الموضوع: موضوع جواز

عندك حق والله متعرفش اد ايه كلامك ريحني ربنا يكرمك

انا الحمدلله استقريت عليها ان شاءالله وهكمل معاها بس انتم ادعولي هو فعلا الجمال مش كل حاجة ولو لقيت واحدة جميلة ممكن تلاقي طبع فيها يعقدك ف عيشتك فعشان كده انا اتوكلت ع الله

المشاركة الأصلية كتبت بواسطة pro_samir

المهم تكون متقبلها .. عارف احساس اللي هو عادي ولا حلوه ولا وحشه ؟ هو ده

يعني علي الأقل مفيش نفور ، حتي لو مفيش انجذاب لشكلها دلوقتي المهم متكونش متضايق او مخنوق منها

مع الوقت والتعامل مع شخصيتها هتلاقي نفسك ابتديت تحبها

هى عادية ف الجمال بالنسبالي بس مفيش نفور الحمدلله ولا ف انجذاب هو عادي والحمدلله شخصيتها حلوة

السلام عليكم ورحمة الله وبركاته
من واقع تجربتي في البحث عن عروسة لفترة ليست بقليلة ثم الزواج منذ فترة ليست ببعيدة أحب أن أقول لك الآتي:
انا مقدر كويس جداً الموقف إللي أنت فيه وإنك مقتنع جداً بأدب البنت واحترامها وإن هي دي إللي هتحافظ على بيتك وتربي أولادك كويس لكن شكلها يبدو إليك أحياناً حلو وأحياناً أخرى عادي وقد يكون في بعض الأحيان مش مقبول وأكيد داخل العائلة هناك اختلاف على شكلها خاصة من النساء، يعني ممكن تلاقي واحدة من العيلة طايرة بيها وقاعدة تقول دي أمورة وكدا واحدة تانية متحفظة وأخري تقول - بس أكيد من وراك والكلام في الآخر وصلك- دي وحشة وتخينة، وانت يا ولداه دماغت هتشت وتكاد تتقطع من الحيرة.
بص يا سيدي الفاضل، بادئ ذي بدء صلي استخارة ولا مانع من تكراراها وكن على يقين أن الله سيقدر لك الخير حيث كان سواء في الزواج منها أو من غيرها، وكن على علم إن الحياة ممكن تستمر بشكل طبيعي مع إنسانة عادية الشكل وجميلة الخلق ولا تطاق مع ملكة جمال سيئة الخلق، لانك بكل بساطة ساعتها هتكرهها وتكره شكلها ومش بعيد تكره إللي خلفوها دا إذا مكرهتش نفسك إنك اتجوزتها.
ثم إن قصة تملي عينك لا تعتمد على قدر جمال المرأة وفقط بل هناك عوامل أخرى من أهمها غضك للبصر لأنك لو مغضتش بصرك عن الحرام إنسى إن واحدة في الكون تملى عينك ومعتمد أيضاً على مدى اهتمام المرأة بنفسها وبيتها وبيك طبعاً.
وممكن في أول الجواز يجيلك إحساس إنك دبست نفسك في واحدة عادية ومش هو دل الجمال إللي كنت عايزه وفيها إيه لو صبرت شوية وخدت واحدة جميلة ومؤدبة يعني هي البنات خلصت وحوارات من هذا النوع لكن تأكد إن الاحساس دا هيزول مع العشرة ولما تشوف منها الطيبة والحنية واهتمامها بيك ولما ربنا يرزقك منها قرة عين مع غضك للبصر طبعاً مش معنى كدا إنك تنتظر الجواز من ملاك، أكيد هيكون فيها عيوب وهيحصل بينكم اختلافات في وجهات النظر لكن كله يتحل بالتفاهم وعيوب تستمر معها الحياة مش عيوب قاتلة لا قدر الله وكمان لما تقارن بين اخلاقها وبين غيرها هتحس إن ربك كرمك من وسع.
الخلاصة إن رينا يبارك لك في الزواج لأن الزواج إذا نزعت منه البركة تحول إلى عذاب.
وأسال الله ان يقدر لك الخير حيث كان.
آسف على الإطالة وتقبل تحياتي.

صدقني شكلك متردد فبلاش من الجوازه دي ... احنا مش بنتجوز كل يوم