عايز اعرف اسعار بعض قطع الغيار في هوندا سيفيك 93 زي العفشة الخلفية بكام والامامية بكام والي يعرف اي حاجة عن اسعار قطع غيار عموما في الهوندا ياريت يكتب عشان الناس بتحزرني ان قطع غيارها غالية سعر الجلبة كام والشدادات الي ورا
عرض للطباعة
عايز اعرف اسعار بعض قطع الغيار في هوندا سيفيك 93 زي العفشة الخلفية بكام والامامية بكام والي يعرف اي حاجة عن اسعار قطع غيار عموما في الهوندا ياريت يكتب عشان الناس بتحزرني ان قطع غيارها غالية سعر الجلبة كام والشدادات الي ورا
اولا حضرتك هتستنى منسق القسم علشان هو اللى معاه احسن الاسعار
تانى حاجه لازم تحدد العربيه EL or EX or SI or SIR
علشان يعرف يقولك الاسعار
^_^
العربية ex عايز اعرف االاقي فين احسن الاسعار
شوف ياباشا اولا بالنسبة لل ex لو انت عايز تغير العفشة الخلفية يبقى احسن لك انت تقلبها عفشة si وتجيب دوشمتين كاملين بدون المساعدين ب700 جنية وبالمساعدين 1000 جنية ممكن تنزل ل900 وطبعا هتفرق معاك جامد جدا فى الفرامل
بالنسبة للعفشة الامامية الاسعار كالتالى :
جلب مقصات اصلى : 340 جنية , تايلاندى نظيفة جدا : 180 جنية
2 مساعدين امامى استيراد : 300 جنية
بارات خارجية وداخلية : سعر الاربعة 2+2 450 جنية يابانى شركات , اصلى : 1000 جنية 2+2 للجنبين
جلب المقصات الخلفية : 190 جنية تايلاندى نظيفة جدا للاتنين , واصلى ب420 جنية
كاوتش ميزان امامى تايلاندى ب 90 جنية مش هتلاقى الاصلى وعموما سعرة 170 جنية
سعر الشدادت الخلفية استيراد الواحد ب125 جنية وعندك اتنين فى كل جنب
لو عايز تغير الجلب بتاعتهم : كل شداد فيهم فية جلبتين سعر الواحدة 70 جنية
واى حاجة تانى عايز تعرف اسعارها قول عليها , على فكرة سعر قطع الغيار الاستيراد كويسة جدا ورخيصة مش غالية , يعنى لو قدامك واحدة واللى قلقك بس قطع الغيار توكل على الله واشترى
الاقي الاسعار دي فين بالظبط بقي اروح فين عشان اجيب الحجات دي
شوف ياباشا هتروح عند مجدى الدسوقى فى الحرفيين , او زوزا فى الحرفيين بردة , توشكى فى الحرفيين بردة
مانو فى الحرفيين , ابو اصة فى الحرفيين
كل دول عندهم قطع غيار هوندا
عفشة كاملة امامية وخلفية استيراد بالمساعدين 2000 جنية
الف شكر ياباشا وسوال اخير لحضرتك هل لازم اخد العفشجي معاية عشان يختار عفشة حلوة لانها استيراد مستعملة هل يستحسن اخد العربية هناك لعفشجي حلو يعملهالي تعرف عفشجي كويس هناك
لأ طبعا مش لازم
انت بتروح لمجدى الدسوقى مثلا قولة انا من طرف سامح بس او وانت هناك كلمنى 01003088605
وماتقلقش
هوه مش زوزا استيراد بس ولا ده واحد ثاني
شوف ياباشا هو مجدى حاجتة نظيفة وغالية بس انت يمكن ماتعرفوش انا عارفة كويس وهو مش زى مانت بتقول خالص يمكن حصل معاك موقف
بالعكس دة مجدى الدسوقى بياخد ويدى معاك فى الكلام زى مانت عايز ويديك الصح
وانت يابنى مش اتعاملت مع زوزا دة وقولتلى انا مش هاروحلة تانى عشان تنك وكان بيكلمك كدة وهو بيقفل كل الكلام
يا سامح يا حبيبى
زوزا انا قلتلك مش رايحله تانى و قفل فى الكلام و قفشنا فى الكلام
علشان المكنه طلعت 94 و هو كان قايل حاجه غير كده
و انا قلتله انا ليا بللى مكتوب على المكنه فهمت هو قفش ليه
و انا وضحتلك الكلام ده
اما مجدى دسوقى كرهى فى عيشه اهلى و تنك و مقمش من على الكرسى
و لما قلتله المكن مش حلو و فلوسه غاليه
طب انا عايز مساعدين قالى مش عندى طب عند مين معرفش و قفل فى الكلام اسلوبه مش حلو نهائى فى الكلام و ده اللى خلانى اقول عليه كده
اما زوزا اخد و اده معايا فى الكلام و الدنيا ماشيه زى الفل
الا لما قلتله مليش دعوه المكنه مكتوب عليها موديل 94 و مليش فيه كلامك انا ليا بلمكنه
^_^
ماشى ياعم انا مش بكدبك ياحبى , بس انا عمرى ماشوفت الكلام دة
انت عارف اول معرفتى بية قعد يتكلم معايا اكتر من ساعة مازهقش والله انا شايفة كويس جدا وبيحب يخدم وبيكلمنى فى التليفون كويس جدا ولما ابعتلة حد بيعمل معاة الواجب عشان جاى من طرفى , طيب انت عارف انا لما كنت روحتلة من 5 سنين عشان اشترى بيوجيهات ngk الاصلى اللى فى علبة هوندا دية كانت اول معرفة بية معايا , قالى ماتاخدش الاصلى دية عندى هية هية ب50 جنية الفرق العلبة , قالى لو عايز تبدل البوجيهات وتحط دية مكان دية وخد اللى ب50 جنية ماشى , قالى يعنى العلبة ب45 جنية لان الاصلى كانت ب95 جنية وبتتباع فى التوكيل ب140 جنية
فية اكتر من كدة واحد بيقولك خد الرخيص عشان مافيش فرق وهو هو نفس البوجية وفعلا اخوة مايتفرقوش عن بعض
ياحبيبى الناس معاملات وانت يأاحمد ممكن تكون بتقفش بسرعة معاهم لكن انا بالى طويل جدااااااااا وباخد وادى معاة وعلى فكرة الحمد لله علاقتى بالناس كلها زى الفل واى حد تروحلة لما تقولة سامح بس هيعمل معاك واجب , مع انى ممكن مايكونش اتعاملت اية او عملى حاجة فى عربيتى بس خلاص كلمة من هنا وكلمة من هنا انسى بقيتوا حباييب
يعنى انت عارف حسنى الكهربائى حبيبى , وعمرة ماشاف شكل عربيتى فعادى يعنى لازم تتكلم وتاخد وتدى فى الكلام هتلاقى الدنيا peace