قطع غيار نيسان هي قطع غيار سوزوكي و البقية تأتي !!!

بسم الله الرحمن الرحيم
السلام عليكم و رحمة الله و بركاته

الف مبروك التكريم كأفضل قسم في المنتدي و طبعا أفضل منسق للسنة دي احمد بيه و مبروك لأنشط الأعضاء
الله يسهلوا يا ريس انا مش بقر و لا بحسد انا بنق بس :8941[1]:
ههههههههههههههه


نيجي للمهم يا صقور النيسان

من كام يوم زميل ينتمي لنسور السوزوكي معاه اس اكس فور SX4

كان بيسأل ع قطع غيار اس اكس فور SX4 تحديدا تيل الفرامل الأمامي لأنه مش في القاهرة و مش عارف يجيبه فقولتلوه يا اما يشوف التوكيل ياما يفك التيل و يولف عليه تيل من عربية تانية

http://www.nilemotors.net/Nile/287551-sx4.html

و اذ يتضح ان تيل الفرامل هو هو بتاع النيسان غالبا الصني !!!

طب يعني كده ممكن قطع الغيار الداخلية تطلع هي هي و نقدر نولف من هنا لهنا
لوملقناش هنا يبقي هنا ايه رأيكم ؟؟؟
و اعتقد ان الموضوع مش هيكون مستحيل لسبب بسيط احنا الاتنين نفس التوكيل و الاتنين ياباني فممكن أغلب القطع البسيطة ديه بتنزل زي بعضها باختلاف الموديلات
بل بالعكس ممكن نشوف للسوزوكي و النيسان في الهوندا و التويوتا

زي مثلا تيل الفرامل في الماروتي هو تيل هوندا سيفيك 88
و ابلاتين ماروتي تقريبا هو ابلاتين تويوتا كورولا موديل تسعينات تقريبا

فممكن في الماروتي و الالتو برده نشوف قطع غيار نيسان
او نشوف قطع غيار النيسان و السوزوكي عامة لو ملقناش قطعة معينة و مزنوقين نفكها و ندور عليها عند قطع غيار الهوندا و التويوتا او متسوبيشي كمان بما انهم كلهم ياباني لأني لاحظت في العربيات الياباني ان القطع الغيار بتتشابه باختلاف الموديلات

ايه رأيكم في الكلام ده ؟؟؟

و نعمل موضوع متجدد مثبت في كل قسم من الياباني لكل قطعة و نسختها في الموديلات التانية

اقتباس:

---

المشاركة الأصلية كتبت بواسطة axel

زي مثلا تيل الفرامل في الماروتي هو تيل هوندا سيفيك 88

---

ازيك يا عمرو أخبارك أيه ...؟
ممكن بس اعرف جبت المعلومة اللى فوق دى منين ...؟

انا عملت دعوة في أغلب اقسام الياباني بخصوص الفكرة ديه

اقتباس:

---

المشاركة الأصلية كتبت بواسطة no comment

ازيك يا عمرو أخبارك أيه ...؟
ممكن بس اعرف جبت المعلومة اللى فوق دى منين ...؟

---

أحمد باشا عامل ايه و اخبارك ايه عاش من شافك :)

المعلومة ديه عرفتها لأننا بنعملها في الماروتي معانا كذا واحد جاب التيل و ركبه و شغال ما شاء الله زي الفل لأن أغلب التيول اللي بنلاقيها للماروتي صيني و هندي و بتنجاني و كله اي كلام و بيصفر و حالته حالة فطول الوقت بنحاول نولف قطع غيار من عربيات تانية :)

متابع بس الهوندا بعيد عن التوليف ده لانها مش هيركب عليها حاجه غير الهوندا بس اكتر من كده مفيش
^_^

اقتباس:

---

المشاركة الأصلية كتبت بواسطة ahmedeihab

متابع بس الهوندا بعيد عن التوليف ده لانها مش هيركب عليها حاجه غير الهوندا بس اكتر من كده مفيش
^_^

---

يا باشا و لا بعيدة و لا حاجة و مش شرط موديل جديد ممكن قديم شوية او العكس مش شرط هوندا اللي تولف احنا نولف منها اخدت بالك من قصدي ؟

اقتباس:

