الموضوع: محتار وعايز نصيحتكم

السلام عليكم ورحمة الله وبركاته

صباح الخير عليكم يا أعضاء نايل موتورز الكرام

الموضوع باختصار يا جماعة كنت عايز اشتري انذار spy 2-way 5000 من شهرين بس كنت مستني لما يوصل, ودلوقتي لما وصل في منه نوعين:

العادي ده اللي الأعضاء مشترينه, والتاني نفسه بس بيتشحن زي الموبايل كده لما البطارية بتاعته تخلص

وكلهم بنفس السعر (400 جنيه من عند الشيخ ناصر) ونفس المواصفات حسب كلام الأستاذ كريم,

فأنا كنت بفكر اشتري اللي بيتشحن ده ونويت اشتريه, وسألت الأستاذ كريم فوزي فنصحني اني اشتري العادي ولما البطارية تخلص اغيرها عادي واكون مخلي معايا بطارية احتياط في درج العربية, وفهمت من كلامو ان بطارية الجهاز اللي بيتشحن مع الوقت بتبوظ.

وسألت واحد من اللي شغاليين في سبير كار وقالي نفس الكلام بردو.

ولما سالتو يعني العيب من البطارية ولا من الشاحن نفسو قالي من الإتنين.

وقالي انصحك تركب العادي وهو حلو مش وحش.

بس لما اتصلت على الشيخ ناصر وسألتو قالي مفيهوش عيب ولا حاجة وشغال زي الفل.

فأنا دلوقتي محتار على الاخر ياجماعة مش عارف انهي الأحسن؟

بس انا وجهة نظري:

اشتري الجهاز اللي بيتشحن أحسن بدل ما أغير البطارية كل شوية واسمك معاك نسخة حديثة وحاجة حلوة, ويوم ما البطارية بتاعتو تبوظ أغيرها بواحدة قابلة للشحن من نوع كويس, ومدام انا كده كده هغير البطارية في الجهازين يبقى اشتري اللي بيتشحن أحسن.

(وخاصة ان الجهازين هما هما بالظبط في المميزات وكل حاجة لكن الفرق في الحوار ده).

إيه رأيكو يا جماعة في الكلام ده؟

وياترى في حد هنا جرب الجهاز اللي بيتشحن؟

وبعدين مش الجهاز عليه ضمان يعني لو فيه حاجة لاقدر الله هيصلحوها او يستبدلوه؟

بصراحة انا نفسي في الجهاز ده وبفكر فيه لكن خايف اغامر واشتريه بعد الكلام اللي اتقالي ده ويطلع فعلا مش كويس وأبقى خسرت الفلوس والإنذار

ياريت تنصحوني يا جماعة وتردو عليا بسرعة على قدر الإمكان عشان أنا مصدقت ان الجهاز وصل وعايز اشتريه قبل مايخلص تاني

وفي حاجة كمان:

ان شاء الله هركب وحدات رفع عشان الشبابيك,

بس كنت عايز اخد رأيكو في حاجة:

اشتري وحدة رفع بترفع الأربع شبابيك ولا اشتري وحدتين اللي الواحدة بترفع شباكين؟

وأسعارهم في حدود كام عشان ابقى عارف؟

ملحوظة:

عربيتي دايو لانوس 2006 كاملة.

وشكراً مقدما.

المشاركة الأصلية كتبت بواسطة ahmed_su

ايوه يا باشا قوله فرجنى على ده وده... وقرر بعد ما تشوف

بالنسبة لوحدة الرفع فيه ماركة spy من عند ناصر انا شارى

واحدة للاربع ابواب بس مركبتهاش بس الكواليتى بتاعتها عالية وكويسة

طيب تمام ياباشا..

خلاص أنا هتوكل على الله وهنزل اشتريه بكرى لو البطارية aaa ونفس التانية, لكن لو مش نفسها وهيبقى صعب ألاقيها عند المحلات هجيب العادي.

طيب ياباشا منا من الأول كنت عايز أجيب وحدة بترفع 4 أبواب بس قالولي هات وحدتين أحسن كل وحدة بابين عشان التانية بتبوظ بسرعة..شكلي هجيب اتنين وخلاص..

طيب انت مركبتش الوحدة ليه؟

وممكن تديني رقمك عشان اتصل عليك لو فيه حاجة؟