الموضوع: تكلفه النقاش

ياسيدي الف الف مبروك بس متنساش تعزمنا علشان اعضاء نايل موترز يزفوك بالعربية وتبقى مظاهرة بص ياسيدي. النقاش في القاهرة بياخود ابن اللزينة وحار ونار في جتتو وجتت الي خلفوه ٩ جنيه في المتر. اذا كانت على المحارة واذا وش نظافة في المتر ٢ واذا ازبونيش كده وحركات المتر ب ١٠

بس انا بقه علشان اوفر قلت لمراتي ايه. دلوقتي ده بيتنا ولازم نحس اننا الي احنا بانينو طوبة طوبة ونبنيه سوى لذلك لازم على الاقل اجيب الالوان انا وانتي ونقعد ندهنو سوى علشان نحس بقيمة كل حيطة فيه. ونقدر نحافظ على بيتنا ، المهم اقنعتها. وبقينا نتفنن انا وهيا لدرجة لقيتها راسمالي شجرة على الحيطة قولتلها شجرة ايه بس امسحي امسحي القرف الي انتي عملاه ده وهيا ديتها رولتين. وثلاث ايام وكان البيت زي الفل

حتى بعد ما اتجوزنا وخلفنا طلع مسلسل سنوات الضياع وكان يحيا بطل المسلسل قاعد هو ورفيف بيدهنو بيتهم الي هيتجوزو فيه .... بصيت وقلتلها شايفه شايفه ... بجد عاجبني مخ الواد يحيا حبيب لميس .... بس علشان تعرفي ان جوزك بيفكر تفكير اوروبي منفتح وعندو بعد نظر ههههههههههه وبكده توفر يامعلم وتحس بمعنى المشاركة وازاي تبني بيت

المشاركة الأصلية كتبت بواسطة bluemagic11

السلام عليكم ورحمه الله وبركاته

اخوكو باذن الله هيبقى عريس كمان كام شهر باذن الله :)))))

عندى سؤال بخصوص تكلفه النقاش علشان انا عندى شقه 120 متر جبت نقاش عمل مقايسه عايز ياخد فى المتر الواحد 35 جنيه بالمصنعيه والمشتريات فانا حاسس انه مبالغ فيه جدا

الشقه فى حدائق الاهرام البوابه الرابعه

فحد عنده خلفيه باسعار النقاشين دلوقتى بياخدوا كام فى المتر

الف شكر :)

احمد

الف الف مبروك ياعريس هتنورنا والله فى الهضبة يارب تكون شقة السعد عليك وربنا يملهالك بركة يارب ...

بص ياعريس انا هحكيلك تجربتى ومن قريب جدا من شهرين بالظبط انا شقتى فى الهضبة البوابة الاولى 140 متر صافى 118 متر يعنى انت شقتك 120 متر ممكن تبقى صافى 98 متر مثلا بعد خصم الخدمات وده النظام المتبع عندنا جبت النقاش بعد ما الشركة محرت الشقة قالى هنحتاج معجون وسيلر وشوية حاجات ب 1400 وهياخد 13 جنية فى المتر وهيعمل شغل رسومات ثلاثى ابعاد وشغل رسومات تانى كلها زغرفه مفيش حاجه جاهزة كلها شغل بأيدو ريشة والوان وبجد الواد دماغو عجبتنى جدا جدا واللى عجبنى فيه انو ماخدش منى وقالى اعملك كزا وكزا لا نصحنى وقالى اهم حاجه عندى راحة العين واقتنعت بكلامو ونقيت معاه الالوان والرسومات وبعدين اشترينا الالوان والجزيلات نوع اسمه ايجل الجزيلة عملت 200 جنية ونوع كويس جداا دخلت فى 2800 يعنى الخامات كلها عملت 4200 جنية وهو هياخد 5 الاف بدهان الشبابيك فقط لاكية لان ابواب الشقة كلها دهنتها استر
يعنى فى النهاية النقاشه دخلتلها فى 9.5 من الالف للياء ولو احتاجت اى حاجه انا تحت امرك .....