البنزين تقيل قوى

**matrix012** · 17-05-2012 09:42 AM

السلام عليكم ورحمة الله وربركاته
انا من يومين روحت مونت فى بنزينه وطنيه الى على طول بمون منها (80) ولاحظت حاجه ان العربيه سحبها مش كويس قولت انظف الكربراتير وارش كام راشه عليه يمكن !
الموضوع مختلفش كتير العربيه بتبقى ماشيه عادى جدا وبعد كده تكتم ثوانى وتنطلق تانى
انهاردا واحد جارى نازل معايا فى الاسانسير لقيته بيقولى ان نفس الكلام حصل معاه وهوا بيمون 92 وعربيته لانسر وكمان بيمون فى كالتكس
روحت الشغل سئلت واحد صاحبى قالى نفس الكلام وعربيتة لانوس وحط 92
قولت مبدهاش بقى
اسئل الناس الى فى المنتدى هل الموضوع ده صدفه بيحصل معايا ومع جارى ومع صاحبى
ولا البنزين هوا الى تقيل
وربنا يستر طريقى وطريقكم

**ehab_mansour** · 17-05-2012 10:01 AM

مش عارف بس مستغرب جدا
علي العموم وده رأيي ان عربيتك مينفش تحط فيها اقل من 90 ابدا وان قلنا ان 92 هو الصح
وياريتك تنزل تحت العربية تفك فلتر البنزين و و ترجع بالبنزين اللي جواه عشان ينزل الوسخ اللي فيه جوه لأنه زمانه فيه طييييييييييييين وده أكيد ولو غيرته تبقي عملت خير
لأني بنزين 80 بيخلي الفلتر يتنيل تماما بعد اربع او 5 تفويلات بكتيره

**ehab_mansour** · 17-05-2012 10:42 AM

ومين قلك ان الاستهلاك مازال زياده انت نسيت ايه اللي حصل في الحرفينن انت كانت عربيتك بتوقع بنزين بدون اي شيء تسريب ....
يعني المفروض تختلف تماما مع حل مشكلة التسريب دي و حط الباقي اللي حصل علي جنب

فهمني ؟؟

**SYD** · 17-05-2012 10:43 AM

انا من رأي المهندس ايهاب
يجب تغير فلتر البنزين
حاول تظبط عربيتك
خليك دايما مع 92 هيكون افضل للعربية

**SYD** · 17-05-2012 12:43 PM

علي فكرة تظبيط الكربراتير وتغيير البكات ان لزم الأمر في غاية الأهمية

انت مش متخيل البكات لو الهوا مفتوح بزيادة او البنزين مش مظبوط ممكن يحصل ايه
دخنة
كركرة
استهلاك
ضعف سحب

الكربراتير بالنسبة للعربية زي الرئتين للبني أدم
نظف الكربراتير ولو في بكات محتاجة تغيير غيرها
غير فلتر الهواء
غير فلتر البنزين

هتفرق معاك كتير اوي

والله المستعان
،
،

**ehab_mansour** · 17-05-2012 01:53 PM

المشاركة الأصلية كتبت بواسطة SYD

علي فكرة تظبيط الكربراتير وتغيير البكات ان لزم الأمر في غاية الأهمية

انت مش متخيل البكات لو الهوا مفتوح بزيادة او البنزين مش مظبوط ممكن يحصل ايه
دخنة
كركرة
استهلاك
ضعف سحب

الكربراتير بالنسبة للعربية زي الرئتين للبني أدم
نظف الكربراتير ولو في بكات محتاجة تغيير غيرها
غير فلتر الهواء
غير فلتر البنزين

هتفرق معاك كتير اوي

والله المستعان
،
،

علي فكرة يا هندسة هو معندهوش كاربيراتير بالمعني اللي في دماغك هو اللي عنده مختلف شوية اظن الكاربيراتير حسب ما فهمت شوية بسيطة عنه انه بيختلف تماما من تصنيع شركة لأخري

المهم اني اكتشفت ان الكاربيراتير بتاعه او single point injection اللي هو الحقن الالكتروني باستخدام رشاش واحد ده مشروح جيدا و حته حته في المانيوال بتاع الصيانة اللي انا رفعته هنا زمان بتاع البولو اللي هو صور فأنا عايزه يفهم القصة ايه تماما و يحاول يحل و يشتغل بنفسه ولو عايزمساعده احنا معاه و يعملنا تقرير كمان بالموضوع واهو برضه نستفاد ان احنا جرينا رجله لسكتنا ولا ايه رأيك يا ابو السيد و يا مصطفي

**SYD** · 17-05-2012 03:14 PM

اممم
فعلا افتكرت
الكربراتير بتاعه زي بتاع الجولف 3
مش كربراتير عادي زي الجولف 2

دة فعلا بيسموه spi
عكس عندنا mpi
واحيانا بيسموه نص انجيكشن او هاف انجيكشن

امم
طب يا باشا ماهو دة هتلاقيه نوعا ما قريب من عندنا
بس فرق البوابة هتلاقيه بردو زي الكربراتير العادي

بكات بتفتح وتقفل الهواء وخليط البنزين

احنا بيسمو طريقة الحقن عندنا Direct Injection
عشان الرشاش علي راس البوجيه عدل

لكن الكربراتير بيسموه خليط الهواء والبنزين
ودة بيتم الخلط قبل مرحلة الحرق وقبل ماتوصل للبوجيه

بس هذا لا يمنع انك تروح مركز يظبطلك الكربراتير عشان اولا تمنع الدخنة ثانيا عشان الأستهلاك

عارف

انا ممكن اعملك الحوار دة بس هاتلي معاك علبة منظف كربراتير ابرو ABRO
هتلاقيها ب 20 جنيه العلبة الكبيرة

دة كويس اوي وهو نفسه الي انا نظفت بيه الرشاشات بتاعتي

لكن ضبط بكات لازم تروح بيها لبتاع كربراتيرات
لأني مش هعرف طبعا البك واسع ولا مخنوق ولا عايز يتغير
او هعرف اظبط الخليط
هما ليهم طريقتهم الي بيعرفوا يظبطوا بيها (عبارة عن مسمار - الي هو بك الهوا - بيلفو يمين وشمال لحد لما يظبط الخليط

لكن كنظافة
مفيش اسهل من كدة
زي البوابة بالظبط

والله المستعان
،
،