الحقوني بجد انا محتاس في المشكله ده (تابلوه الماتريكس)

المشكله اللي عندي بكل صراحه بشعه جدا
التابلوهمن فوق عندي في العربيه الماتريكس كنت حاطط عليه المعطر بتاع السياره بعد كام يوم لقيت الفيلم الاسود اللي ع التابلوه زي ما تقولو مفقفق معرفش قابب. جيت اشوفه فيه ايه لقيته اتقطع والارضيه بتاعة التابوه بانت
انا مش عارف اعمل ايه
بجد حد يقولي انا لسه جايب العربيه من اسبوعين و ملحقتش افرح حصل الموضوع ده نكد عليا جامد
ارجو الرد ارجوكم
اخوكم سعيد

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ
تم النقل بواسطة الإشراف ...

الحل موجود...بس للاسف هتضطر تشيل تفك الطابلوه

لو عندك استعداد قول ؟

وكمان ياباشا الموضوع مكانه فى الورشه :)

ماشي قولي اعمل ايه

انا بجد حتجنن حاجه تنرفز خالص ان الواحد يدخل العربيه يلاقي المنظر ده

انت بتقول لسه جايب العربيه من اسبوعين يعني لسه في الضمان
والمفروض انك متسبش حقك وتعمل العربيه في التوكيل .

اعمل ايه في التوكيل ده غلطتي انا اللي حطيت معطر الجو ع التابلوه وانا اللي سبب المشكله حروح اخد حقي في ايه

ولا تعمل حاجة يتغير في التوكيل و متدفعش نكلة انت لسه في الضمان

التوكيل والضمان ياباشا ملهوش دعوه بالكلام دا خالص
دا سوء استخدام...مش عيب تصنيع
وللاسف انا مكنتش اعرف انها لسه فى الضمان...
انا كنت هبعتك شركة تصليح وترميم تابلوهات وهى شركه محترمه جدا..بس طبعا التابلوه لازم يتفك

ولو التابلوه اتفك...يبقى شكرا للضمان

حتى لو انا الغلطان التوكيل حيرض يغيرو

هل ده ممكن؟

يتغير فى التوكيل بس هتدفع ثمنه وتكاليف الشغل كمان.....مبلغ محترم

انا من رأيى لو تقدر تستنى بعد مالضمان يخلص وابعتك للشركه اللى قولتلك عليها

الحوار مش هيكلفك 200-300 جنيه...والقرار ليك بردو

لو سوء استخدام مش هيرضو

طب ما تقولنا على الشركة دي ينوبك ثاب يا استاد flying

شكلها ملهاش حل حسيبها كده و امري لله

طيب معلش يا جماعه استفسار لأهل الخبره
انا مأمن ع السياره هل ده في نطاق التأمين ممكن يتحملها؟
شكرا على مجهودكم

انا ليه رأي ممكن تجربه برضه لو عجبك

انت روح الضمان واعمل عبيط وان انت ماتعرفش ازاي التابلوه يعمل كده وهية لسه مابقالهاش اسبوعين وشوف هما هايقولو ايه ولو قالولك برة الضمان شوف برضه المبلغ كام ولو تقدر عليه ادفعه وخلص ممكن تستنى حتى في صيانة الألف كيلو وتعمل الحكاية دي

وبعدين في نقطة انا مش مصدقها ازاي التابلوه يعمل كده من شوية معطر انا رأيي ان ده أصلا عيب في التابلوه مانا طول النهار التابلوه عندي بيدلق عليه حاجات من مختلف الأنواع وساعات باسيبها يومين تلاتة لغاية مانضفها وعمره ماعمل كده فانا شايف برضه ان انت مش هاتعمل عبيط قوي لأني شايف برضه ان ده حقك لأنها صعبة ان التابلوه يعمل كده وهوة لسه مابقالوش اسبوعين امال بعد كده هايعمل ايه فانت ممكن يتهايئلك ان ده سوء استخدام منك وهوة مش كده لأ ده عيب في التابلوه جرب ومش هاتخسر حاجة

اقتباس:

---

المشاركة الأصلية كتبت بواسطة kamalantivirus

طب ما تقولنا على الشركة دي ينوبك ثاب يا استاد flying

---

بص ياكمال باشا :انا اتعاملت معاهم كتييييربس معرفش اسم الشركه دى بالظبط..انا عارف صاحبها شخصيا اسمه م/محمود
بس هى اشهر من نار على علم

انزل وسط البلد....ميدان لاظوغلى ..شارع مجلس الامه...انزل هناك واسأل اى محل قطع غيار هناك (الشارع كلله بتوع قطع غيار) قوله فين الشركه اللى هنا اللى بتصلح التابلوهات..هيشاورلك عليها على طووول

لأ .. مش ممكن
الحل هو :
تصلح التابلوة في التوكيل .. وتدفع دم قلبك .
تصلح التابلوة برة التوكيل .. ويسقط الضمان .
تشوف أي حد يصلح التابلوة من غير ما يفكه بأي شكل من الأشكال طبعاً مش هيطلعلك النتيجة اللي في بالك .. لكن هيخفف العيب ومش هايسقط الضمان ..

وحكاية إنك تعمل عبيط في الضمان دي غير واقعية تماماً ..

واحنا كنا قلنا قبل كدة إن الحرارة الزائدة جوة السيارة وخصوصاً عند التعرض لأشعة الشمس المباشرة نتائجها خطيرة خصوصاً لو حاطط علبة اسبراي بأي شكل ممكن تنفجر ..
واللي حصل كان نتيجة غليان الزيت العطري ، وطبعاً مع كون الفواحة جديدة ، ونسبة الميل الموضوعة عليها ، خرج الزيت المغلي من فتحاتها على التابلوة ودمر لك شكل التابلوة تماما

ولو عايز تعطر العربية كويس بعد كدة قدامك عدة حلول :
معطر الجو الاسبراي .. وتبعد عن إنك ترشه على أي أجزاء بلاستيكية أو جلديه في العربية .
أي معطر عادي .. وترشه على دواسات العربية وده هيديلك نتيجة هايلة .
لو مصمم على الفواحة .. تعال على نفسك شوية واقفلها من جوة بالغطا الأزرق قبل ما تنزل ، وارجع افتحها لما تتحرك .. الحكاية ما بتاخدش دقيقة فك ودقيقة تركيب .. وده هيحافظلك عليها من الغليان ، ومن التبخر السريع للمعطر .
ويستحسن في كل الأحوال إنك تاخد المعطر معاك وانت طالع البيت أو تحط زجاجة الاسبراي في شنطة العربية .
أو تعتمد على الاسبريهات ذات العبوات البلاستيك حيث قابليتها للانفجار قليلة جداً ، لكن معدلات تبخر المعطر فيها عالية جداً برضه

اشكركم يا جماعه بجد على المشاركه وانا ان شاء الله حروح التوكيل النهارده و اشوف هل ممكن يتصلح ولا ل - ان مكنش حفكر اكسيه جلد او حتى اغيره-أ و تكاليفه وكده بس من غير ما اعمل عبيط ولا حاجه علشان للأسف ده غلطتي وانا مشحقبل ان حد تاني يتحملها
قدر الله و ما شاء فعل- الحمد لله-
اشكركم جدا جداااااااااااااا

فعلا في فيدو مفيد بيشرح الموضوع ده اللي عاوز يشوفه هنا :
https://youtu.be/iAk68OiNk_M