الموضوع: نداء للاخوه الاسكندرانيه :)

المشاركة الأصلية كتبت بواسطة mido

ممكن اعرف ايه هى الخروجات العائليه الكويسه ؟
الفنادق اللى على البحر و سعرها فى المعقول ؟
البلاجات الكويسه و مفيهاش حلل محشى :)
شكرااااااا

لو جيت اليومين دول قبل الاخوه المصيفين ما ييجوا من مختلف الربوع
مش حتلاقي حلل محشي خالص (:
ولا ناس عريانين ماشيين في الشارع
ولا مناظر بذيئه
ولا بنات ماشيه تترقص
ولا شباب ماشيين يريلوا علي البنات اللي ماشيه تترقص
وعموما ممكن تشوف شاطي فينسيا في المنتزه
وممكن تعمل داي يوز في عايده المنتزه
او ازور (معرفش ليه شاطئ ولا حمام سباحه بس)
او تروح شواطئ العجمي الخاصه زي اوكسجين وما شابهه حيث انك في قطعه من شرم الشيخ
بس اقل واحد فيهم تقريبا اليوم ب150 جنيه علي ما اعتقد
وازور ب150 من غير غدا بالغدا 270
-------------------------------
الفنادق اللي علي البحر حتلاقيها علي البحر هههههههههههههههه
دي يرد عليها حد يكون حجز فيها
انما احنا محدش فينا بيحجز فندق جوه بلده
-----------------------------------
الاماكن
المنتزه -المعموره - القلعه - سان استفانو - جرين بلازا وشويه اماكن تانيه

المشاركة الأصلية كتبت بواسطة mido

الف شكر يا باشا يا رب بس ماتوهش :)
انا عارف مفيش اسكندرانى هينزل فى فندف :) بس بيبقى عارف برضه :)

لو توهت كلمني 01223145607

حاجي اخد منك عربيتك واسيبك تايه وامشي هههههههه
لو محتاج اي حاجه اي وقت انا موجود