بفكر اشترى الالنترا ال 94 اخبار قطع غيارها ايه و ايه ابرز عيوب الموديل دة و الفتيس الاوتوماتيك حلو عليها و لا لا
عرض للطباعة
بفكر اشترى الالنترا ال 94 اخبار قطع غيارها ايه و ايه ابرز عيوب الموديل دة و الفتيس الاوتوماتيك حلو عليها و لا لا
عربيه محترمه جدا جدا ولكن قطع الغيار نار و قليله جدا خصوصا الاصليه
اصرف نظر عنها خالص
وريح دماغك
رغم انها سياره ممتازه من كل النواحي ..لكنها قليله جدا في انتشارها..وقطع غيارها نادره وغاليه..واعاده البيع صعبه..
وبالتأكيد لما تشتري سياره مستعمله موديل 94 يعني بقالها 18 سنه..اكتر شيئ يهمك في السياره هو رخص قطع الغيار وتوافرها في السوق وسهوله اعاده البيع بدون خساره كبيره في الفلوس..
وبالطبع لما نزلت الهيونداي لاول مره في مصر عام 1994 معظم الناس اقبلت علي الاكسيل..بينما الالنترا لم تحظي بنفس الانتشار لارتفاع ثمنها بوضوح في ذلك الوقت..ولهذا تجدها الان قليله جدا في الشوارع المصريه بعكس الاكسيل..
موديل قديم بالنسبه للكوري .. ممكن تجيب سيفيك او كورولا او صني الموديل ده لكن النترا صعب
ولكل الاسباب التي ذكرتها في الرد السابق..تجد سعر الالنترا 94 رخيص ويتراوح بين 28-33 الف جنيه..اي انها في نفس range الهيونداي اكسيل او ربما اقل ايضا..رغم الفارق الكبير بين السيارتين في الحجم وسعه الموتور والامكانيات واتساع الصالون لصالح الالنترا طبعا..
وده مرتبط بعقليه وتفكير الشعب المصري..في الثمانينات والتسعينيات المستهلك المصري كان يحب السياره الاقتصاديه الاصغر حجما والاقل في سعه الموتور وبالتالي اوفر في استهلاك الوقود وارخص في قيمه الضريبه والتأمين عند التجديد حتي لو ال options بتاعتها قليله ..وبالتالي الناس فضلت الاكسيل عن الالنترا في هذا الوقت..
اما في دول الخليج الوضع مختلف..في اوائل التسعينات لما نزلت الاكسيل والالنترا الاقبال علي الالنترا كان اكبر لأن الخلايجه يفضلوا السياره الكبيره الاقوي و الاكثر في الامكانيات والاكبر حجما والاوسع..ولا يفرق معهم استهلاك الوقود او الضريبه ...الخ
نقطه تانيه كمان ان معظم الالنترا 94 اوتوماتيك..والمانيوال منها قليل جدا..وطبعا سياره كوري واوتوماتيك لها 18 سنه فيه risk ان الفتيس يكون فيه مشاكل..وبالتأكيد صيانه الاوتوماتيك صعبه ومكلفه وفي عربيه زي دي حاجاتها غاليه وقليله فهيكون متعب جدا..انا اعرف ناس معاها اكسيل اوتوماتيك وبتقلبها مانيوال من كتر مشاكلها رغم ان الاكسيل منتشره وحاجتها رخيصه..فما بالك بالالنترا 94 اللي حاجتها اساسا نادره؟؟
و الله العظيم انتو دكاترة و كل الردود فى محلها و خصوصا ان الموديل قديم على الكورى بس الغريب انى لما بنزل بورسعيد بلاقى العربيه دى هناك كتيير ؟؟؟؟؟؟