الموضوع: منتدى خدمات وتبادل خبرات اعضاء نايل موتورز

منتدى خدمات وتبادل خبرات اعضاء نايل موتورز
بسم الله الرحمن الرحيم
فكرة خطرت على بالى ان كل واحد من الاعضاء يعرض خدماته من خلال خبرته على باقى الاعضاء
زى العياده والصيدليه فى المنتدى
كل واحد له خبرة او بيمارس عمل يقدر يقدمه لباقى الاعضاء
طبعا من منطلق الاخوة والعشرة بالمنتدى
والثقه المفروض تواجدها فى الاعضاء ان شاء الله تعالى
يعنى من عنده محل مثلا لاصلاح الاجهزة يعرض خدماته داخل هذا المنتدى فقط زى عياده المنتدى
حتى لا يتحول الى اعلانات ويدخل ناس غريبه وتنعدم الثقه
لكن هنا انا تقريبا هكون شايف بيانات العضو ومشاركاته
يعنى ان شاء الله يكون مضمون
الفكرة واتتنى من موضوع أ/ شنورى
بخصوص مقابله اسكندريه بيقول ممكن يكون العضو بيكلمنى على الموبيل وهو ماشى جنبى وانا مش عارفه
ايضا كلنا بنحتاج خدمات كل يوم ويمكن الشخص الذى يقوم بها عضو فاضل معنا
او عضو فاضل اخر محتاج للعمل وكذلك نحن فى احتياج للخدمه ونطلبها من شخص اخر
اسف للاطاله ولكن من باب التعاون على البر
والاستفاده بتبادل خبرات بالاخوة
وفقنا الله واياكم

طبعا ابدأ بنفسى
انا اعمل بأحدى الجامعات
والحمد لله تعالى لى عمل حر
عندى ورشه ديكور
لتنفيذ اى اعمال ديكورات واثاث مودرن واستيل وابواب وشبابيك
طبعا لن اضع اى تليفونات او عناويين الا بعد موافقه الادارة منعا للاعلانات المجانيه