الالنترا انتشرت بالفعل و انتشار رهيب كمان !! بس للفئات الاولى فقط علشان السعر.
بالنسبة لموضوع العيوب و الثبات ... انا بصراحة معايا العربية بقالها 4 شهور .. و لحد الان مسقتهاش بطريقة تخليني اقول انها ثابتة او غير ثابتة اوي .. يعني بوصل ل 120 -140 اخري و ادائها على السرعات دي مرضي.
الحاجة الوحيدة الي بتضايقني فعلا او بحس ان فيها مشكلة ... لما بطلع من U-Turn بسرعة لو متدخلتش علشان اعدل الدرسكيون بسرعة او بخفة ... ممكن تلف حوالين نفسها و تخش في الرصيف .. و اتكررت كذا مرة معايا .. فمش عارف انا متعود على الباور الهايدورليك مثلا و الكهرباء ده لازم "اصحح" كل شوية ... ولا هو كدة فعلا .. ولا ده عيب .
تاني حاجة لاحظتها في 3 عربيات و عربية واحدة لأ ... في طريق الاتوستراد بعد النادي الاهلي بشوية ... في حتة في الطريق هابطة كدة و بتعلى مرة واحدة ...
عربيتي (باليو - سيينا) كانت بتتنطر في السماء و ترزع تاني في الارض و الناس بتدعي عليا :)
جربتها ببيجو 307 منطتش في الهواء بس العربية حكت حكة جامدة في الطلعة
المازدا 3 .. كرهتها بسبب الحتة دي ! العربية نطت لفوق وحدفت شمال و مؤخرتها حدفت حدفة فظيعة كنت حلبس بيها في الرصيف ..
الالنترا بقى لا ده و لاده .. بصراحة نطت نطة خفيفة .. مشابهة للمازدا بس فضلت ماشية في خط مستقيم. و محتجتش اعدل الاتجاه او حاجة .. بس برده اخدت تريقة من واحد راكب جنبي انها نطت :)
المفضلات