الموضوع: Top Up Oil Level

مبروك يا هاني باشا , العفشة بصراحة التوكيل بيفتري فيها , بقالهم حوالي 60 الف كيلو في الصيانات بيرصو نفس الرصة اللي انتا قلتها ومش بعمل حاجة , وكان ايمن مومو ربنا يبارك له دلني على واحد كويس بتاع عفشة كنت عملت عنده شغل وحسيت انه فاهم , حسب ما اتذكر كان اسمه هاني وكان في مسطرد .

مبروك عليك.. و يا ريت سعر قاعدة الموتور

المشاركة الأصلية كتبت بواسطة Abo_Lina

مبروك عليك.. و يا ريت سعر قاعدة الموتور

القاعدة ب 600 جنيه و 60 جنيه ضريبة و التركيب 43 جنيه...يعنى هما ال 700 جنيه الكرام :)....اسمها Left Engine Bracket ...لو حابب تشوف صورتها هى ثالث صورة

ميزة القطع الأصلية ( بالرغم من الارتفاع فى السعر ) إن الاستبدال بيرجع العربية زى ما كانت جديدة فعلا...يعنى قبل التغيير كان فى هزة ( بالرغم من إنى ما اشتكيتش لكن قفشوها و لاد الإيه..بس جدعان و الله إنك تحس إنك سايب العربية لحد بيفهم فيها أكتر منك و فى الآخر عجبك الرأى غير.. ما عجبكش اتصرف برة التوكيل براحتك)...بعد التغيير كل شىء رجع لسابق عهده من راحة و ثبات و لا كإن كان فيه حاجة....

أنا كمان لاحظت إن أسعار التوكيل فى القطع مطابقة للسعر العالمى بجد..قعدت أدور لو ممكن أجيب لها حاجة من انجلترا مثلا زى الاسبويلر أو حاجة بسيطة زى المساحات ال Valeo الأصلى..لقيت هى هى نفس الأسعار بتاعة التوكيل...فا للحق هما مش بيبالغوا فى الأسعار و إنما هى غالية علينا علشان فرق سعر العملة...
هما بس بيقلشوا حبتين تلاتة فى سياسة استبدال المستهلكات زى موضوع العفشة و أحيانا التيول..

المشاركة الأصلية كتبت بواسطة mohd_adel_amin

مبروك يا هاني باشا , العفشة بصراحة التوكيل بيفتري فيها , بقالهم حوالي 60 الف كيلو في الصيانات بيرصو نفس الرصة اللي انتا قلتها ومش بعمل حاجة .

هاهاها..نفس السياسة فى العامرية برضه....تصدق أنا كنت ناوى أروح لهم مخصوص...بس مسألة الزيت دى خليتنى أشك فى إن يكون فى حاجة فى الموتور و العربية تقعد هناك فالمشوار طبعا زى الفل...فاستقربت المقطم....

على فكرة...فى حد فهم هى إيه المشكلة إللى ورا الرسالة بتاعة Top Up Oil Level ؟؟؟...انا مش عارف هى إيه المشكلة و اتحلت إزاى ؟؟؟
إيه علاقة ثرموستات الحرارة و ال .. water Housing بالرسالة و الزيت عموما !!!!!

نسيت أقول لكم صحيح....بعد ما دفعت و أنا لسه بأقرأ فى الفاتورة لقيت إللى بيقول لى "هااا....الخبطة جامدة و لا جت حنينة" فاستغربت لبرهة من الزمن ..مين إللى قلبوا عليا و حاسس بيا كده...لقيت العقيد خالد فى وشى ...هاهاها...كانت مفاجأة حلوة و قعدنا ندردش شوية
و لكنهم عملوا معاه حركة غتيتة حبة..مدخل العربية الساعة 9 و نصف تقريبا و لسه هاتدخل الورشة الساعة واحدة الظهر...فالحسن الحظ أنا قفشتها فقلتلوا "باشا مش دى الإكستريم بتاعتك برضه ؟"....فهو عمل معاهم موقف و مارضيش يدخلها و قال لهم لأ ما تدخلوهاش...المهم رسينا إنهم هايدخلوها بس ينجزوها فى ساعة و يبقى واقف جنبها..أنا الحقيقة اضطريت أمشى علشان ألحق الشغل و مش عارف خلصت على طول و لا لأ....بس العقيد خالد ما شاء الله عليه ..بيعرف يظبط المسائل دى...
أنا حصلت معايا كتير إن العريبة تفضل واقفة ساعتين ما حدش يلمسها و أحيانا تقف بعد ما كل الشغل يخلص فيها مين غير ما حد يمشى ورقها علشان استلمها...