---

المشاركة الأصلية كتبت بواسطة axel

يا باشا و لا بعيدة و لا حاجة و مش شرط موديل جديد ممكن قديم شوية او العكس مش شرط هوندا اللي تولف احنا نولف منها اخدت بالك من قصدي ؟

---

متابع معاك علشان الكلام ده جديد عليا لانج
^_^

اقتباس:

---

المشاركة الأصلية كتبت بواسطة ahmedeihab

متابع معاك علشان الكلام ده جديد عليا لانج
^_^

---

انا بقي جديد عليا لانج اللانج اللاااانج فعلا الدنيا ياما بتعلم يا اما احنا اللي بنعلم بذكائنا يعني معرفتش موضوع التوليف ده غير ع ايد الماروتي ههههههههههههه

بس ايه الذعر اللي جاي للناس خاصة في الهوندا ان قطع في عربيات تانية تنفع تركب في الماروتي او منها في اي عربية تانية ده احنا بنكلم كمان في عربيات موديلها قديم في التمنينات و التسعينات ( يعني عربيات خلاص مبيتمش انتاجها تاني اساسا ) بيركب منها عندنا و بنولفها عشان جودتها احسن من المضروب اللي مالي الدنيا اومال لو طلعت قطعة من موديل جديد كانوا عملوا ايه ههههههههه

متااااابع

اقتباس:

---

المشاركة الأصلية كتبت بواسطة Axel

انا بقي جديد عليا لانج اللانج اللاااانج فعلا الدنيا ياما بتعلم يا اما احنا اللي بنعلم بذكائنا يعني معرفتش موضوع التوليف ده غير ع ايد الماروتي ههههههههههههه

بس ايه الذعر اللي جاي للناس خاصة في الهوندا ان قطع في عربيات تانية تنفع تركب في الماروتي او منها في اي عربية تانية ده احنا بنكلم كمان في عربيات موديلها قديم في التمنينات و التسعينات ( يعني عربيات خلاص مبيتمش انتاجها تاني اساسا ) بيركب منها عندنا و بنولفها عشان جودتها احسن من المضروب اللي مالي الدنيا اومال لو طلعت قطعة من موديل جديد كانوا عملوا ايه ههههههههه

---

هههههههههههههههههههههه يسمع من بوقك ربنا يا سيدى و يركب حاجه الهوندا عندكوا :penguin4:
بس خلى بالك انت كده هندخل فى اسعار عاليه بس الصراحه هتاخد حاجه هتريحك سنين :Bravo:
و هى دى حلاوه قطع غيار الهوندا :cool:
و اللى يعيش ياما يشوف فعلا يا عم اكسل :B4_033:
^_^

يا باشا يا ريت فعلا غير التيل كمان لسبب بسيط زي مقولت الهوندا قطع غيارها ما شاء الله معمرة و كذلك السوزوكي لكن النضيف و ده سبب اننا بنحاول نولف

و بص ده دليل اهو تاني أقرأ الموضوع و شوف بنفسك

http://www.nilemotors.net/Nile/265436-a-3.html

فكرة حلوة بصراحة ..

اقتباس:

---

المشاركة الأصلية كتبت بواسطة ahmazong

فكرة حلوة بصراحة ..

---

مش كده يا عم أحمد و لا انا غلطان ؟؟ و بالتالي اللي مبيتعاملش مع التوكيل مثلا
و بيجيب من برة هيصرف اموره في حالة ان اللي بيجيب منه غلي الاسعار اوي او بيتحكم فينا باي شكل عشان هي اللي عنده زي ما بيحصل معانا كملاك للسوزوكي لأ يبقي بالسلامة احنا نعرف نتصرف كويس و كويس اوي كمان
انا عملت الدعوة ديه في قسم تويوتا و مازدا و متسوبيشي و هوندا
و حتي الان في هوندا عندهم ذهول تام ههههههههههه

شوف يا فندم

لو مثلا دخلت علي موقع زى seekpart24.com هتلاقي خاصية اسمها الx-reference اللي هتبين لحضرتك اذا كلن اي قطعة غيار في الماركة و الموديل بتاعك مشترك مع موديل أو ماركة تانية و أكيد هتلاقي العجب

وتويوتا بردوا ياريت تكون فالحسبة

اقتباس:

