ليكوي مولي تحت الاختبار

**profimh** · 09-02-2013 02:54 PM

تقبلوا مرورى يا جماعه انا بستخدم المنتجات دى بقالى اكتر من سنه و بصراحه نتايجها كويسه جدا
بالنسبه للزيت بستخدمه بقالى 30 الف و زى الفل و الملحوظ الصوت الاهدى بعد استعماله

بالنسبه لسيراتك استخدمته مره واحده عشان العبوه بتكفى ل 50 الف بصراحه هو ققل من استهلاك البنزين بس مش بشكل كبير عشان اكون دقبق هو ضفلى .5 كيلو فى اللتر البنزين 92 و ده لفتره ال 15 الف كيلو بعد ما حطيت و بعد كده رجعت العربيه لمعدلاتها الطبيعيه

الفلش بستخمه من يوميها قبل ما اغير و مفيش مشكله بس مكنتش اعرف انه له مشاكل الا من حضرتكم فى المشاركه دى

اما بالنسبه لمنظف الانجيكشن فبصراحه ليس له مثيل بجد بس عشان تتأكد من كلامى حطه فى تنك كامل البنزين و اتفرج اول ما دولر و بس على الشكمان هيطلع ايه ده لأنى جربت منتجات تانيه قبله

باقى المنتجات كويسه جداا خاصه الشحوم البيضه و اسبراى السيليكون.

ارجو ان ما كنش طولت عليكم

**profimh** · 09-02-2013 02:55 PM

نسيت بالنسبه للسحب بصراحه لا الزيت و لا السيراتك له اثر عليه اطلاقا السحب هو هو
شكرا

**profimh** · 09-02-2013 02:57 PM

ههههههههههه
معلش تصحيح لان الكتابه طالعه( .5) كده طبعا انا اقصد نص كيلو فى اللتر

**Formulator** · 09-02-2013 04:42 PM

@ m7mda7md

متابع الـfeedback ومستنيين تقييمك للزيت يامحمد بيه :)
- ركز على الصوت فـ الدوارة الصبح (cold-start) وبردو فـ الـRevving؟!!
- وأساسى النقص فـ مستوى الزيت بعد 3000 و 5000 كم؟؟!!!

المشاركة الأصلية كتبت بواسطة i_Am_Legend

مش عارف اداء ليكوي مولي هايبقي ايه مع مواتير الالفاروميو
..انا بفكر اغير شيل..لليكوي مولي الغيار الجاي..مواتير اﻻالفا حامية...وحساسة جداا للزيت.لازم نوع محترم..

كل مواتير الألفا boxer بتاكل زيت ياكبير.. دا الطبيعى بتاع المواتير دى،
وحتى مواتير الـTwin-Spark الجديدة بتاع الـ156/147 كانت بتاكل زيت -بس بمعدل أقل من البوكسر!

- نقص الزيت عشان الزيت وحش >> دى حاجة،
وان الموتور بياكل زيت -فـ الطبيعى- دى حاجة تانية خااااااااااااااالص!!

أقولك على مواتير -جديدة- بتآكل زيت خصوصا فـ الإستخدام الـhard
- مواتير التويوتا Dual VVTi من أول الكورولا الجنوب-أفريقى
- مواتير الـVW الـTSI Twincharger (الـ160 حصان تحديدا)

وده لا يعيب المواتير فـ حاجة، طالما فـ الحدود الـacclaimed فـ مانيوال العربية؟!!

**Formulator** · 09-02-2013 05:41 PM

المشاركة الأصلية كتبت بواسطة i_Am_Legend

فورميلاتور...ايه رايك..احطلها زيت ايه يا كبيير..

ألفا recommend الـ10w-40 للمواتير دى Synthetic
وفـ الـSporty-driving أو البوكسر الـ1.7 QV بيبقى 10w-60 Fully-Synthetic

أعتقد موتورك 1.6 boxer
طبعا أكيد إتحط فيها قبل كده حاجة Semi-Synthetic

يبقى ماينفعش كده حاجة full-Synth زى الكاسترول-إيدج سبورت!

الأفضل تحط حاجة 10w-40 زى الكاسترول الـMagnetic أو الـLiquiMoly عندهم حاجة بردو semi-Synth إسمها Mos2؟!!
ونفض للموبيل والشيل.. فـ رأيى!

مواتير بوكسر-ألفا حامية أصلا، والموتور بيتعب جامد لو الزيت فيه مشكلة أو مش بيتغير frequent هو والفلتر؟!!

**i_Am_Legend** · 10-02-2013 11:42 AM

المشاركة الأصلية كتبت بواسطة formulator

ألفا recommend الـ10w-40 للمواتير دى synthetic
وفـ الـsporty-driving أو البوكسر الـ1.7 qv بيبقى 10w-60 fully-synthetic

أعتقد موتورك 1.6 boxer
طبعا أكيد إتحط فيها قبل كده حاجة semi-synthetic

يبقى ماينفعش كده حاجة full-synth زى الكاسترول-إيدج سبورت!

الأفضل تحط حاجة 10w-40 زى الكاسترول الـmagnetic أو الـliquimoly عندهم حاجة بردو semi-synth إسمها mos2؟!!
ونفض للموبيل والشيل.. فـ رأيى!

مواتير بوكسر-ألفا حامية أصلا، والموتور بيتعب جامد لو الزيت فيه مشكلة أو مش بيتغير frequent هو والفلتر؟!!

تمام يا فورميلاتور...بس الميكانيكي قالي افضل زيت للمواتير دى..زيت شيل الاحمر احادي الدرجة 50..قالي علشان الموتور قدم...وماينفعش تحط زيت 10-40 خلاص..وهو بيفضل الزيت التقييل..موتور عربيتي حالتة الحمد لله ممتازة..والبوجيهات بتطلع بيضا..وانا لسة مغيرلها بوجيهاتها الاصلية الجولدن لودج 4 شمعة..