-
حسبى الله و نعم الوكيل
ياااااا جماعة اى حد جاى على الدائرى اتجاه المعادى بعد نفق شارع التسعين بحاجة بسيطه خدوا بالكم فى عربية تريلا قالبه ظالت فى نص الطريق و الطريق متبهدل و لسه حالا حصله اودامى حادثه فارجوكم على مهلكم .
و حسبى الله و نعم الوكيل فى سواقين التريلات و اصحاب التريلات و حسبى الله و نعم الوكيل فى كل واحد مسئول فى البلد و مش عارف يسيطر عليهم و بجد بجد الواحد تعب و زهق من كتر اللى بيشوفوا كل يوم منهم من سير عكسى على الدائرى و المشى فى الشمال و 3 عربيات بيعدوا بعض فقافلين الطريق و الكل وراهم متزنب لما ولاد التيت يعدوا.
(على العموم لينا ربنا هوه اللى نشتكيلة و الشكوه لغير الله مزله) :fdsa::70[1]:
-
الف شكر على التحذير . دول بيطلعوا كوبري اكتوبر كمان دلوقتى عادى :dzey:
-
-
ماهى البلد بلادهم
واحنا :8941[1]:
-
شكرا علي التحذير
ربنا يكفينا شرهم
-
مهو خلاص مبقاش فى حكومه ولا دولة عارفه تظبط البلد ربنا يلطف بينا
-
ربنا يستر على الناس جميعا
-
لسه برده من كام يوم عربية بطاطس
-
اثار الثورة
للاسف من ساعة الثورة وسائقين التريلات والميكروباص بقوا معتبرين ان الشوارع بتاعتهم انا عن نفسى باعين الامرين كل يوم وانا رايح الشغل لانى باخد طريق السويس وكل يوم باشوف العجب بجد منهم اللى ماسك شمالة وماشى يتفسح واللى فاتح وماسك شماله وعمال يرمى زلط من العربيه دة غير بقى التريلات واللى بتبقى شايله ظلط وماشيه بقى طوال الطريق بتحدف زلط يمين وشمال بجد لازم الحكومه تاخد موقف حازم ابسط حاجه يتم منع سير العربيات النقل بكافه انواعها على محيط المدن الكبرى اثناء فترات الذروة الصباحيه والمسائيه ولازم بقى يعملوا شرطه متنقله فى الطرق السريعة لمراقبه العربيات دى زى ما كل الدول عامله
-
على الاقل البطاطس غاليه الواحد ينزل يلمها ويبعها او يقليها
هههههههههههههههههه
Content Relevant URLs by
vBSEO 3.6.0 PL2