ليه عربيات الفورميلا بتغير كاوتش فى السباق اكتر من مره؟؟
وليه الكاوتش ساده مفيهوش نفشه خالص؟؟
ليه عربيات الفورميلا بتغير كاوتش فى السباق اكتر من مره؟؟
وليه الكاوتش ساده مفيهوش نفشه خالص؟؟
بيتغير كذا مرة عشان السرعة الزائدة و مع كتر الاحتكاك ..
مفيهوش نقشة عشان يبقى اسرع من أي كاوتش تاني ..
علشان السرعات العالية والاحتكاك والسخونة اللي بتبقى في الكاوتش نتيجة السرعات والملفات الكتير، ولاحظ في دورة الإحماء بيقعدوا يروحوا يمين وشمال كتير علشان الكاوتش يسخن ويكلبش في الأرض وسرعته تزيد، وموضوع النقشة ده لسببين أو حاجة لو لاحظت في الملفات بتلاقي العربية بتتزحلق فالنقشة بتعوق الموضوع ده، تاني حاجة بيبقى أفضل في السرعات
هو اسمه slick tyre ومفيهوش نقشة عشان يزود مساحة الاحتكاك بين الكاوتش والأسفلت "traction"
وطبعا لكل طريق حاجة ولكل درجة حرارة حاجة برده , وطبعا مع ال"traction" العالي ده بيحصله "tear" أكتر من الكاوتش بتاعنا فـلازم يتغير
موضوع جميل أنا استفدت منو..جزاكم الله خيراً.
وكمان بيتسخن قبل ما السباق يبدء عن طريق جراب تسخين بيلفو بيه الكاوتش لحد ما السباق يبدء
معلومة جديدة
فعلا ...
انا سمعت ان مواتير عربيات السباق دى بترمى بعد السباق
او ما بتكنش صالحه للاستخدام بعد كده ؟
الناس دي مبتهزرش
في البوجاتي بيقولك لو قفلت العداد لمده معينه مش فاكر هي كام بالضبط الكاوتش هيتحرق ويسيح تقريبا
بس ده مستحيل يحصل ليه بقى لانك لو مفول التانك على الاخر هيفضى قبل ما تعدى المده المعينه لاحتراق الكاوتش وانت مقفل العداد
هو فيه كذا نوع Tyre مش بس الـSoft (الأملس) اللى قصدك عليه،
- فيه Hard Compound دى عليه نقشة عادى
- الـMedium نقشتة أقل فـ الـgrooving
- الـSoft وده ناعم وTraction عالى = سرعات
- الـSuper-Soft وده أعلى Traction وبيدى أعلى سرعات (هو ده اللى بيجيب 320/340 كم/س على بعض الحلبات).
- وفيه الـWet كمان عشان الأمطار لو التراك مبتل.. وأعتقد فيه نوع أو 2 كمان iirc
اختيار الإطارات بيبقى حسب التراك والحرارة ودى الـStrategy بتاع الفريق،
دلوقتى الـRegulations بتاع الـF1 ان السيارة لازم تستخدم نوعين من الإطارات خلال السباق..يعنى ماينفعش يفضل طول السبق بـSuper-Soft مثلا.
الكاوتش بيتغير طبعا أثناء السباق عشان الـTyre-Degradation اللى بيحصل، التآكل مش بس من السرعات العالية والحرارة..
لأ ده كمان الـFast-Corners (ملفات على 200 كم/س) + الفرامل بتهلك الكاوتش؟!!
تخيل لما ينزل بالسرعة من 250 كم/س الى 70-80 كم/س فـ ثانيتين.. أيه اللى بيحصل للكاوتش؟؟!!!
- عايز أقولك ان فرق السرعات بين الـHard/Medium وبين الـSoft/Super-Soft على بعض التراكات ممكن يوصل لثانيتين كاملين؟؟؟!!!!!! :question2:
وده رقم خزعبلى فـ الـF1.. لكن طبعا الأنعم بيتآكل بمعدل أسرع من الناشف،
هو مش كده بالضبط،
الـRegulations دلوقتى بتقول ان الموتور/الجيربوكس لازم يكفى لـ2500 كم تقريبا،
يعنى بحسبة الفرق.. يكفى 2 weekend؛ بالتجارب الحرة (Free-practice) والتأهيلية (الـQualification) اللى بتتم قبل السباق نفسه ..!!
- الموتور 2400cc فقط 8-سلندر بيبقى Over-Square أو Ultra-Short Sroke يعنى بساتم عريضة ومشوار قصير جدا.. عشان يقدر يلف لغاية 18,000 rpm..؟؟!!!
بيطلع 750-800 حصان، يكفى لدفع السيارة (وزنها 650 كجم) نظريا من 0-100 فـ ثانية واحدة.. (لكن عمليا بتوصل لـ1.8 ثانية - ثانيتين) عشان الفاقد..!!
موتور بالأداء المذهل ده، أكيد عمره الأفتراضى هيبقى قصير جدا.. :dzey:
هو فعلا حاجة كده.. بيقولك الكاوتش الـMichelin الى بيركب عليها (ميشلان فقط) يكفى ان السيارة تمشى بسرعة الـ400 كم/س لمدة 3 دقائق فقط..؟؟؟!!!!!! :go:
ومايستحملش أكثر من كده (يعنى ممكن تيجى تقفل الأمبير، عقبال ماتجيب الـ427 كم/س) ممكن يتآكل قبلها.. بيقولك تجميعها بطىء فوق الـ400 كم/س؟؟ ههههههههههههههههههههههههه هههههههههه
- قالك الكاوتش ماينفعش يتيغير (ولا يتفك من عـ الجنط) اللى فـ مصنع ميشلان فرنسا؟؟!!! :grin28:
مش عارف يعنى لو اتخرم ولا عايز ترصيص.. ماينفعش فـ Fit&Fix عمارات العبور؟؟ ههههههههههههههههههه
أصلا الكاوتش ثمنه حوالى 30 ألف دولار (معرفش بالجنط ولا من غيره) من ثمن العربية المليون و 200 ألف..؟؟!!! :cool:
- بالنسبة لتانك البنزين (مش متأكد 120-150 لتر)؛ بيقولك العربية أو الموتور يقدر يشفطه كله فـ 11 دقيقة، أو 8 دقائق (على سرعتين مختلفين)..؟؟!!!
طبعا مش فاكر على سرعات كام؟؟ بس أعتقد أقل من التوب-سبيد سيكا.. :alien31:
Regards،
شكراً على المعلومات القيمة
متاااااااااابع
الكاوتش دا بيتعذب اصلا من كتر السرعة و الملفات والفرامل
و كل فريق لية ستراتجي معين بيمشوا بيها في السباق ممكن يبدا ب ميديام و يكمل ب سوفت
و الكاوتش بيتغير من 17 ل حاجة وعشرين لفة على حسب النوع
الاهم من دا كلة فريق البيت ستوب .. بيغير الكاوتش كلة و يضغط البنزين في اقل زمن
موضوع رائع ومفيد
وأحب أهدي الأغنية دي للمُبدع formulator:
Renault F1 Song - YouTube
لازم تسمعو الابداع ده
انا أصلا بعشق صوت العربية دي :8941[1]:
دي طلعت بتغني كمان :stink[1]:
هههههههههههههههههههه
جامدة جدااااااااااااااااا :Bravo:
الرينو من أعظم فرق الـF1، ومن أفضل صناع السيارات فـ العالم (فـ رأيى) عشان إمتلاكهم للتكنولوجى المتطورة،
كفاية ان 4 فرق النهاردة بتستخدم مواتير Renault، منهم حامل اللقب RedBull