ابيزا 2006 عندي طقة لما بلف الدريكسيون يمين او شمال والعربية واقفه

**connery** · 17-05-2012 02:30 PM

روحت للمكانيكي قال لي علبة دريكسيون روحت التوكيل قالي بلي بطاحات روحت للمكانيكي تاني قال لي علبة دريكسيون لان مش ممكن بلي البطاحات يبوظ مع بعض فى نفس الوقت مش عارف اغير بلي البطاحات ولا اغير علبة الدريكسيون ارجو المساعدة وشكرا .

**ehab_mansour** · 17-05-2012 03:12 PM

ازيك يا كريم عامل ايه ؟؟

انا مش مقتنع بكلام التوكيل ابدا لأن الصوت صادر من تحت العربية و بلي البطاحات صعب يزيق كده علي العموم زي مقلتلك لما نتقابل بكره ان شاء الله هنشوفها تاني انا وانت و احمد مبارك و بعدين بلي البطاحات هيخف الحمل عليه تماما لو رفعت العربية علي كوريك فممكن ترفعه عند اي حد بتاع كاوتش و تلف يمين و شمال لو الصوت راح يبقي بلي بطاحات لو مرحش يبقي علبة دركسيون

لأن بلي البطاحات لو بايظ بيبان صوته قوي لما تكون العربية محمله فوقيه لكن لو رفعتها من عليه هش هتسمع الصوت والله اعلم

بس خليها لما نتقابل بكرة أضمن و عند أحمد مبارك
ومنتظرين أراء الباقي
والله الموفق

**SYD** · 17-05-2012 03:22 PM

بالنسبة للبلية للأسف مش بتتباع لوحدها
لازم تجيب معاها البطاح نفسه

ودة هيكون في حدود ال200 جنيه او اقل قليلا
عندنا ب 185 في الأبيزا 99

مش عارف عند حضرتك زينا ولا لاء

بالنسبة لعلبة الدريكسيون اشك ان يكون فيها حاجة

وياريت حضرتك تقولنا اي اعراض اخري غير الطقة او ايه اخر حاجة حصلت في العربية او انت عملتها سواء صيانات او مطبات وخلافه

يعني history بسيط للموضوع عشان نقدر نوصل سوا للمشكلة وطرق العلاج

والله المستعان
،
،

**eng.m7md.ali** · 17-05-2012 05:07 PM

غالباً دي الجلب
لان اصوات علبة الدريكسيون بتبان والعربية ماشية
وحضرتك بتقول بتلف يمين وشمال والعربية واقفة
يبا اكيد الجلب

**ehab_mansour** · 17-05-2012 06:06 PM

يا ساده انا سمعت صوت العربية دي قبل ما يروح للتوكيل او للميكانيكية الصوت صوت تزييق مستمر مع لف الدركسيون و العربية واقفة لما يبطل يلف بيروح الصوت و بعدين الصوت جاي من الناحيتين يمين و شمال ومن تحت العربية عند منطقة التوجيه (علبة الدركسيون بأجزائها)

اللي اعرفه لو بلي البطاحات هو اللي عامل الصوت هيكون الصوت واضح كويس جدا فوق المساعد اكتر من حوض الموتور ومن تحت العربية و هيكون واضح اكتر تحت المساعد عند فردة الكاوتش ولكن هنا مافيش صوت.... الصوت صادر من تحت العربية كما ذكرت

**ehab_mansour** · 17-05-2012 06:15 PM

المشاركة الأصلية كتبت بواسطة connery

م / إيهاب منصور مش عارف اشكرك على مجهودك معايا
كمان في التقرير مكتوب تسريب زيت من المحرك بس خفيف مش عارف ايه ده وجلدة الكوبلن الشمال فيها قطع صغير وجلبة المقص الشمال اللي ركبها مركبها عكسي وفيها قطع .

تسريب الزيت ممكن يكون من طبة التغيير متأكله يعني او ممكن يكون من جوان الكارتيره بس طالما خفيف و مش كتير مش هيعمل مشكلة عادي مشيت بالابيزا اكثر من 3 سنوات بنشع خفيف زي ده و غير مؤثر طالما مستوي الزيت لا يقل

كاوتشة الكوبلن دي لازم تتغير قبل ما الكوبلن نفسه يتملي رمل و تراب و يبوظ لأن الكاوتشه دي مهمة جدا جدا جدا للحفاظ علي حالة الكوبلن و الشحم اللي بيشحم حركة الكوبلن فمتسكتش عليها

جلبة المقص دي كمان محتاجه تتغير و ابقي قول للعفشجي المحترم انها ليها سهم في جسم المقص نفسه و فيه سهم أخر في جسم الجلبة بيتظبطو الاتنين علي بعض لما بييجي يكبس الجلبة في المقص

أخبار التكييف عامل ايه يا كريم طمني

-

الموضوع: ابيزا 2006 عندي طقة لما بلف الدريكسيون يمين او شمال والعربية واقفه

LinkBack

أدوات الموضوع

عرض

-

-

-

-

-

المواضيع المتشابهه

مشكله : بحس بعزم الماكنه والعربيه واقفه فى الدريكسيون

ابيزا 2006 عندي طقة لما بلف الدريكسيون يمين او شمال والعربية واقفه

صوت حكه لما أدور الدركسيون يمين أو شمال

معايا سيفيك 92 والعربية بتدخن بس مش وهى واقفه لازم اكبس علشان تدخن

حدفة يمين ثم شمال

الكلمات الدلالية لهذا الموضوع

المفضلات

المفضلات

ضوابط المشاركة