---

المشاركة الأصلية كتبت بواسطة yassinhaitham

شوف يا فندم

لو مثلا دخلت علي موقع زى seekpart24.com هتلاقي خاصية اسمها الx-reference اللي هتبين لحضرتك اذا كلن اي قطعة غيار في الماركة و الموديل بتاعك مشترك مع موديل أو ماركة تانية و أكيد هتلاقي العجب

---

للأسف أغلب القطع غير اللي عندنا في عربياتنا طبعا مع اختلاف التسميات هناك و مفيش حاجة ليها و قطع غيار غير موجودة
بص يا ريس اللي ينفع عندنا هو اننا نشوف بنفسنا :)

اقتباس:

---

المشاركة الأصلية كتبت بواسطة ahmed1006

وتويوتا بردوا ياريت تكون فالحسبة

---

لا متقلقش موجود ادخل قسم هوندا كمان و اقرأ اخر مشاركة في الدعوة لـhm414

و ديه مشاركة د حازم

اقتباس:

---

حد جاب سيرتي هنا؟؟؟؟


مستغربين؟؟؟

انا مركب عندي تيل هوندا سيفيك بس التصحيح 82

ولما كنت بسأل بنفسي
التجار عارفين كويس
ولانهم تجار مصريين اصليين
تقولي تيل هوندا سيفيك 82 يطلعهولك ويقولك 90 جنيه
تقوله تيل ماروتي
يطلع التيل نفسه وهوا هوا ويقولك 45 جنيه


انت اولى من التاجر


ابلاتين الماروتي له بديلين انضف منه!!

ابلاتين التويوتا تسعينات
بالنسبه للالكتروني مش الكلام عليه
الكلام على العاده واللي في منها بتنزل ب 2 ابلاتين حسب ما سمعت ومشفتش واللي راكب عندي حاليا هو التويوتا

وللعلم
لقيت ابلاتين يسان برضو وبيركب عندي ونضيف فحت انضف حتى من التويوتا
نيسان ايه معرفش انا لقيته عند بتاع قطع سوزوكي!!!


فليه الاستغراب

بلاش دي
انا بنزل اقولهم طقم بوجيهات تويوتا
بيدوني ال 4 الان جي كيه ب 35
بقولهم ماروتي بيدوني 3 ب 35!!!!!!!!!!!!!!!!!!!!!!!!!!!!!!!

فمحدش يستغرب خالص وانا بنصح وبشده انكم فعلا تدورو عالقطعه بالشكل وانسو هي بتاعة ايه
القطعه لو نفسها خدها وانت مطمن وخلي التجار يخبطو دماغهم في الحيطه احسن


بالمناسبه
مرايات السيفيك 92 بتركب عالماروتي من غير تعديللات وطبعا العكس
هههههههههههههههههههه


دي عالماشي بس

اه وكنت هنسى
فلتر الهوا هوا هوا بتاع عربيات كتير والفلتر عندنا ابتداءا من 10 جنيه!!1

لو هقعد افتكر هطلعلكم كتير
للاسف انا بره مصر دلوقتي والعربيه مش قدامي ولا كنت طلعتلكو حاجات كده كتير

تحياتي

---

متابع

http://img638.imageshack.us/img638/4020/22n2.png

عايزين كلام فى الموضوع ده من احد الفنيين الكلام كده سطحى جدا. وخد فى اعتبارك ان كل قطعة فى الهوندا او النيسان او التيوتا لها حقوق ملكية للشركة المصنعة والأخ كاتب الموضوع قصده اييييييييه بالضبط؟؟؟؟ يعنى ينفع احط زيت كريستال بدل زيت الموتور أم هناك فرق فى اللزوجة ودرجة الغليان و اشياء اخرى ؟ وتقبل ردى مع التحية

اقتباس:

---

المشاركة الأصلية كتبت بواسطة tarekiooo

عايزين كلام فى الموضوع ده من احد الفنيين الكلام كده سطحى جدا. وخد فى اعتبارك ان كل قطعة فى الهوندا او النيسان او التيوتا لها حقوق ملكية للشركة المصنعة والأخ كاتب الموضوع قصده اييييييييه بالضبط؟؟؟؟ يعنى ينفع احط زيت كريستال بدل زيت الموتور أم هناك فرق فى اللزوجة ودرجة الغليان و اشياء اخرى ؟ وتقبل ردى مع التحية

---

الأخ كاتب الموضوع بيقولك بصراحة لا تعليق !!!

