-
التكييف مش شغال
معايا اوبترا 2006 اوتوماتيك
التكييف مش شغال بعد شحنه وديتع لواحد قالى فى خرطوم بيعدى من قدام المكنه فوش العربيه مخروم هلحمه وهتشحن فريون وهيشتغل معاك
عملتو ورجعت المشكله بعديها
وديتو لواحد تانى قالى ده لازم يتغير لانه بيتغير كل سنتين سالت عليه قالى انه ب 200 جنيه مع ان الخرطوم عادى جدا مش مكمل 50 سنتى غير انى هشحنه
يترى الكالم ده صحيح ولا لا
ولو هشترى الخرطوم ده يعمل كام هو مكانه ورا الريداتير بيقول هو الى بينقل الهواء من ماتور التكييف الى العربيه
-
الخرطوم الجديد بتاع الافيو 300 جنيه هما بياخدوا القديم ويعملو خرطوم امريكى جديد ب 200 جنيه
-
على حد علمى الخرطوم فى التوكيل ب 300 جنيه اوبترا و ده لو مش نضيف حيسرب تانى بسرعة
-
انا كان عندي نفس المشكلة وغيرت الخرطوم كان بيبوظ من السخونة غيرو احسن هو بتاع التكييف بيقطع حتة علي قدو و بياخدو علي مكبس كدة بيركب في حتيتن المونيا بياخدهم من الخرطوم الاصلي و كان واخد مني 180 جنية وبعد ميركبو خلي يلفلك عليه عازل زي ورق الفويل كدة بس تقيل شوية و انسي التكييف بعد كدة ولو احتجت اي حاجة قولي انا تحت امرك و امر اي حد في المنتدي
-
كلام مظبوط يانينو
اما بخصوص الخرطوم فأنصحك تتوجة للتوكيل فرع التجمع وهيعملولك الازم كلة وخصوصا ان فية عرض اليومين دول وحتى اخر الشهر علي مراجعة دورة التكييف بالكامل في بعض فروع منصور ومنهم فرع التجمع
وبالتوفيق
-
-
نينو , ممكن نعرف العازل اللى زى ورق الفويل ده بيجى منين واسمو ايه , وهل فعلا بيبقى ليه تأثير فى حماية الخرطوم ؟
-
اشكركم جميعا على ردودكم الهايله المفيده
هو فعلا فى واحد قالى انه هيعملو 180 جنيه عموله على الى معايا وهيشغلو
يعنى انت شايف انى اعمله عموله ولا اجيبو استيراد ب 250 ولا اجيبو من التوكيل بس اعتقد ان بتوع التوكيل بيشتغلونا وهيجبولنا الاستيراد الى انا هجيبو ب 200 جنيه بعد مفاصل فيه
انتو رايكو ايه
-
انا عملتوا السنة اللي فاتت بالشحن ب 150 جنية :)
-
حكاية العزل دي انا مش عارفها بصراحة بس هو ورق تقيل كدة وبيتلف علخرطوم واكيد بياثر بالايجاب بس انا مش عارف اسمة ايه بصراحة اكيد هتلاقي عند اي حد بتاع تكييف و نصيحة اعمل الخرطوم عمولة احسن لانو بيتلحم بالالومنيا مكان الوصلة اللي بتتركب فاكيد احسن من الجديد
Content Relevant URLs by
vBSEO 3.6.0 PL2