عرض للطباعة
السلام عليكم ورحمة الله وبركاته
معلش سؤال بس لاصحاب السيراتو , انا لاحظت حاجه عندي و حاسس ان في حاجه غلط , اما بكون جايب ال instant consumption في ال computer علي الشاشه و انا واقف و العربيه دايره بلاقي الاستهلاك 20L/100km و بيقل المؤشر اما اتحرك , و اما سألت التوكيل قالولي اه ده السلانسيه ..!!
معني كده ان اكتر استهلاك بيكون و انا واقف فعلا؟ و هل ده العادي في كل العربيات ان اعلي استهلاك للبنزين و انا واقف علي السلانسيه ؟؟
معلش يا جماعه اي حد يفيدني عشان لو فيه مشكله الحق اعملعها و انا في الضمان
نفس الكلام عندى من اول ما اشتريت العربيه
و ده شىء طبيعى جدا .و مكتوب فى المانيوال كمان انك متسبش العربيه دايره فتره طويله من غير ما تتحرك
و الله اعلم
نفس الكلام تقريبا عندي في السبورتاج .. و لفتت نظري برضه الحكاية دي
طب الحمد لله المشكله مش عندي بس.
طب و دي مالهاش حل من ال ecu مثلا ؟؟
اصل كده هو ده سبب استهلاك البنزين ده كله, ولا هو ده الطبيعي في كل العربيات ..!!؟
نفس المشكلة عند أخويا
يا رجاله, دي قرائة خاطئة.
أئولك ليه, لو انتا ماشي علي 100 و الكمبيوتر بيقولك انك بتستهلك 12L/100KM معني كدا انك لما تمشي 100 كيلو هتحرق 12 ليتر بالسرعة وال RPM دول.
طيب لو انتا واقف في مكانك, محتاج كام ليتر عشان تمشي 100 كيلو؟؟؟؟ انت واقف اساسن فعشان كده بيديك قرائة خاطئة. المفرود ميدكش اي رقم عشان هوا infinity بس تعمل ايه بئا D:
يعني الخلاصه و انت ثابت بتحرق قليل اوي من البنزين.