اقتباس:

---

المشاركة الأصلية كتبت بواسطة axel

الأخ كاتب الموضوع بيقولك بصراحة لا تعليق !!!

---

المهم الاخ صاحب الموضوع وصل لايه
لان انا عمال اجيب الهوندا يمين شمال مفيش حاجه تركب عليها خااااااااااااالص
^_^

اقتباس:

---

المشاركة الأصلية كتبت بواسطة ahmedeihab

المهم الاخ صاحب الموضوع وصل لايه
لان انا عمال اجيب الهوندا يمين شمال مفيش حاجه تركب عليها خااااااااااااالص
^_^

---

و الله حاجة تضايق يا احمد باشا بس هنعمل ايه ما علينا

المهم موضوع القطع ده اللي هارشه من اوله لأخره تجار قطع الغيار هم اللي عارفيين و طبعا د حازم وضح النقطة دي
و انا بقولك اللي لقيناه في الهوندا للماروتي تيل فرامل بس تمنينات
يعني لو حاجة موديل حديث في الهوندا ممكن تلاقيها في حاجة حديثة و كبيرة زي تويوتا او سوبارو او ..او .. الخ ..الخ فالموضوع عايز بحث و واضح خبرة نقعد معاه يجيبلنا الزتونة

بس في السوزوكي صعب تلاقيها فيها لأن السوزوكي مش مخدومة هنا خالص لو اتخدمت صح هتلاقي كيزاتشي و اكواتور و اس اكس فور و جراند فيتارا و فان الاصلية بقي مش الفستيك اللي هنا هتلاقي بلاوي فعلا و تلاقي قطع غيار لكن عشان مش مخدومة فبنلاقي قطع غيارها في الانواع التانية
و لسه كنت بتناقش في نفس الموضوع اتضح برده ان الكوري طلع زي بعضه برده في بعض قطع الغيار
يعني الواضح الياباني زي بعضه و الكوري زي بعضه و الصيني زي بعضه ههههههههه
زي المصري زي بعضه اللادا و ال128 و 127 الخ الخ ههههههههه

اهو تم التأكيد كمان في اخر مشاركة في الموضوع ده
ان التيل تيل نيسان صني
http://www.nilemotors.net/Nile/287551-sx4.html

والله ياعمرو .. انا حسال فى الموضوع ده وحرد لما يجيلى رد مفيد
لان مبدئيا كدا .. انا لما كنت بسال على بوجيهات بلاتنيوم .. للتيدا .. لقيت فى السوق .. بس متشتغلش عندى
لان سنها مختلف .. وانا اللى عندى سن 14 قصير تقريبا
فى حاجات لازم تكون بالظبط .. تيل الفرامل ممكن .. بس عندى .. بردوا كنت جايب تيل فرامل للتيدا من بر التوكيل .. وجيت اركبه .. قالولى مش بتاعه .. ومش حيركب .. وورونى التيل الاصلى اللى عندهم .. مختلف فى السمك ومختلف فى اماكن البنزات
على العموم الموضوع ده حسال فيه .. لو روحت مودرن .. لان ده مركز الخدمة الوحيد اللى بيشتغل لنيسان وسوزوكى .. لانه وكيل سوزوكى المعتمد ومفيش غيره

تحياتى ليك يا قمر

اقتباس:

---

المشاركة الأصلية كتبت بواسطة ahmed.tv

والله ياعمرو .. انا حسال فى الموضوع ده وحرد لما يجيلى رد مفيد
لان مبدئيا كدا .. انا لما كنت بسال على بوجيهات بلاتنيوم .. للتيدا .. لقيت فى السوق .. بس متشتغلش عندى
لان سنها مختلف .. وانا اللى عندى سن 14 قصير تقريبا
فى حاجات لازم تكون بالظبط .. تيل الفرامل ممكن .. بس عندى .. بردوا كنت جايب تيل فرامل للتيدا من بر التوكيل .. وجيت اركبه .. قالولى مش بتاعه .. ومش حيركب .. وورونى التيل الاصلى اللى عندهم .. مختلف فى السمك ومختلف فى اماكن البنزات
على العموم الموضوع ده حسال فيه .. لو روحت مودرن .. لان ده مركز الخدمة الوحيد اللى بيشتغل لنيسان وسوزوكى .. لانه وكيل سوزوكى المعتمد ومفيش غيره

