السلام عليكم ورحمة الله وبركاته
والدي ووالدتي رجعوا من السعوديه من شهر 2 اللي فات ...والنهارده دخلت ارقام بطاقتهم على الموقع
لقيت موقع اللجنه الانتخابيه في القنصليه المصريه بجده !!!!!!!!:dzey:
وياعالم اذا كان صوتوا فعلا هناك ولا لا
احنا مش هنسيب حقنا ان شاء الله بس ياريت تقولولنا نتصل بمين او نقدم شكوى فين ..
ربنا يستر انا مش متفائل الموضوع شكله فيه لعب كتير.
لو كانوا سجلوا انتخابات الشعب و الشورى على لجنة جدة يبقى الرياسة بشكل تلقائي هتفضل جدة الا لو كانوا (قبل نهاية المهلة) رجعوا الموطن الانتخابي على مصر تاني
اقتباس:
المشاركة الأصلية كتبت بواسطة أحمد كمال
+1
+++1
تزوير ايه بس .؟ تفائلوا بالخير تجده
فين التزوير هما اتسجلو هناك عشان انتخبو هناك اكيد
فعلا انا سألت صديق ليا في مجلس الدوله و هايشرف علي انتخابات الرئاسه الجايه دي قالي نفس الكلام ده
+1اقتباس:
المشاركة الأصلية كتبت بواسطة أحمد كمال
هي طبعا هتتزور للشفيق أحمد فريق و الثورة هترجع تاني
انا مش شايف فيها مشكلة شهر 2 مش بعيد قوي علشان السيستم المصري يكون إتعمله أبديت :)
و فيه اقاويل عن إدراج أسماء المتوفين في الكشوف...بس من شوية جربت رقم والدي القومي و هو كان توفى في أكتوبر 2010 و طلعلي الرقم غير موجود...
رغم كده إحساسي الداخلي بيقول ان هايبقى في تزوير 100%
و الكلام نفسه مكتوب في موقع اللجنةاقتباس:
المشاركة الأصلية كتبت بواسطة walidadel
و زمايلي في الخرطوم هنا الل موجودين من قبل انتخابات الشعب و سجلوا فيها في الرياسة راحوا انتخبوا من غير تسجيل تاني ..... انت اما بتنقل موطنك الانتخابي برة ما بيرجعش لوحده جوة لازم انت ترجعه خلال المهلة (المهلة انتهت 11 ابريل)
اقتباس:
المشاركة الأصلية كتبت بواسطة nadernabil
مفيش ابديت بيتعمل اوتوماتيك ....... لانهم مش هيعرفوا انك رجعت من نفسهم ...... لازم انت ترجع نفسك
اقتباس:
المشاركة الأصلية كتبت بواسطة nadernabil
عشان نكون متفقين على حاجة بس ... الدولة بتطبع حوالي 54 مليون اسم في كشوف الناخبين تقريبا حوالي خمس أو ست نسخ على مستوى الجمهورية
عدد المطابع المسئولة عن الطبع لا يتجاوز ست مطابع تقريبا برضه على مستوى الجمهورية ده لو مكانش أقل
عشان أكون مجهز الكشوف دي قبل الانتخابات يبقى لازم أكون ابتديت أطبعها على الأقل قبليها بشهر
يعني معنى الكلام ده إن مش ممكن يكون في أي ابديت في الكشوف دي على الاقل بشهرين من بداية الانتخابات تقريبا
في خلال الشهرين دول أكيد في ناس ماتت واسمها مش هايتشال من الكشوف لأنه استحالة لأن الكشوف خلاص بتكون في الطبع ... وقاعدة بيانات الرقم القومي ليها مواعيد لا تقبل التحديث فيها
أكيد في ناس تانية ماتت قبل الفترة دي لكن لم تستخرج شهادة وفاة الرقم القومي بعد ... > يبقى برضه اسمها مش هايتشال من الكشوف
لكن اللى مات قبليها بفترة كافية وتم استخراج شهادة وفاة الرقم القومي بتاعته أتوماتيك اسمه بيتشال من الكشوف بدون تدخل من الحكومة لأن هية دي ميزة الرقم القومي الأساسية اللى أبتدينا نستعملها اعتبارا من الانتخابات البرلمانية اللى فاتت
.....
