حد يساعدنى بس يا ريت بمعلومة اكيدة فى ............

**timo_crosswind** · 14-06-2008 10:36 PM

السفر الكتير بموتور 1300 مش هياثر علي العربيه علي المدي البعيد مدام السرعه لاتتجاوز 120 كم في الساعه وده هيكون مش اكتر من 3500 ار بي ام يعني الموتور هيكون مرتاح ... عموما ميزه 1600 سي سي التكيف مش بياثر علي العربيه وخصوصا في المطالع والحموله والسفر الطويل...وايضا السرعات العاليه و التسارع اكيد بيكون افضل.
لو انت بتقارن بين لانسر 1300 مانيوال...اوبترا...نيسان صيني بس
1.الاوبترا
2.نيسان صني
3.لانسر 1300

ولو انت هتعرف تتعايش مع التقفيل المصري وضيق الكنبه الخلفيه والشكل الداخلي القديم نوعا يبقي النيسان صني رقم واحد...
عموما قبل الشراء صلي استخاره وحاول تركب العربيات دي وتشوف هترتاح لمين اكتر وتوكل علي الله .
بس مدام سفرك كتير نصيحه مني خليك في 1600 هتكون افضل.

**Hassan Khalil** · 14-06-2008 11:45 PM

المشاركة الأصلية كتبت بواسطة Ahmad Allawy

في حاجة مهمة جدا كمان مش واخدين بالكم منها و محدش اتكلم عنها..
الامان يا جماعه..
اللانسر ال1300 مفيهاش وسائد هوائية.. ولا فرامل مانعه لإنغلاق..
air bags or abs
و الصني فيها غالبا.. و التيدا كمان فيها..الاوبترا مفيهاش..

في رأيي شوف الصني و التيدا..

اللانسر ال 1300 الخليجي بها وسادة هوائية للسائق
الصني بها 2 و سادة هوائية .. و لا يوجد فرامل مانعة للانغلاق
الاوبترا .. لا وسادة هوائية و لا فرامل مانعة للانغلاق

**ma7moudzaied** · 15-06-2008 03:19 PM

كل شكر لكل اللى رد على الموضوع
بس غالبا كدة ان النسيان الصنى افضل عربية فيهم بغض النظر عن الشكل الداخلى القديم
وشكرا

**أبو_حمزة** · 15-06-2008 06:57 PM

لو انت بتسافر كتير يبقى سيبك من لانسر
مش عشان الموتور ولا التحمل و الكلام ده العربية ممتازة فى نقطة التحمل حتى لو 1300
المشكلة الكبيرة فى الراحة
الكراسى ووضعية الدواسات مش مريحة للسواقة فترات طويلة و ممكن تحس بمشاكل فى الظهر
انا ما اعرفش نظام الصنى و الاوبترا بس بالمقارنة بالماتريكس الكراسى اريح بمراحل

**timo_crosswind** · 15-06-2008 10:47 PM

المشاركة الأصلية كتبت بواسطة sabbagh

لو انت بتسافر كتير يبقى سيبك من لانسر
مش عشان الموتور ولا التحمل و الكلام ده العربية ممتازة فى نقطة التحمل حتى لو 1300
المشكلة الكبيرة فى الراحة
الكراسى ووضعية الدواسات مش مريحة للسواقة فترات طويلة و ممكن تحس بمشاكل فى الظهر
انا ما اعرفش نظام الصنى و الاوبترا بس بالمقارنة بالماتريكس الكراسى اريح بمراحل

انت قصدك ان نيسان صني والاوبترا اريح بكتير من الماتريكس في السفر؟؟؟؟

**hazem_khidr** · 15-06-2008 11:08 PM

هات ياريس و ريح دماغك .
موتور بيستحمل و شكل حديث و تقفيل ياباني و استهلاك بنزين رائع

**Ahmad Allawy** · 16-06-2008 12:21 AM

يعيبها بس ثبات اقل من مثيلاتها في السفر..
و صاج ضعيف نسبيا عن مثلاتها برضه..
بس ياباني 100% و شكل جديد.. ووسع كويس جدا..
و ارتفاع عن الارض كويس قوي..

**hazem_khidr** · 16-06-2008 12:23 AM

و الله يا احمد باشا العربيه مش مزعلاني في حكايه الثبات دي
يعني 140 زي الفل
ما تطلبش بقي من عربيه في الفئه دي او فئه الاعلي سرعات اكبر من كده
و بعدين الياريس ما قالتش لاء ما انا جايب بيها 180 و ماشيه كويس
بس ابقي مجنون لو حاولت اعمل غرزه بيها علي السرعه دي سواء بيها او باي عربيه تانيه .
الصاج زيه زي الكل بالعكس مساحات الصاج فيها قليله بالنسبه للرفارف و الشنطه و الكبود مديها صلابه اكتر.

**Ahmad Allawy** · 16-06-2008 12:36 AM

لأ هو الثبات فيها بصراحة اقل من مثلاتها.. وده عن تجربة..
بس فعلا انت كلامك صح بالنسبة للسرعات ان الواح نادرا ما بيعدي السرعات دي..
بس في نقطة تانية برضه عن تجربة.. ان هي الهوا العرضي علي الطريق
بيطير العربية.. و بيفقدها اتزانها خالص..و خاصة مع مطبات الهوا..

و الضعف في الجسم الخارجي برضه في عربية صاحبي الرفارف و الابواب و الشنطة في منتهي الضعف.. (مع الخبطات بس لا قدر الله لكن مش الترييحات البسيطة و الحكات..)
زبرضه يعيبها الاكصدامات الفيبر الكبيرة.. القابلة للكسر..
ولو ان فيها ميزة تانية.. انها لا قدر الله لو اتكسرت,, هترميها من غير قلق و تركب غيرها..
من غير سمكرة و رش و وجع دماغ..
مميزات كتير و عيوب غير حوهرية.. تخليها مازالت تحظي بمكانة في السوق و كفاءة عالية طبعا بدون كلام..

**aly2008** · 21-06-2008 03:38 AM

انا عن تجربه شخصيه بقوللك ابعد عن الصني تماما او بمعني اصح ابعد عن اي حاجه تقفيل مصري تماما و متفكرش ترمي فلوسك في حاجه تقفيل مصري لانه فعلا تقفيل زباله يعني واحد صاحبي معاة صني جايبها زيرو غير انه في التوكيل كل شهر بسبب مشكله وهوة ماشي الفيتيس بيتهز ولا كانه راكب عربيه موديل تمانينات وواحد صاحبي تاني معاة فيرنا 1600 مرة خد مطب الجنوط اتكسرت غير ان ثباتها ضايع تماما فنصيحه ابعد عن اي تقفيل مصري