تحياتى ليك يا قمر

---

بص يا ريس الطبيعي ان مفيش محل قطع غيار محتكر موديلات او توكيل هيقولك ايه القطع اللي تتولف من ماركات او موديلات تانية و الا انت مش هتجيب من عنده
و زي ما شوفت العضو اللي حط تيل فرامل نيسان للاس اكس فور
فالموضوع هيتجاب عن طريق اجتهاد شخصي لذلك فكرت في المبادرة ديه عشان نوفر ع نفسنا شوية يعني مثلا فيه ناس بتلاقي فلتر الهوا في عربياتهم بيعدي الــ100 ج عشان عربييته يروح مكان تاني يلاقيه هو هو لكن ماركة أقل شوية بــ30 ج يعين الفرق مش 5 و لا 10 حتي فقولت احنا أولي
عندي مثلا فلتر الهوا مبيقلش عن 55-60 و في اماكن لقيته بــ85 و ده بعد الخصم كمان ههههه
يعني لو دورت كويس ممكن اجيبه بـ30 ج في مكان تاني

و منتظرين نتيجة بحثك :)

تقريبا انت ما اخدتش بالك او مقرتش كلامى كويس
انا بقولك على تجارب حصلت معايا .. على موضوع التيل والبوجيهات
وممكن تيجى مع تيل تانى .. ودى عايزة بقا تروح وتلف على كذا محل يابانى وتقوله ورانى التيل اللى عندك واكون ماسك القديم واجرب .. ودى قصة فى حد ذاتها .. واكيد حتظبط وممكن لا .. ولو ظبطت .. لو فيها وفر 30 جنيه مثلا فى تيل .. لا حجيب التيل الاصلى ..

لان امتى على كلامك اعمل كدا .. لو لقيت تيل هوندا اصلى او تويوتا اصلى منه 100 جنيه .. وبتاع التيدا ب450 جنيه .. ساعتها ممكن اجرب واجازف .. وبردوا استحالة الاقى تيل هوندا او تويوتا اصلى من العربيات الحديثة حيكون ب100 جنيه

هو الكلام ممكن يمشى على فلتر هواء ..
وخالى بالك انا مقتنع بكلامك بنسبة 30% .. لان الموضوع مش سهل .. والعفشة وقطع الغيار بتتغير مع كل عربية حديثة عن الاخرى .. ممكن يكون شكل العفشة قدامك واحد .. لكن وزنها بيختلف وبيخف .. عشان متدبش وتكون نعمة وهكذا ..

يعنى القصة كبيرة يا عمرو

وعلى العموم يا حبى .. اول ما يجيلى خبر حقولك اكيد

الموضوع ده ممكن بس مش هيتعرف غير بطريقه واحده

وانك تفك قطعة غيار معينه ولتكن تيل الفرامل مثلا وتاخده لمحل قطع غيار ياباني يكون البياع شاطر .. وتقوله عايز زي ده ... وطالما تيل الصني طلع زي ال sx4 دي مصلحه كبيره عشان تيل الsx4 في التوكيل ممكن يوصل ل 700 جنيه ... هل الطنابير كمان هي هي ؟؟؟؟؟؟

الفكره حلوه جدا وممكن تتكرر في قطع تانيه ... والردياتير ومروحة الردياتير عندي مكتوب عليهم denso يعني احتمال كبير تكون نفس اللي بتركب في التويوتا ... ومروحة التكييف mitsubishi .. وحاجات تانيه bosch

اقتباس:

---

المشاركة الأصلية كتبت بواسطة ahmed.tv

والله ياعمرو .. انا حسال فى الموضوع ده وحرد لما يجيلى رد مفيد
لان مبدئيا كدا .. انا لما كنت بسال على بوجيهات بلاتنيوم .. للتيدا .. لقيت فى السوق .. بس متشتغلش عندى
لان سنها مختلف .. وانا اللى عندى سن 14 قصير تقريبا
فى حاجات لازم تكون بالظبط .. تيل الفرامل ممكن .. بس عندى .. بردوا كنت جايب تيل فرامل للتيدا من بر التوكيل .. وجيت اركبه .. قالولى مش بتاعه .. ومش حيركب .. وورونى التيل الاصلى اللى عندهم .. مختلف فى السمك ومختلف فى اماكن البنزات
على العموم الموضوع ده حسال فيه .. لو روحت مودرن .. لان ده مركز الخدمة الوحيد اللى بيشتغل لنيسان وسوزوكى .. لانه وكيل سوزوكى المعتمد ومفيش غيره

