عرض للطباعة
يا جماعة أنا عندى عربية لانوس وكنت مغطيها بغطاء مشمع ضد المياه وأمبارح المطره نزلت على العربية والغظاء أتبل وشيلت الغطاء من على العربية بلليل كان مبلول لقيت العربية لونها لطش لوحدها معرفش من ايه ؟؟؟ العربية لونها فضى بقيت لونها حته فضى ميتالك وحتة مطفيه رحت لورشة دوكو أسأله على حل ليها يعنى لو فيه حاجة تشيل الطلتيش ده قالى لا سيبها فى الشمس وهيه تروح العربية فى الشمس من أمبارح وذى ماهيه ............. هل ليها حل ياريت لو ليها حد يفيدنى
للاسف اقدر اقول ان العربية لازم تترش من جديد مش هينفع معاها الشمس ولا غيرة
العربية موديل 2011
بس ايه اللى خلاها تعمل كده ولا الغطاء ولا مياه المطره ولا حتى الشمس اللى ممكن يخليها تعمل كده لو تنر جه على البويه
طيب العربية دلوقتى موديل 2011 ولسه فى الضمان ؟ هل ممكن التوكيل يتحمل التصليح على اساس انها من عيوب التصنيع ولا لأ ؟ علشان بجد حرام عربيه بقالها سنه واحده بس وتترش ومن غير سبب يعنى مش خبطه لا قدر الله ولا حاجه ؟ ياريت لو حد يعرف التفاصيل يعرفنا .
عليك وعلى التوكيل لسة العربية في الضمان دة عيب دهان مفيش دهان يعمل كدة في خلال سنة السيارة لسة جديدة وربنا معاك