حاجة كمان بالنسبة لأن في ناس بتقول إن القوات المسلحة هاتخلي جزء من المجندين اللى اسمهم موجود في الكشوف يروح ينتخب بالأمر شخص معين .. والناس بتقول ان الكشوف مزورة ... لأن إزاي يكون في مجندين بالهوية العسكرية اسمهم موجود في الكشوف
أرجع أحكيله نفس القصة اللى فاتت
إن أكيد في جزء كبير من مجندي القوات المسلحة تم تجنيدهم في خلال الشهرين اللى فاتو .. وبالتالي لم يتم إلغاء اسمهم من كشوف الناخبين اللى لم يتم تحديثها من شهرين فاتو تقريبا
والمجندين دول اسمهم موجود في الكشوف ومعاهم بطاقتهم الرقم القومي يبقى ممكن يدخلوا ينتخبو بهويتهم المدنية بدون أي مشاكل برغم كونهم عسكريين بصفتهم الحالية يمنعهم من التصويت وفقا لقواعد قانون مباشرة الحقوق السياسية
المجندين على الأقل عدد هايكون في حدود 40 - 50 الف جندي تقريبا لو حسبنا دفعة واحدة وفقط تم تجنيدها في خلال الشهرين اللى فاتو
هل العدد ده هايكون مؤثر في النتيجة !!؟ ... إحتمال طبعا
ولكن هم في النهاية مواطنين مصريين وكان لهم بالفعل حق التصويت قبل تجنيدهم .. وعملية الإقتراع سرية كما نعلم .. يبقى إيه اللى يخلي الجيش ضامن إن أصواتهم تروح لشخص معين اللى هو أمرهم بيه (ده لو فرضنا إن الجيش ليه مصلحة في شخص معين) مهم ممكن قوي يدخلوا اللجنة يختاروا حد تاني من غير ما القائد بتاعهم يعرف لأنه مش موجود معاهم
ده ملخص بسيط جدا للموضوع .. لأن موضوع الرقم القومي معقد أكتر من كدة وأنا نفسي مش فاهم نص قواعده
ياجماعه المشكله اصلا انهم مسجلوش نفسهم في انتخابات الشعب والشورى ومنتخبوش لما كانوا في السعوديه ...ولما كنت بدخل ارقامهم ايام الانتخابات بتاعت المجلس ...كان بيظهر اللجنه اللي في عنواننا في القاهره ..يعني لما هما في السعوديه اللجنه تبقى في مصر ...ولما يبقوا في مصر تبقى في السعوديه !!!
كدة احتمال تكون السفارة أو القنصلية نفسها سجلتهم بالغلط مثلا ... بس عموما كدة يبقى في حاجة غلط أو لخبطة حصلت .. وده برضه مش معناه تزوير .. بس أي حاجة وارد يحصل فيها أخطاء
خلينا احنا كده شعب بيكدب كل حاجه حواليه من غير ميسأل ولا يتأكد ولا يستفسر من حد فاهم ...قبل متقولوا فيها تزوير اتاكدوا الاول من الحقيقة
انا نفسى حاسس ان الانتخابات دى هيبقى فيها تزوير بس ربنا يستر وتعدى على خير وساعتها نتاكد كان فى ولا مفيش ................
انا شايف اللى عايزه العسكرى هو اللى هيكسب ... لكن بإذن الله اللى عايزه ربنا هو اللى هيكسب "ارادة الله فوق كل شئ" .... والله الموفق
بصراحة لجنة بتستهبل اخر استهبال .. والدى فى بورسعيد فى غرفة العمليات (اظن تسمعوا عنها)
باعتينله الكشف اللى فيه اسماء القضاه اللى نازلين فى بورسعيد من ضمنهم 4 مستشارين ماتوا !!
و واحد منهم نزلوا اسموا برده فى انتخابات الشعب والشورى يا جماعة ده مات .. الاغبية ينزلوه برده !!
بصراحة شغل عك في عك كله وطبعا حوار الناس اللى ممنوعة من التصويت طبعا القاضي مش هيشوف كل واحد اسمه فى الممنوعين ولا لأ .. يعنى الجماعة بتوع الجيش والشرطة ممكن يروحوا يصوتوا بكل سهولة وطبعا محدش هيدور