megane or 307 انا همي كلة تبقي اعتمادية علشان بسافر كتير و شكرا و الميجان حاسس ان عمرها قصير و شكرا
عرض للطباعة
megane or 307 انا همي كلة تبقي اعتمادية علشان بسافر كتير و شكرا و الميجان حاسس ان عمرها قصير و شكرا
طبعا 307 ولكن انا عارف ان حاجتها غاليه ايضا
على ما اسمع الاتنين مش وحوش الاعتمادية يعني
الاتنين زى بعض فى كل حاجة العفشة و الفتيس و الموتور حتى المنحنيات اللى عالابواب من برة و الصاج و الفيبر كله واحد
الفرق فقط من وجهه نظرى فى الشكل الخارجى و جودة الخامات اللى جوة و التابلووو و اللى فى رأيى الميجان تكسب فيها
ال 307 من جوة فقييرة جدا و التابلوو بتاعها ممل جدا جدا و الكراسى فرشها فقير
كأعتمادية في السفر الكثير الاتنين اسوء من بعض
انا كان معايا 307 شاريها زيرو و بعتها بخسارة بعد سنتيين من كتر ما قرفتني كنت بسافر بيها كتيير عملت في السنتين 55 الف كيلو كل مشاكلها كانت بتتصلح في التوكيل و اغلبهم كانت مجانا علشان العربية عليها ضمان لحد 60 الف و علشان كدة لما لاقيت الضمان قرب يخلص قلت اخلص منها
رأيي في العربيات الفرنساوي الجديدة عايزة حنية في المعاملة يعني عربيات عايزة مشاوير قريبة و متابعة دورية في الوكالة موش عربيات فحت و ردم
اعتمادية يعني تبعد عن الفرنساوي خالص , مع انها عربيات فخمة بس مش عملية
انا محتار جدا اصلا انا معنديش مشكلة تبقي قطع غيارها غالية شوية بس المهم متقفش وانا مسافر مثلا علشان ما اتسوحش حد معاة ميجان من زمان و عمل بيها عداد 200 الف مثلا :d و شكرا لكل الي ردوا بس انا عجبني الاثنين دول و الفوكس
focus 2007 i don`t really like the shape of c4
والله انا شايف الاثنين حلوين
لكن لو اعتمادية يبقي الياباني اظن اريح
مجرد راي فقط