تحياتى ليك يا قمر

---

ازيك يا احمد باشا اخبارك ايه

وفر على نفسك وماتسالش مودرن في حاجه زي دي لان معلوماتهم سطحيه ومش عارفين حاجه عن السوزوكي

اقتباس:

---

المشاركة الأصلية كتبت بواسطة Ahmed.TV

تقريبا انت ما اخدتش بالك او مقرتش كلامى كويس
انا بقولك على تجارب حصلت معايا .. على موضوع التيل والبوجيهات
وممكن تيجى مع تيل تانى .. ودى عايزة بقا تروح وتلف على كذا محل يابانى وتقوله ورانى التيل اللى عندك واكون ماسك القديم واجرب .. ودى قصة فى حد ذاتها .. واكيد حتظبط وممكن لا .. ولو ظبطت .. لو فيها وفر 30 جنيه مثلا فى تيل .. لا حجيب التيل الاصلى ..

لان امتى على كلامك اعمل كدا .. لو لقيت تيل هوندا اصلى او تويوتا اصلى منه 100 جنيه .. وبتاع التيدا ب450 جنيه .. ساعتها ممكن اجرب واجازف .. وبردوا استحالة الاقى تيل هوندا او تويوتا اصلى من العربيات الحديثة حيكون ب100 جنيه

هو الكلام ممكن يمشى على فلتر هواء ..
وخالى بالك انا مقتنع بكلامك بنسبة 30% .. لان الموضوع مش سهل .. والعفشة وقطع الغيار بتتغير مع كل عربية حديثة عن الاخرى .. ممكن يكون شكل العفشة قدامك واحد .. لكن وزنها بيختلف وبيخف .. عشان متدبش وتكون نعمة وهكذا ..

يعنى القصة كبيرة يا عمرو

وعلى العموم يا حبى .. اول ما يجيلى خبر حقولك اكيد

---

لا يا باشا واخد بالي من القصة و كان المفروض تاخدمعاك تيل تقيس عليه
نفس الموضوع حصل معايا في تيل فرامل برده طلعلي واحد سويفت هو هو لكن الفرق في حتة زيادة لكن عشان معايا القطعة قيست عليها و خدت بالي من السمك و الحتة الزيادة و جابلي عليها :)
لكن اللي أقصده في حالة تطابق القطعة مصلحة و في نفس الوقت القطعة أصلية و نضيفة يعني مثلا لما اجيب قطعة هوندا و المعروف انها معمرة يبقي احسن ما ادفع و اجيب حاجة اي كلام و مضحوك عليا بانها أصلي و متكملش لكن لو القطعة اي كلام زي اللي عند اللي بجيب منه يبقي ملهاش لازمة القصة الا لو فيه فرق سعر و هي هي
و الموضوع مش توفير 30 بس حتي لو فرق 10 ج و أأقرب و عارف اللي اجيبه احسن من ان يضحك عليا و يتقالي هندي و أصلي و هو لا راح الهند و لا شافها أصلا و بسعر عالي
زي مثلا في بنادق الصيد لما تيجي تغير السوستة هيقولك أصل الماني بــ200 ج و مش ضامن فعلا الماني و لا تقليد و فيه مصري بــ20 ج و بيستحمل برده يبقي الاحسن لي اجيب المصري اللي بيعيش سنين برده و عارف انه مصري احسن ما اروح اجيب سوستة بــ200 ج ع انها الماني و تطلع و لا راحت المانيا و لا شافتها و متكملش كام شهر و تتكسر و تطلع صيني و يجيلي نقطة ع اللي اتدفع
بس هقولك ع حاجة عن التجار بالنسبة الاسعار لما يكون معاك تيل مثلا و تقوله لهوندا هيقولك التيل بــ100 ج قوله لماروتي هيقولك 50 ج و اسأل حازم hm414 :)
يعني مثلا في حالة الماروتي في محل بدون ذكر اسماء زي ما تقول محتكر بيبيع قطعة بــ50 ج و اذا كان عجبك و يعاملك معاملة العبيد عشان انت محتاج له لقيناها في قطع غيار ماركة من الماركات الشديدة موديل تسعينات بــ25 ج و نضيفة فعلا و أصلية يبقي انهي احسن

