دى بالتواجد عندك يبقى انت بنوع او بأخر مشارك فى ظهورها و البقاء عليها

**Xpert** · 15-06-2008 12:44 AM

يا جدعان ماتزعلوش نفسكم .. التجار دي حاطه الاعلانات لهدف .. و الهدف ده موجود فعلاً ... زي ما في ناس بتبيع عربيات .. فيه اعضاء كتير محتاجين يشتروا عربيات ... و لو فيه حاجه في الاعلانات عجبتهم يبقي يبقي بركه برضه و اختصروا الطريق .. انا بس بانصح للناس انهم يعاينوا العربيات دي الاول معاينه تمام ... و يحاولوا يشوفوا خلفيه العضو اللي بيبيع و ان كان اشتكي من عربيته قبل كده ..

**mada121977** · 15-06-2008 12:49 AM

والله هوا فعلا الاعلانات بتزيد من انتشار المنتدى.. وان واحد يشترى او يبيع عربيته عن طريق المنتدى دى حاجه تحسب للمنتدى فى مدى الانتشار والشعبيه لدى المهتمين بالسيارات فى مصر والعالم العربى كله بس المشكله هى الناس اللى كل همها تحط الاعلان وخلاص (فعلا الواحد مايقدرش يحدد للعضو انه يشارك او مايشاركش او يحط اعلان ويمشى او مايحطش اعلان او يسأل على حاجه وماييشاركش فى اى مواضيع تانيه ) لان كل واحد حر يعمل اللى هوا عاوزه ..... بس المشكله ان العمليه زادت عن حدها وبقى التاجر من دول يحط الاعلان ويحط سعر مبالغ فيه ولما ييجى حد تانى يحط اعلان لعربيته والتاجر تعجبه العربيه يقوم داخل على الاعلان ويخسف بتمن العربيه الارض علشان يشتريها وده اللى يزعل .

**Xpert** · 15-06-2008 12:57 AM

يا باشا في البيع و الشراء كله مسموح .. و محدش ضرب حد علي ايده علشان يبيع ولا يشتري ... دي الجولدن رول بتاعه التجاره ... كل واحد و شطارته ...
و عامه التاجر اللي بيخسف السعر ده تاجر لا يستحق ان يسمي تاجر ... بس فيه رينج معين للعربيه صاحب العربيه عارفه و اللي هايشتري عارفه و اللي بيتدخل في التوبيك عارفه برضه .. و عموماُ ده بيع و شراء يا باشا و عمليه بتتم برضا الطرفين ;)

**Ahmad Allawy** · 15-06-2008 09:04 AM

يا سلام يا بيشو يا جامد..
دارس السوق و قاعد ساكت كده في الخباثة..!!!
شكرا يا معلم علي النصايح و علي الخبرة..
الخبرة تفرق برضه يا جماعه. :)

**SEATLOVER** · 15-06-2008 10:09 AM

المشاركة الأصلية كتبت بواسطة Xpert

يا باشا في البيع و الشراء كله مسموح .. و محدش ضرب حد علي ايده علشان يبيع ولا يشتري ... دي الجولدن رول بتاعه التجاره ... كل واحد و شطارته ...
و عامه التاجر اللي بيخسف السعر ده تاجر لا يستحق ان يسمي تاجر ... بس فيه رينج معين للعربيه صاحب العربيه عارفه و اللي هايشتري عارفه و اللي بيتدخل في التوبيك عارفه برضه .. و عموماُ ده بيع و شراء يا باشا و عمليه بتتم برضا الطرفين ;)

بس الكلام دة يا بيشو ينفع فى سوق الجمعة او اعلانات الجرايد
مش منتدى على النت 90% من اعضاؤة و اللى بيشتركوا فية بيبقوا عايزين يتعلموا لسة فى دنيا العربيات و بيتكون جواهم مصداقية و ثقة من اللى بيشفوة من الاعضاء ...وبيبقى سهل جداً الضحك علية او اصطيادة او اللعب علية فى بيع عربيتة و هو مش عارف !!!!!!!

يا راجل دة فى ناس ماتعرفش يعنى اية اساسيات عربية
ودورنا مانسبهومش يقعوا ... على الاقل و هما معانا هنا
برة المنتدى هما حرين .. وكل واحد مسئول عن نفسة
انما هنا ...اعتقد اننا مفروض يبقى عندنا مسئولية اتجاهم

**Xpert** · 15-06-2008 03:15 PM

ماهه ده بقي حيث يجي دور امثالنا يا بوبز في التسعير و الاراء ...و النصح و الارشاد ;)

**eng_mkhalaf** · 16-06-2008 09:40 AM

أنا مش عارف أنتو محيرين نفسكوا لية - إى حد بيبيع عربيتة وبيحط أعلان فى المنتدى ما يقول إللى هو عايزة الموضوع مفتوح بأى رد من إى حد فى المنتدى انتم لو شايفين السعر غالى حتى لو مش هتشتروا خشوا وقلوا كلمتكم أنا عملت كدة كتير سواء فى موبيلات أو كمبيوترات وعربيات إى أخرة - وبكدة هتبقى أفادت إللى بيبيع وإللى عايز يشترى
وكمان ما المنتدى مليان بيع حاجات كتير غير العربيات زى مثلا الموبيلات والكاميرات وحتى الكلاب مسلمتش من الموضوع :( ومدش أتكلم على الرغم من أننا منتدى عربيات أولا وأخيرا - دة أنا كفاية عندى أنى تجار العربيات بقوا يعرفونا وبيخشوا يعملوا عندنا توبك - على حد قولكم- ودة دليل على شهرة المنتدى وكمان دة هيشهرنا أكتر