حد جرب ال اي فون ٥ ابو ٣٠٠ جنية ؟؟؟

**nicegypt** · 16-05-2012 01:52 AM

فية ايفون ف السوق بيكون شكلا خارجياَ شبية بالاي فون رغم انة واضح علية الاختلاف
اما السوفت وير ياريتوو ويندوز .. دة بيكون السوفت بتاع الموبايلات الصيني القديمة
دة المعروض ف الفيديو فوق شكلة محترم ع الاقل والسوفت نوعا ما مقبول عن اللى بيتباع ف السوق

**ahmad--ezzat** · 16-05-2012 01:59 AM

المشاركة الأصلية كتبت بواسطة shnory

لو كمل معاك يومين يبقي كويس
هات اي حاجه من جي تايد اهي بضمان

شنوري باشاازيك
اسمحلي اختلف معاك...الموبيل حمااار شغل فعلا وبيستحمل كتير ولكن
سوفتوير جافا زباله
تتش مقرف
الوان وشاشه بنت .......
شكل عره وميشرفش
صوته مسرسع
من الاخر اي موبيل صيني افضل منه
هو معايا بقاله 3 شهور وبعته لواحد صحبي من سنه ولسا معاه وعلي فكره فيه ثايرلس وسينسور

**elpasha1** · 16-05-2012 02:23 AM

المشاركة الأصلية كتبت بواسطة ahmed_nubira

ثايرلس وسينسور

ممكن اسال يعنى اية الاولى وفائدة الثانية

**ahmad--ezzat** · 16-05-2012 02:30 AM

وايرلس يعني نت يعني فيه واي فاي زي الاب توب والموبيلات الاندرويد
السينيور عشان لو قلبت التليفون الشاشه تقلب معاك

**ghostmido** · 16-05-2012 02:46 AM

المشاركة الأصلية كتبت بواسطة me_medoo

انا كنت حابب اجبهولها تفرح بيه
عارف الجيل الجديد .... فاكرين الموبايلات لعبة مش عاوز اقولك ياشنوري ياخويا بمجرد مابنزل من البيت الاقي البت بنتي. بتتصل. عليا تقولي بابااااااااا انتا خرجت هههه
اقولها لا يا حبيبتي انا موجود في البيت بقلبي وجسمي بس هو الي طلع
تقلي طيب انا عاوزة شيكولاته اقولها حاضر واسك السمعاه
بعد شوية الاقيها بتتصل عليا وتقولي باباااااااا. ماما بتقولك متنساش العيش هههههه
اقولها حاضر
بعد شوية ترجع تتصل وتقول باااباااا جبت العيش والشيكولاته ماما بتقولك متنساش الزبادي وكل ما اشخط فيها تقولي ماهو يابا الدقيقة ب ٦ قروش يابابا ياحبيبي يا حبيبي قلت سبحان الله البت طلعها لامها بتحب التيلفونات اومال لمن تكبر هتعمل ايه !!!

انت مشكلة والله يا ميدو مافيش مشاركة ليك الا لما اقراها افطس من الضحك.
يارب بس تكون فاكرنى عشان هزعل لو كنت نستنى.