يا جماعة انا بفكر فى عربية بس الناس كلها مخوفانى من الفيرنا بيقولوا مش حلوة من فضلكم حد يكون بقاله مده معها العربية دى ويقولى نصيحة لله وعايز اعرف كمان قطع غيرها بكام
عرض للطباعة
يا جماعة انا بفكر فى عربية بس الناس كلها مخوفانى من الفيرنا بيقولوا مش حلوة من فضلكم حد يكون بقاله مده معها العربية دى ويقولى نصيحة لله وعايز اعرف كمان قطع غيرها بكام
الفيرنا علشان تقفيل مصري فاعمله زي ابطيخه يا قرعه يا كويسه
اولا مميزات العربيه من وجهه نظري احسن عربيه في فئتها بتمنها يعني احسن من الاسبيرانزا الي بسعرها
واحد صاحبي معاه الفيرنا و كان معاه لانوس قبليها و كانت تعتبر عربيتي لان سعات بنبدل مع بعض
اولا الفيرنا ناعمه تكييف رائع اداء ممتاز ثبات ممتاز لحد 140
ثانيا عيوبها ضيقه جدا جدا جدا الثبات ضايع بعد ال 140 هيا الي سايقاك مش انت الي سايقها كمان عاوزة حنيه في التعامل معاها مش بتاعت عنف يعني رقه و حنيه معاها
غيرلها مارش و جوز كبالن و بيض ديركسيون و مقصات دول في 80 الف كيلو بس هو استعماله وحش هو عنيف جدا في سواقته و الطرق في دمياط زباله
التقفيل معقول شكل العربيه بسيط و ظريف
يعني دي عن تجربتي في عربيه صاحبي
التقفيل وحش الجنوط و الفرد وحشة الصاج تعبان التوكيل زفت الثبات في السرعات وحش لانها خفيفة 1100 كيلو تقريبا علي 106 حصان و مكنة سحيبة و جراية علي وزن خفيف =ثبات وحش و الصالون خاماته وحشة بلاستيك!!!!!!!!!!!!!!!!!!!! حاجتها رخيصة و مش معمرة و صيانة سهلة يعني علي اد فلوسها و لو جبتها عاملها بالراحة
تعليقي علي العربيه بكل امانه
العيوب :
التقفيل المصري ساعات بتلاقي حاجات مستفزه زي فيبر بيطأطأ و كده لكن كلها حاجات بسيطه تتظبط في صيانه الالف
فيه ناس اشتكت من التوكيل و ان كنت - و الله يشهد - مشفتش منهم حاجه وحشه للان
الثبات مش اوي و السبب الجنوط لو غيرتها بجنوط 14 يبقي تمام
المميزات :
فيما عدا السببين اللي فوق اعتقد ان كلها مميزات
موتور حديث و قوي جدا 105 حصان " كبير بالنسبه لسياره في الفئه دي "
1.6 Dohc يعني سجب و سرعه مفيش بعد كده
شكل بصراحه افضله
شنطه واسعه اوسع من اللانوس
الصالون معقول جدا بس ضيقه شويه من ورا
ابعداها سهله التعود عليها جدا
العففشه قويه و بتستحمل
و عامه لو مكنتش عربيه بتستحمل مكانتش بقت البديل الاول للشاهين في التاكسيات
و ظن دي حاجه كافيه جدا لاثبات اعتماديتها و تحملها
بالبحث عن كلمة فيرنا في المنتدي طلع 500 موضوع
و بالبحث عن الكلمة في العناويين فقط طلع 100 موضوع
لو عندك وقت اقراهم غالبا مش هتلاقي معلومة محتاجه اجابة
عموما لو تعرف تزود شوية يكون افضل عشان تهرب من مشاكل التجميع اولا
و ثانيا عشان تحس انك اشتريت عربية جديدة انتشارها ممل جدا مجرد فيرنا جديدة انضافت للشارع و العيلة محدهش هيسألك عليها
لو مفيش امكانية فمازالت في رأيي افضل المتاح في حدود سعرها تجمع بين الإقتصادية والراحة و متعة الأداء
يا جماعة والله متشكر منكم جدا انا كنت هجيب لانوس بس خلاص استقريت على الفرينا لانها فى حدود المتاح معايا دلوقت وربنا يسترها معايا شكرا جدا ليكوا
نصيحة ليك هات لانسر مستعمل احسن الجديد شوية و هيبقى حالته زى المستعمل و لو جيت تبيع هتخسر عشان كدا انت هتخسر فلوس مقابل فرحة الجديد و ان العربية جديدة و كدا لكن بعد شوية هتحس انها بقت زيها زى اى عربية و هتقول يا رتنى كنت جبت عربية احسن منها مستعمل بتمنها جديد
مش هكلمك كتير عن المميزات لأن موضوعك عن العيوب فقط
وأهم عيوبها من وجهة نظري هي صوت الموتور العالي إللي حاولت أتعود علية ومش عارف بعكس اللانوس إللي موتورها أنعم كتير لكن طبعا مفيش مقارنة بينهم في السحب والفرامل .. الفيرنا طبعا تكسب