و خد بالك الموضوع ده للناس اللي بتتعامل خارج التوكيل لكن طالما في توكيل و الشخص عنده استعداد يدفع و يقعد باشا خلاص بيودي العربية التوكيل و هم بيتعاملوا و هو يستلمها و يمشي
لكن بالنسبة ليا مثلا مبتعاملش مع التوكيل و بحب اكون عارف ايه الحاجة اللي راكبة في عربيتي و ادور ع الأفضل
بالنسبة بقي انها قصة زي مقولت قبل كده التجار هم عارفين ايه بتاع ايه ديه شغلتهم يا ريس هههههههههه و بخصوص القطع هتلاقيها تتشابه لكن مش شرط في نفس سنة الصنع يعني مثلا ابلاتين ماروتي في تويوتا تسعينات
تيل ماروتي في سيفيك 88 و 82
زي مثلا هل كنت تتوقع تيل اس اكس فور هو هو نسان صني
او موضوع الماروتي و تطابق بعض قطع غيار من تويوتا و هوندا
او متسوبيشي لانسر فلتر يكون هو هو في عربية كوري :)

و في انتظار برده الرد ع الأقل لو قطع نيسان صني او تيدا هي هي اس اكس فور اعتقد ده هيفيد اللي معاه اس اكس فور و مبيتعاملش مع التوكيل انه يسال برة عند بتوع النيسان بدل ما يدوخ او حد يتحكم فيه و لا ايه :)
مع اني متاكد مش هتاخد رد مؤكد اللي يديك الرد المؤكد تاجر ناصح في قطع الغيار

اقتباس:

---

المشاركة الأصلية كتبت بواسطة Dr_Smart

الموضوع ده ممكن بس مش هيتعرف غير بطريقه واحده

وانك تفك قطعة غيار معينه ولتكن تيل الفرامل مثلا وتاخده لمحل قطع غيار ياباني يكون البياع شاطر .. وتقوله عايز زي ده ... وطالما تيل الصني طلع زي ال sx4 دي مصلحه كبيره عشان تيل الsx4 في التوكيل ممكن يوصل ل 700 جنيه ... هل الطنابير كمان هي هي ؟؟؟؟؟؟

الفكره حلوه جدا وممكن تتكرر في قطع تانيه ... والردياتير ومروحة الردياتير عندي مكتوب عليهم denso يعني احتمال كبير تكون نفس اللي بتركب في التويوتا ... ومروحة التكييف mitsubishi .. وحاجات تانيه bosch

---

كلام مظبوط
مثلا الموبينة عندي دينسو
بس زعلتني يا باشا بقي تكون احد نسور السوزوكي و متنورناش في القسم :dzey:
و لا حتي تكتبلنا تقرير حلو عن مميزات و عيوب الاس اكس فور بما انك احد مالكيها عشان ناس كتيير بتسال عنها
لا كده مش هسيبك غير لما تكتبلنا تقرير عن العربية و يا ريت لو بالصور
و تشاركنا باسعار قطع الغيار في الموضوع المثبت في قسم السوزوكي

http://www.nilemotors.net/Nile/264735-a.html

و طبعا تقرير عن اي حاجة تعملها مش هسيبك ههههههههههههه

اقتباس:

---

المشاركة الأصلية كتبت بواسطة Axel

كلام مظبوط
مثلا الموبينة عندي دينسو
بس زعلتني يا باشا بقي تكون احد نسور السوزوكي و متنورناش في القسم :dzey:
و لا حتي تكتبلنا تقرير حلو عن مميزات و عيوب الاس اكس فور بما انك احد مالكيها عشان ناس كتيير بتسال عنها
لا كده مش هسيبك غير لما تكتبلنا تقرير عن العربية و يا ريت لو بالصور
و تشاركنا باسعار قطع الغيار في الموضوع المثبت في قسم السوزوكي

http://www.nilemotors.net/Nile/264735-a.html

و طبعا تقرير عن اي حاجة تعملها مش هسيبك ههههههههههههه

---

يا باشا انت تؤمر والله انا رديت على ناس كتير كانت بتسال على العربيه :Bravo: