كسر المراية و استهبال التوكيل فى الاسعار كالعادة !!

من حوالى عشرة ايام كده نازل من بيتنا فى امان الله لقيت المراية الشمل مكسورة ( مراية كهرباء ) و العجلة مقطوعة
المهم عرفت من ولاد الحلال ان واحد ابن حرام من العيال الصيع اللى رايحين جايين طول اليوم بالموتسيكلات و مشغالين مهرجنات ( ربنا ينتقم منهم )
المهم اخدت بعضى و طلعت على القسم عملت محضر ( عشان الضمان ) و فضلت العشر ايام دول ما بين القسم و النيابة و شركة التامين و التوكيل
حاجة تجيب شلل رعاش و عشى ليلى ..
المهم امبارح كانت المرحلة اللى قبل الاخيرة و روحت التوكيل عشان يركبولى المراية .. طبعا اخر استهبال كعادتهم
صفحة الفيس كان مكتوب عليها ان سعر المراية 600 و شوية مش فاكر كام .. كلمتهم قبل ما اروح قالى سعر المرايه 860 من غير تركيب ولا دهان الكوفر !!!
لما روحت التوكيل دفعت 835 بالتركيب !!! انا مش فاهم حاجة !!! هم بيخبطوا اسعار كده و خلاص !! كل واحد يقول سعر شكل
بالاضافة طبعا ان مرايه ب 835 رقم مبالغ فيه جدااااااااااااااااااااا بصراحة
نزلت بليل اشتريت فردة كاوتش ب 350 جنيه تايلاندى
بكره بقى هاروح شركة التأمين "عاشر" اشوف هاوصل معاهم ايه !!!!!
يا مسهل

بص اللي حصل حصل

بس كان ممكن تجيبها من بره ب 150 200 جنية و تجيب للتامين فاتورة و تنجز

اقتباس:

---

المشاركة الأصلية كتبت بواسطة cheetos_892005

بص اللي حصل حصل

بس كان ممكن تجيبها من بره ب 150 200 جنية و تجيب للتامين فاتورة و تنجز

---

فكرت فى كده فعلا
بس كل اللى بره لونه اسود
هيبى منظرها سخيف لما امشى بالمرايا اليمين لون و الشمال لون :(
بس والله لو مكنش فيه تامين كنت هاجبها من بره حتى لو كان لونها بمبى مسخسخ

هي 835 بالدهان ولا سوداء؟

اقتباس:

---

المشاركة الأصلية كتبت بواسطة gebreel

هي 835 بالدهان ولا سوداء؟

---

لا من غير دهان و من غير كوفر عشان اخدو الكوفر من المرايا القديمة عشان كان سليم

هى المرايا كانت مكسورة إزاى عشان انا عندى نفس المشكلة و رايح صيانة ال 5000.
انا عندى الزجاج و الغطاء محصلش فيهم حاجة - بس السوستة اللى جوة المرايا اتفصلت و انا مثبت المرايا بالعافية ؟ ممكن يصلحوها فى التوكيل ولا التوكيل تغيير بس؟؟؟؟

اسعار التوكيل مبالغ فيها جدا ربنا يسترها معانا كلنا

اقتباس:

---

المشاركة الأصلية كتبت بواسطة drwaelhassan

هى المرايا كانت مكسورة إزاى عشان انا عندى نفس المشكلة و رايح صيانة ال 5000.
انا عندى الزجاج و الغطاء محصلش فيهم حاجة - بس السوستة اللى جوة المرايا اتفصلت و انا مثبت المرايا بالعافية ؟ ممكن يصلحوها فى التوكيل ولا التوكيل تغيير بس؟؟؟؟

---

للاسف التوكيل مش بيصلح اى حاجة
لو حتى خربوش صغير فى اى قطعه هايقولك تغيير على طول
لو مافيش حاجة مكسورة و السوسته بس هى اللى مفكوكة وديها لحد بتاع مرايات كويس يظبطهالك

اقتباس:

---

المشاركة الأصلية كتبت بواسطة dr_mohamed16

للاسف التوكيل مش بيصلح اى حاجة
لو حتى خربوش صغير فى اى قطعه هايقولك تغيير على طول
لو مافيش حاجة مكسورة و السوسته بس هى اللى مفكوكة وديها لحد بتاع مرايات كويس يظبطهالك

---

شكرا جزيلا
حد يعرف حد بتاع مريات كويس فى الجيزة أو المعادى؟؟؟؟؟؟

هو فيه حد تخصص مرايات بس ؟ اصل انا عندى برضه المراية الضم فى الميجان الموتور بيلف ع الفاضى ولا بتفتح ولا بتقفل ومغلبانى وملاحظ ان المرايا الشمال فيها نقط سوداء بتاع إيه دى ؟ والمراية اليمين فيها زرارا من تحت مش عارف بتع إيه برضه وسمعت ان فيها حساسات بس مش عارف لازمتها ايه ؟

انا برده حصل عندى نفس المشكله فى المرايه الشمال بس السوسته مش مفصوله هى السوسته وسعت فبقت المرايه خارجه لبره حد عرف حد بتاع مرايات فى الجيزه او المعادى او اى منطقه وانا ممكن اروحله

اسعاااااااااااااااااااااا اااار ناااااااااااااااااااااااا اااار
حسبى الله ونعم الوكيل فى التوكيلات

يا جماعة فى واحد بتاع مرايات فى الدقى و هو شاطر عنوانة بالظبط الشارع اللى قبل جاد اللى امام جامع اسد ابن الفرات ميدان الدقى الراجل معروف بس انا ناسى اسمه
على ناصية الشارع فى بتاع كاوتش

الف شكر استاذ سمير وان شاء الله هروحله واشوف ان شاء الله وهرد عليك

اقتباس:

---

المشاركة الأصلية كتبت بواسطة dr_mohamed16

من حوالى عشرة ايام كده نازل من بيتنا فى امان الله لقيت المراية الشمل مكسورة ( مراية كهرباء ) و العجلة مقطوعة
المهم عرفت من ولاد الحلال ان واحد ابن حرام من العيال الصيع اللى رايحين جايين طول اليوم بالموتسيكلات و مشغالين مهرجنات ( ربنا ينتقم منهم )
المهم اخدت بعضى و طلعت على القسم عملت محضر ( عشان الضمان ) و فضلت العشر ايام دول ما بين القسم و النيابة و شركة التامين و التوكيل
حاجة تجيب شلل رعاش و عشى ليلى ..
المهم امبارح كانت المرحلة اللى قبل الاخيرة و روحت التوكيل عشان يركبولى المراية .. طبعا اخر استهبال كعادتهم
صفحة الفيس كان مكتوب عليها ان سعر المراية 600 و شوية مش فاكر كام .. كلمتهم قبل ما اروح قالى سعر المرايه 860 من غير تركيب ولا دهان الكوفر !!!
لما روحت التوكيل دفعت 835 بالتركيب !!! انا مش فاهم حاجة !!! هم بيخبطوا اسعار كده و خلاص !! كل واحد يقول سعر شكل
بالاضافة طبعا ان مرايه ب 835 رقم مبالغ فيه جدااااااااااااااااااااا بصراحة
نزلت بليل اشتريت فردة كاوتش ب 350 جنيه تايلاندى
بكره بقى هاروح شركة التأمين "عاشر" اشوف هاوصل معاهم ايه !!!!!
يا مسهل

---

دي مش اسعار طبيعية دة استهبال اوي