بعض الاستفسارات عن فورد فوكاس 2012

**Mohamed Fawzy** · 16-05-2012 05:03 PM

السلام عليكم
أعضاء المنتدى الكرام أنا باذن الله وحوله ناوي أشتري فوكاس 2012 أول الشهر اللي جاي الهاي لاين سيدان بس كان ليا شوية استفسارت
1- نوع البنزين هل ينفع معاها 92 ولا لازم 95
2- انا شغال وساكن في اسكندرية رغم اني أصلا من القاهرة فسألت التوكيل هلى ليهم فرع في اسكندرية بدل ما انزل مصر كل صيانة قالولي فيه مركز هو مش للفورد بس بس هو واخد اعتماد من توكيل فورد اسمه ألكس حد عارف حاجة عنه او عن مدى كفاءته
3- هل عموما اختياري صائب للفورد خصوصا ان في حاجات كتير تانية ممكن تبقى بنفس القيمة زي السبورتاج والجوك والكاشكاي والاوكتافيا وحاجات كتير مع العلم اني عايز عربية ثابتة واعتماديتها عالية وشكلها حلو

**mody3on** · 16-05-2012 11:53 PM

الفوكاس ممتازة , بس معرفش تاخد بنزين 92 ولا لا بس هو ينصح ب 95
معرفش حاجة عن المركز بس ما دام معتمد يبقى مفيش مشكلة
في رايي هي احسن اختيار في فئتها واختيار موفق
كان نفسي بس تنزل بكماليات اكتر وبالموتور ال EcoBoost ال 1000 سي سي تربو 125 حصان :(

**ashraf3000** · 17-05-2012 01:07 AM

اختيار موفق والله يبارك فيها مقدما انا راكب فوكاس زيرو من 2009 رائعة عالم اخر
يفضل بنزين 95 ولكن هتشتغل جميل ب 92
واى حاجة اومرنى شرف 01002090471

**Mohamed Fawzy** · 17-05-2012 07:48 PM

المشاركة الأصلية كتبت بواسطة mody3on

الفوكاس ممتازة , بس معرفش تاخد بنزين 92 ولا لا بس هو ينصح ب 95
معرفش حاجة عن المركز بس ما دام معتمد يبقى مفيش مشكلة
في رايي هي احسن اختيار في فئتها واختيار موفق
كان نفسي بس تنزل بكماليات اكتر وبالموتور ال EcoBoost ال 1000 سي سي تربو 125 حصان :(

ألف شكر يا باشا على الرد عموما انا انشاء الله هاسأل التوكيل في موضوع البنزين دي وفي الغالب هاخد بالاحوط وأحطلها 95 وخلاص أكيد أداءها هايبقى أحسن
يعني حضرتك شايف انها أفضل من السبورتاج على أساس نفس الفئة السعرية يعني مع اختلاف النوع طبعا؟
أما بالنسبة لل EcoBoost أعتقد فورد محوشاه للمونديو 2013

**Mohamed Fawzy** · 17-05-2012 07:53 PM

المشاركة الأصلية كتبت بواسطة ashraf3000

اختيار موفق والله يبارك فيها مقدما انا راكب فوكاس زيرو من 2009 رائعة عالم اخر
يفضل بنزين 95 ولكن هتشتغل جميل ب 92
واى حاجة اومرنى شرف 01002090471

ألف شكر يا باشا على اهتمامك انا شكلي فعلا هاستخدم ال 95 وأكيد هاحتاج لحضرتك طبعا في استشارات كتير ما احنا هانبقى زمايل بس قولي أخبار التوكيل ايه؟

**mohanadmohanad** · 17-05-2012 08:38 PM

يا جماعة انا مكنش عارف موضوع بنزين 95 ده
وانا دلوقتي اشتريت الفوكس الحمد للة

وبحطلها 92 هل الموضوع وحش اوي ؟؟
يعني هايأثر على العربية جدا؟؟ ولا ايه

البنزين 95 غالي حبتين وسمعت انه هايغلى اكتر كمان

**Mohamed Fawzy** · 17-05-2012 08:57 PM

المشاركة الأصلية كتبت بواسطة mohanadmohanad

يا جماعة انا مكنش عارف موضوع بنزين 95 ده
وانا دلوقتي اشتريت الفوكس الحمد لله

وبحطلها 92 هل الموضوع وحش اوي ؟؟
يعني هايأثر على العربية جدا؟؟ ولا ايه

البنزين 95 غالي حبتين وسمعت انه هايغلى اكتر كمان

طيب لما استخدمت ال 92 أخبار أداء العربية ايه؟ حاسسها عاملة ازاي ؟ انا عموما اعتقد انه يمشي معاها بس طبيعي ان ال95 هايكون افضل
قولن بقى اخبار العربية ايه عموما وانت معاك انهي فئة والثبات والتسارع وكده يعني

**mody3on** · 17-05-2012 10:19 PM

المشاركة الأصلية كتبت بواسطة Mohamed Fawzy

ألف شكر يا باشا على الرد عموما انا إن شاء الله هاسأل التوكيل في موضوع البنزين دي وفي الغالب هاخد بالاحوط وأحطلها 95 وخلاص أكيد أداءها هايبقى أحسن
يعني حضرتك شايف انها أفضل من السبورتاج على أساس نفس الفئة السعرية يعني مع اختلاف النوع طبعا؟
أما بالنسبة لل EcoBoost أعتقد فورد محوشاه للمونديو 2013

لا هي اصلا بتخطط تنزله بدل ال 1.6 ده , نفس القوة بتاعته ولكن 1.0 يعني جمارك وضرايب واستهلاك بنزين اقل , السبورتاج هايلاين ب 210 الف تقريبا , يعني اغلى بحوالي 30 الف , اوسع واقوى واعلى بس الثبات اقل , والفورد الماني برضه يعني BUILD QUALITY عالي جدا و handling&steering احسن لانها اوطى من السبورتاج

**Mohamed Fawzy** · 17-05-2012 11:18 PM

المشاركة الأصلية كتبت بواسطة mody3on

لا هي اصلا بتخطط تنزله بدل ال 1.6 ده , نفس القوة بتاعته ولكن 1.0 يعني جمارك وضرايب واستهلاك بنزين اقل , السبورتاج هايلاين ب 210 الف تقريبا , يعني اغلى بحوالي 30 الف , اوسع واقوى واعلى بس الثبات اقل , والفورد الماني برضه يعني build quality عالي جدا و handling&steering احسن لانها اوطى من السبورتاج

ﻷ مانا لو هاجيب السبورتاج كنت هاجيب اللي قبل الهاي لاين أم 186 ألف لكن لاقيتها حجز 6 شهور حتى لو استنيت انا حاسس ان الفورد هاتبقى أفضل بردو

**mohanadmohanad** · 18-05-2012 12:13 AM

انا معايا اقل فئه 155
كنت جبت اخري في الفلوس d:
العربية جميلة جدا ما شاء الله
الثبات عالي جدا ( عربيتي القديمة كوري)
انا مجربتش اقرص عليها اوي علشان انا عامل 300 كم بس
تليين بقا وكدة
انا كنت رايح احجز كيا سول اصلا ولقيت دي ادامي
بس فرق كبير الصراحة
هو انا ممكن اشغل التكييف من امتة ؟؟؟؟؟؟؟؟؟؟؟