شبكة المحمول الثالثة"اتصالات"تعتمد على نيسان صنى

**sab3aawy** · 27-04-2007 11:34 PM

وصلنى من مصادر موثوق بها ان شركة اتصلات المالكة والمنفذة لشبة المحمول الثالثة فى مصر ، قامت بشراء صفقة كبيرة جدا من سيارات نيسان صنى المجمعة محليا (عدد السيارات بالمئات لكن المصدر رفض عن كشف الرقم الفعلى-ربما منعا من الحسد)
وقد تم ترخيصها بالفعل ودخولها الخدمة حيث تعتمد عليها الشركة تماما فى تنقلات مهندسى المشاريع ومهندسى المواقع فى كافة ارجاء جمهورية مصر العربية

ويأتى اختيار اشركة اتصلات لموديل النيسان صنى المجمع محليا لتكون السيارة الأساسية لتنقلات مهندسيها، والذى جاء بالطبع بعد دراسة وافية للسيارات المتاحة فى مصر من وجهة نظر القيمة السعرية والقيمة الأدائية شهادة فى صالح موديل الصانى بأنه الأفضل من وجهة نظر التقييم الكلى فى هذة الفئة(قيمة سعرية مقابل قيمة ادائية و تكاليف الصيانة)

كما يعد هذا الإختيار من قبل اتصالات تدعيما لتواجد موديل الصانى فى مصر واستكمال لنجاح مصانع نيسان فى مصر الذى وضحت أثاره فى السنة الاخيرة مع انتشار السيارة نيسان نصف نقل وموديل الصانى وبدايه ظهور الموديل إكس تريل

**saied** · 27-04-2007 11:39 PM

الحمدلله السياره صار لها اكثر من 70 يوما معى وحاسس اننى احسنت الاختيار حتى الان على الاقل ( 2500 كم ماقطعته السياره )

تحياتى اخوكم سعيد

**Mohsens** · 29-04-2007 12:23 PM

أستطيع تأكيد هذه المعلومة حيث ان لي صديق تلقي عرضاً للعمل هناك في مجال المبيعات و تضمن العرض وضع سيارة نيسان صني تحت تصرفه.

**aliabutaleb** · 14-04-2008 02:25 PM

طبعاً الصني لا غبار عليها

توضيحاً

بس توضيحاً كل السيارات الصني الموجودة في الشركة مؤجرة من إحدى كبريات شركات الليموزين في مصر

**mahmoudmahmoud** · 15-04-2008 11:00 AM

يا اخوانى اللى موش راكب صنى يبقى شرب مقلب الباقى كله (فى نفس الفئه ادنى منها كتير )والتوكيل رائع فى ابو رواش اسألو على المهندس محمد عبد الله اخلاق وامكانيات وتمشى مبسوط ومن غير ماتدفع لو فى الضمان حتى لو عايز تغسل العربيه وتروح ......انا معايا صنى 2008 اتوماتيك وحاسس انى سعيد بيها

محمود على

**pointer** · 23-04-2008 01:02 AM

معلش يا استاذ سبعاوي هتعبك معايا شويه :o
بالنسبه للصني كنت عاوز اعرف فيها الكلام ده ولا لأ
1-الزجاج لما بيوقفه حاجه بينزل علي شان ما يقفلش علي الايد مثلا ولا لأ
2-فيها ايموبليزر
3-ثباتها علي 160 حلو ولا لأ يعني بتبقي مكلبش في الدركسيون
4-التكيف بتعها عامل ايه
5-قطع الغيار عامله ايه مثلا سير الكاتينه يعني لو ممكن تفدنا في الموضوع ده
6-عربيتك ربنا يحفظها لك اخبارها ايه في السحب خصوصا انها اربع نقلات وكنت عاوز اعرف هي نظمها زي الالماني يعني ما بتسحبش علي النقلات الاولي علي شان يطول عمر المتور ولا زي الكوري اسحب و سيب عمر الماتور علي الله
7-بعد 2000 ك العفشه لسه نشفه
ومعلش هتعبك بس انا بثق في كلامك :)
اخوك حسام

**د-احمد عبد اللطيف** · 23-04-2008 01:17 AM

المشاركة الأصلية كتبت بواسطة pointer

معلش يا استاذ سبعاوي هتعبك معايا شويه :o
بالنسبه للصني كنت عاوز اعرف فيها الكلام ده ولا لأ
1-الزجاج لما بيوقفه حاجه بينزل علي شان ما يقفلش علي الايد مثلا ولا لأ
2-فيها ايموبليزر
3-ثباتها علي 160 حلو ولا لأ يعني بتبقي مكلبش في الدركسيون

اخوك حسام

انا مستغرب من حكاية الثبات اللى الكل بيتكلم عليها
كل واحد يتكلم على عربيه يقولك ثبات ثبات
لأ وكمان على 160
يمكن الكام سنه اللى الواحد سافر فيها بره مصر الحكومه رفعت حد السرعه على الطرق الى 160

والله مش غريبه على كده الحوادث اللى الواحد كل يوم بيقرا عنها في الجرائد
يا ناس دى السرعه القصوي هنا في امريكا في 90% من الطرق مازالت بين 55 -70 ميل يعني من 90- 115
والنبي ياريت حد يفهمنى ايه حكاية الثبات دي واللا هي دي الموضه الجديده في العربيات

**pointer** · 23-04-2008 02:09 AM

مين بس اللي قل اني بامشي علي 160 :D انا مشيت بيها مره واحده لظروف قهريه مش موضعها الان
بس مصر اخرها 100 وكتير كمان عليها
خد عندك كيس مرمي ما تعديش عليه قلت ليه لان جواه طوبه
حفر ظلط طوب زيت و الله هو اللي بينجي
انا لسه لابس في بلاعه ولبست 400 ج كوتش وربنا يكفينا واياكم من شر الطريق
المهم انتا مسكت في 160 دي وخلاص طيب و السبع حجات التانيه :)
طيب لو استاذ سبعاوي تقلان شويه او مشغول حد نساناوي يرد عليا
اخوك حسام

الموضوع: شبكة المحمول الثالثة"اتصالات"تعتمد على نيسان صنى

LinkBack

أدوات الموضوع

عرض