سؤال في سير و بلية الكاتينة

**cheetos_892005** · 16-05-2012 10:10 AM

دلوقتي انا سالت على سعر السير و البلية في التوكيل طلع 730 جنية

طبعا قلت ده استهبال ... وصلت لتاجر جملة معرفة قالي عنده بتاع التوكيل ب 550 جنية

برده مش الفرق اللي كنت متوقعه

السؤال بقا : لما سالته السير لوحده بكام قاللي ماركق (دايكو) ايطالي اللي بتعمل بيريللي او جود يير
السير ب 120 جنية و ممكن تجيب بلية ياباني او انجليزي ب 150 100 جنيه !!!!!!!!!!!!!!!

يعني 220 250 جنية ؟؟؟؟؟؟

ايه سر بقا فرق السعر الشاسع ده؟؟؟؟؟؟؟

**a_nbm** · 16-05-2012 11:44 AM

؟؟؟؟؟؟؟؟

**cheetos_892005** · 16-05-2012 11:50 AM

المشاركة الأصلية كتبت بواسطة a_nbm

؟؟؟؟؟؟؟؟

نعم

**a_nbm** · 16-05-2012 03:04 PM

ههههههههه
انا بسأل نفس سوءالك
ايه سر بقا فرق السعر الشاسع ده؟؟؟؟؟؟؟

**akerima** · 17-05-2012 10:07 AM

والله لو البليه الانجليزي ولا الياباني ام 150ج دي نفس البليه بتاعة العربية يبقي انت عندك حق بس خلي بالك ان فيه نوعيات بلي بتوصل ل 300ج واكتر حسب الشكل والوظيفة

يعني انا في مرة كنت بدور علي بليه عشان كنت محتاجها في عربية بيتل وفعلا لاقيتها وكانت علملة حوالي 180ج بس للاسف لما جيت اركبها في مكانها اتضح ان الفرق بينها وبين الاصلي حاجة بسيطه جدا في شكل البلي نفسه من جوة وللاسف المكان اللي كانت بتركب فيه مينفعش الشكل دا يركب فيه لانه محتاج لبلية بشكل معين عشان تستحمل الشغل في الحتة دي

واتضريت اجيب الاصلي اللي كانت عاملة 350ج بس طبعا عمرها الافتراضي اطول بكتير

**NOURHASAN2002** · 17-05-2012 02:29 PM

الفرق ان السير والبليه بيتغيروا كل فتره فما موش عايزه مجازفه عشان ده بيبوظ الماتور وبعدين مع الوقت انا متوقع اسعار الأصلي هترخص ان شاء الله وهتنتشر ونكون طلعنا بره الضمان وبقوا في مهندسين من التوكيل ليهم مراكز بره بنص تمن المصنعيه واحسن جوده لآن لما بتشتغل لحسابك وتحت سمعتك بيفرق الاتقان وده حصل في الفولكس فاجن والهيوندي والي اخره كمان منصحش حد يجيب القطع دي منفرده عشان اجزاء الموتور بتبقي دقيقه جدا في حتة المواصفات وحتي في درجة صلابة الخامه وتحملها فالموتور جزء حساس جدا هو وكمبيوتر العربيه والحقن والرشاشات ده كلام ميتلعبش فيه ابدا ولو العربيه خربت لاقدر الله صعب تتعدل الا لو غيرت حاجات كتير واصليه وتقول يا ريتني من الأول