موضوع جواز

**moody_687** · 17-05-2012 07:34 PM

الي كل المتزوجين ارجوكم ان تساعدونى ف حيرتي ولا احد يبخل بمساعدته لي
موضوعي كالاتى انا اتقدمت لانسانة الحاجة ولدتى جابتهالى عشان هي عرفاها ومربياها وعارفة اخلاقها كويس وانا عملت كذا موقف معاها وعرفت ادبها كويس والحمدلله هى محترمة ومؤدبة المشكلة بقى عندى متمثلة ف الشكل ان فكها العلوي بارز وانها ف طولي وتخينة من ذراعها واعرض منى عند الاكتاف بالرغم ان جسمي من فوق عريض
ف ناس بتقولى ياعم تعمل تقويم ف فترة الخطوبة وتعمل ريجيم وهى هتخس اما حوار انكم طول بعض فده عادى ده ف ستات بتتجوز رجالة اقصر منها وف ناس بيقولولى هى لو كان جسمها كده ناو وتخنت من غير جواز يبقى بعد الجواز هتتخن برده واكتر حتى لو خستلك ف فترة الخطوبة وف بداية الجواز، فاتجوز اللى جسمها رفيع مش مليان واقصر منك طولا عشان لما تتجوز هتتخن ويكون جسمها معقول وانت لسة صغير ودور ف بنات كتير مؤدبات ومحترمات
انا مرتاح معاها ف الكلام وانها لذيذة ومؤدبة ونظيفة ف نفسها وف بيتها لكن حوار الشكل هو اللى تاعبني والله ف ناس بتقولي مش جامدة عليك وانها اعرض مني وكده وبيقولولى انك محتاج واحدة اوزي ساعدوني الله يخليكم

**mazher_m** · 17-05-2012 07:36 PM

صلي استخاره

**minicooper20** · 17-05-2012 07:37 PM

قدام مش مقتنع بشكلها و مش مليه عينك اصرف نظر

**ahmad--ezzat** · 17-05-2012 07:41 PM

المشاركة الأصلية كتبت بواسطة minicooper20

قدام مش مقتنع بشكلها و مش مليه عينك اصرف نظر

عين العقل

**alexaway** · 17-05-2012 07:49 PM

علي فكرة مهما كانت الانسانه اللي حتتجوزها جميلة بعد فترة حتبقي بالنسبة ليك عادية , وممكن تبص لواحدة اقل منها فى الجمال وتشدك , الجمال الحقيقي صدقني داخلي مش خارجي .
بالظبط زي ما تاكل كل يوم فراخ ولحمة حتزهق وتمل ويبقي الموضوع عادي بالنسبة ليك وتبقي حتشتهي علي طبق فول مدمس وعليه شويه لمون وبصلايه .
بس خد بالك لازم تبقي انت مقتنع بالكلام دا لانك لو مش مقتنع بيه حتتعب

**sherifahmed** · 17-05-2012 08:12 PM

بص ياباشا
اسأل نفسك لو اتجوزتها و شفت واحدة حلوة هاتبص لمين؟
لازم الست تملا العين
اومال اتجوز و اعد ابص فى الشارع على اللرايحة واللى جايه!!!!!

**Salamonti** · 17-05-2012 08:14 PM

العين بتحب والعقل بيحب والقلب بيحب
بس بعد الجواز كل الكلام ده مابيبقاش منه غير الراحة النفسية والتفاهم ودي أهم حاجة في العشرة

لو متوفرين يبقا اتوكل على الله ومش هاتندم

**mohammedabdallh** · 17-05-2012 08:26 PM

المشاركة الأصلية كتبت بواسطة Salamonti

العين بتحب والعقل بيحب والقلب بيحب
بس بعد الجواز كل الكلام ده مابيبقاش منه غير الراحة النفسية والتفاهم ودي أهم حاجة في العشرة

لو متوفرين يبقا اتوكل على الله ومش هاتندم

ايه الكلام الكبير ده
++++11111

**moody_687** · 17-05-2012 08:41 PM

لحد ناو ف اختلاف ف الاراء انا من النوع اللي يحب الجمال يعنى لو اتجوزت واحدة حلوة هبص ع الاحلى منها عشان البنات الجميلة كتير وانا بصراحة مش عايز اتجوز واحدة جميلة عشان مفيش حد يبصلها كتير انا عايز واحدة مقبولة شكلا يعنى تليق عليا من ناحية الشكل بتاعها
اللى تاعبني مش شكل الوش اللى تاعبني انها ف طولى وكتفها عريض زيي ويمكن عشان تخنها مخلي كتفها اعرض مني وفكها العلوى بارز هو ده اللى تعبني لكن هى كجمال شخصية حلو وجمال روح موجود الحمدلله

-

الموضوع: موضوع جواز

LinkBack

أدوات الموضوع

عرض

-

-

-

-

المواضيع المتشابهه

بلا جواز بلا هم

جواز سفر

جواز سفر

جواز السفر

الكلمات الدلالية لهذا الموضوع

المفضلات

المفضلات

ضوابط المشاركة