الموضوع: للمتزوجين فقط....................مراتك بتكلمك كام مره فى اليوم...؟؟؟

ياه ده انا كنت متخيل اني هلاقي الموضوع عباره عن ان الزوجه مش بتتكلم خالص

ياعم احمد ربنا هو حد لاقي دلع وميدلعش

ده انا الحمد لله مراتي مبترفعش سماعة التليفون الا اذا كانت عايزه طلب وده بيحصل بعد الساعه 10 بالليل لو انا متصلتش لاني كل يوم وانا مروح من الشغل علي 8 ولا 9 بالليل بكلمها عشان اشوف عايزه ايه للبيت لو متصلتش وهي مكنتش عايزه حاجه مش هتتصل ولو كانت عايزه حاجه هتتصل بعد الساعه 10 لما تبتدي تقلق :)

في الاسكندريه مكنتش بقي بتصل خالص لانها كانت عارفه المنطقه واي حاجه عايزاها كانت بتودي العيال للجران وتنزل انما في القاهره الوضع مختلف وانا اللي بشتري الحاجه

تصدق مره اني اشتكيت من الموضوع ده وبقت كل يوم تتصل بيا تشوفني وصلت ولا لآ وبعدها باسبوع ولا اتنين رجعت ريما لعادتها القديمه

الموضوع عاده علي مااعتقد لو اتعودت تتصل مش هتزقق ولو اتعودت متتصلتش يبقي لو غبت اسبوع مش هتتصل

بص فى نوعين من الستات
الاولي بتتصل كل شويه علشان تشوفك فين وبتكلم مين , يعني مدكش فرصة انك تخونها وتتابعك ودي عندها فلسفة انها لو عملت كدا مش حيبقي عندك فرصة للخيانة او حتي التفكير فى واحده تانية .
الستات النوع التاني بقي بتتصل بيك فراغ لانها زقهانه ومفيش حد معاها وبتكلمك لانك اقرب شخص ليها وتحاول تشغل وقتها