ههههه من 8 ل 4 يا قلبى لا تحزن

اخوكوا اتظبط امبارح باليل و النمرة الخلفية اتسرقت من على العربية :penguin4:
المهم رحت القسم على 11 باليل كده اعمل مذكرة او محضر علشان ما حدش يعمل مصيبة و يكون معلق النمرة بتاعتى و البس انا :go:

دخلت القسم و بالمناسبة هو قسم الرمل

القسم فاضى و رايق جدا

انا:عايز اعمل محضر علشان اللوحات الخلفية بتاعت العربية اتسرقت
المخبر :اخر اوضه على ايدك الشمال
خبط و دخلت
لقيت ضابط رتبة صغيرة
انا : النمرة الخلفية وقعت او اتسرقت و عايز اعمل محضر علشان اروح بيه المرور
هو:مش حاينفع دلوقتى علشان الختم مش موجود !!!
انا: طب ينفع امتى ؟!!
هو:بكره من 8 الصبح لغاية الساعة 4
انا:شكرا،السلام عليكوا

رحت طبعا الشغل النهارده و زوغت بدرى على واحدة و نص كده (شعور جميل انك تبقى ماشى من غير نمر :Bravo:)

وصلت القسم على 2 و ربع
دخلت اوضة النوبتجى
لقيت امين من النص كم اياهم دول
انا:عايز اعمل محضر علشان كذا و كذا
هو:مش حاينفع دلوقتى !!!!!!
انا:ليه ؟!! انا كنت هنا باليل و الضابط قالى تعالى قبل الساعة 4
هو:احنا مش مقصرين،بس الموظف اللى بياخد الرسوم فى الخزنة بتاعت المحضر بيمشى الساعة 2 !!!!!
مسكت نفسى باعافية انى اطول لسانى :grin28:
انا: موظف فى الخزنة ؟؟؟؟؟
هو :اه
انا : طب الحل ؟؟ انا كده حايبقى ليا يومين ماشى من غير نمر و الله اعلم باللى ممكن يحصل
هو : تعالى بكره الصبح الساعة 8
انا بلمت و تنحتله و قلت فى بالى هو انا فاضيلهم !!!

الخلاصة كده
اقسام الشرطة بقت عاملة زى المصالح الحكومية
من 8 الصبح لغاية 4 العصر بعد كده نام يا عطا وشد الغطا
الخزنة اللى جوه القسم اللى بتاخد منك الاتاوة بتقفل الساعة 2 زى خزاين المصالح الحكومية برضه
النتيجة بالنسبالى
لو شفت ضابط داخلية فى الشارع بعد 4 العصر يبقى ضابط مضروب :cow07:مش اصلى

و تحيا مصر بعد هوجة 25 يناير

أنا رأيي، تطلع على مديرية الأمن وتعمل محضر لأمين الشرطة... وعلى فكرة أنا عملتها قبل الثورة (عملت محضر لضابط في المديرية)

يااااااااااااااادى الخيبة التقيلة

يا قلبى لا تحزن

دانت تردح لهم

يعني لو في مصيبه بتحصل ولا ناس بتقتل في بعضها بعد الساعه 4 ده العادي ؟
ليه هو مرور ياولات التيييييييييييييت الناس دي بتستهبل
لو رتبه وولا حد تقيل كانو طلعو دورو عليها

عمرهم ما هيتغيروا

انا هحكي تجربتي مع موقف شبيه
اختى وقع منها المحفظه وهي راجعه من الشغل وكان فيها كل حاجه مبلغ وبطاقه والفيزا بالرقم السري غير كام كارنيه تانيين
المهم اول حاجه كلمنا البنك وقفنا الفيزا واتاكدنا ان محدش استخدمها
روحت القسم هو قسم الجيزة الى في شارع البحر الاعظم كان الساعه حوالي 10 بليل دخلت كان رايق قلت للرتبه معرفش هو ايه حصل كذا كذا وعايز اعمل محضر قالي مفيش مشكله هعملك المحضر دلوقتي واسجله في الدفتر وتيجي بكره تستلم الوصل الى هو بتروح بيه تطلع البطاقه الجديده والفيزا الوصل الى يثبت انك عملت محضر وطبعا الوصل ده بتاخده بعد ما بتدفع الرسوم

بس كده فلو حاجه زي دي بعد كده قول للموظف يسجل المحضر في الدفتر وتعدي في وقت تاني تاخد الوصل او المستند الى يثبت انك عملت المحضر والحاجه فقدت في التاريخ كذا الى هو تاريخ عمل المحضر في الدفتر

وربنا يسترها على الجميع

اقتباس:

---

المشاركة الأصلية كتبت بواسطة mohammedabdallh

يا قلبى لا تحزن

---

فأن الله معنا

طب والمهم عملت ايه بعد كده؟

ربنا يسترها معاك واللي سرق النمر ميلحقش يعمل حاجة بيهم.

وتحيا مصر!!

يعني نعملهم ايه تاني
حرام

طيب دلوقتي أنت هتحدد معاد سرقة النمرة بناءا علي ايه ؟؟؟
هو هيرضي يكتبها بتاريخ قديم ؟ ولا مش هيرضي ؟:question2:
ولو حد لاقدر الله يعني عمل بيها حاجة ف الفترة دي يبقي إيه العمل ....مهو مافيش حاجة تثبت إنها أتسرقت
مهو أكيد مش سرقها عشان يبروزها ف الريسيبشن ...
...
إبقي قولنا إيه الأجرائات إذا تكرمت ...
.

ولا عزاء للانضباط مطلقا !

عايزين ظباط من الصين

واضح انكوا اتصدمتوا من الواقع :))
النهارده تانى يوم ازوغ من الشغل علشان الموضوع ده و الحمد لله عملت المذكرة
الاجراءات بقى
مذكرة يتكتب فيها كل حاجة حصلت و رقم الشاسيه و الموتور و مكان الفقد او السرقة و الوقت و التاريخ و تتمضى من معاون القسم و يدفع رسوم 3 جنيه تخيلوا !!! و بعد كده يتكتب فى الدفتر بتاع الاحوال الموضوع و يتمضى عليه من المبلغ و يتختم المذكرة و بس كده

اقتباس:

---

المشاركة الأصلية كتبت بواسطة ghamrawy

واضح انكوا اتصدمتوا من الواقع :))
النهارده تانى يوم ازوغ من الشغل علشان الموضوع ده و الحمد لله عملت المذكرة
الاجراءات بقى
مذكرة يتكتب فيها كل حاجة حصلت و رقم الشاسيه و الموتور و مكان الفقد او السرقة و الوقت و التاريخ و تتمضى من معاون القسم و يدفع رسوم 3 جنيه تخيلوا !!! و بعد كده يتكتب فى الدفتر بتاع الاحوال الموضوع و يتمضى عليه من المبلغ و يتختم المذكرة و بس كده

---

ماهو ده المطلوب.... انت كنت عاوز حاجة تانية؟؟
محضر روتيني عشان تخلي مسئوليتك
وان كنت شايف ان مفيهاش اي مسئولية لأني ممكن ببساطة قبل ما اعمل البلوة اروح افك اللوحة وادعي ان اللوحة ضاعت وبعدين اعمل اللي انا عاوزه... بس هو كالعادة شغل ورق لترييح البال
ومطلوب عشان تطلع لوحة جديدة

متابع

معلش ربنا معاك وإعمل حسابك على إعادة فحص في المرور
وانا عملت الحوار ده قبل كده وكان بليل ومدفعتش ولا ملم وإتختمت وأخدت صورة المحضر مختوم طبق الأصل ومشيت (قسم النزهة)

يعني البهوات بياخدوا مرتباتهم من ضرايبنا ونايمين ولا في بالهم كل ده بحجة إنهم بيعاقبونا علي الثوره اللي قامت وفضحتهم ربنا يستر وربنا يولي من يصلح يقدر يختار وزير داخليه محترم يقدر يغير النظام ده كله علشان الظابط المحترم يحترم المواطن اللي جايله في مصيبه ولا كارثه قبل ما تحصل ما يقولوشي الساعه دلوقتي 4 مواعيد العمل بتاعتنا إنتهت

يعنى لو فيه كارثة حصلت بالليل لاى حد القسم بيبقى قافل ساعتها طيب يعملو طوارئ زى المستشفيات حتى
ده تهريج مفيش بعده تهريج
يبقى عشان كدة البلطجة زادت طالما اقسام الشرطة بقت بالمواعيد

قسم الشرطة باليل كان فاضى
يمكن كلهم 10 او 12 فرد
يمكن علشان لو حصل حاجة يلحقوا يجروا بسرعة و الخسائر البشرية تبقى بسيطة

الجديد النهارده

4000 ج مخالفات فى سنة و 9 شهور
اعادة فحص و رفع رقم شاسيه و موتور
ارقام جديدة
مذكرة تعميم على مستوى المخروبة علشان لو حصل حاجة بالنمر ابقى فى السليم
و الكمالة يوم السبت لما اشوف المخالفات دى تفاصيلها ايه و حاتتخفض لكام
بس واضح ان رادار الصحرواى اللى كنت باعدى عليه كاسر ال 200 شغال !!

حاجة تفلق

اقتباس:

---

المشاركة الأصلية كتبت بواسطة mohamadfawzy

حاجة تفلق

---

جدا الصراحة
ثم اذا كان البهوات هربانين فى البيوت لمدة من 28 يناير 2011 لغاية مثلا شهر 6 /2011 الا اذا كانوا بقى لابسين مدنى و واقفين فى البلاكونات فى بيوتهم و فى ايديهم دفاتر المخالفات :8941[1]: