الموضوع: ليه عربيات الفورميلا بتغير كاوتش فى السباق اكتر من مره؟؟

هو فيه كذا نوع Tyre مش بس الـSoft (الأملس) اللى قصدك عليه،

- فيه Hard Compound دى عليه نقشة عادى
- الـMedium نقشتة أقل فـ الـgrooving
- الـSoft وده ناعم وTraction عالى = سرعات
- الـSuper-Soft وده أعلى Traction وبيدى أعلى سرعات (هو ده اللى بيجيب 320/340 كم/س على بعض الحلبات).
- وفيه الـWet كمان عشان الأمطار لو التراك مبتل.. وأعتقد فيه نوع أو 2 كمان iirc

اختيار الإطارات بيبقى حسب التراك والحرارة ودى الـStrategy بتاع الفريق،
دلوقتى الـRegulations بتاع الـF1 ان السيارة لازم تستخدم نوعين من الإطارات خلال السباق..يعنى ماينفعش يفضل طول السبق بـSuper-Soft مثلا.

الكاوتش بيتغير طبعا أثناء السباق عشان الـTyre-Degradation اللى بيحصل، التآكل مش بس من السرعات العالية والحرارة..
لأ ده كمان الـFast-Corners (ملفات على 200 كم/س) + الفرامل بتهلك الكاوتش؟!!
تخيل لما ينزل بالسرعة من 250 كم/س الى 70-80 كم/س فـ ثانيتين.. أيه اللى بيحصل للكاوتش؟؟!!!

- عايز أقولك ان فرق السرعات بين الـHard/Medium وبين الـSoft/Super-Soft على بعض التراكات ممكن يوصل لثانيتين كاملين؟؟؟!!!!!!
وده رقم خزعبلى فـ الـF1.. لكن طبعا الأنعم بيتآكل بمعدل أسرع من الناشف،

المشاركة الأصلية كتبت بواسطة mahamedaraby

انا سمعت ان مواتير عربيات السباق دى بترمى بعد السباق
او ما بتكنش صالحه للاستخدام بعد كده ؟

هو مش كده بالضبط،
الـRegulations دلوقتى بتقول ان الموتور/الجيربوكس لازم يكفى لـ2500 كم تقريبا،
يعنى بحسبة الفرق.. يكفى 2 weekend؛ بالتجارب الحرة (Free-practice) والتأهيلية (الـQualification) اللى بتتم قبل السباق نفسه ..!!

- الموتور 2400cc فقط 8-سلندر بيبقى Over-Square أو Ultra-Short Sroke يعنى بساتم عريضة ومشوار قصير جدا.. عشان يقدر يلف لغاية 18,000 rpm..؟؟!!!

بيطلع 750-800 حصان، يكفى لدفع السيارة (وزنها 650 كجم) نظريا من 0-100 فـ ثانية واحدة.. (لكن عمليا بتوصل لـ1.8 ثانية - ثانيتين) عشان الفاقد..!!
موتور بالأداء المذهل ده، أكيد عمره الأفتراضى هيبقى قصير جدا..

المشاركة الأصلية كتبت بواسطة حماده المصري

الناس دي مبتهزرش
في البوجاتي بيقولك لو قفلت العداد لمده معينه مش فاكر هي كام بالضبط الكاوتش هيتحرق ويسيح تقريبا
بس ده مستحيل يحصل ليه بقى لانك لو مفول التانك على الاخر هيفضى قبل ما تعدى المده المعينه لاحتراق الكاوتش وانت مقفل العداد

هو فعلا حاجة كده.. بيقولك الكاوتش الـMichelin الى بيركب عليها (ميشلان فقط) يكفى ان السيارة تمشى بسرعة الـ400 كم/س لمدة 3 دقائق فقط..؟؟؟!!!!!!
ومايستحملش أكثر من كده (يعنى ممكن تيجى تقفل الأمبير، عقبال ماتجيب الـ427 كم/س) ممكن يتآكل قبلها.. بيقولك تجميعها بطىء فوق الـ400 كم/س؟؟ ههههههههههههههههههههههههه هههههههههه

- قالك الكاوتش ماينفعش يتيغير (ولا يتفك من عـ الجنط) اللى فـ مصنع ميشلان فرنسا؟؟!!!
مش عارف يعنى لو اتخرم ولا عايز ترصيص.. ماينفعش فـ Fit&Fix عمارات العبور؟؟ ههههههههههههههههههه

أصلا الكاوتش ثمنه حوالى 30 ألف دولار (معرفش بالجنط ولا من غيره) من ثمن العربية المليون و 200 ألف..؟؟!!!

- بالنسبة لتانك البنزين (مش متأكد 120-150 لتر)؛ بيقولك العربية أو الموتور يقدر يشفطه كله فـ 11 دقيقة، أو 8 دقائق (على سرعتين مختلفين)..؟؟!!!
طبعا مش فاكر على سرعات كام؟؟ بس أعتقد أقل من التوب-سبيد سيكا..

Regards،