مشكلة محتار معاها جدا ومحتاج مساعده باقصى سرعة لانى زهقت

**hamada_5034** · 21-05-2012 09:11 AM

انا كنت عاوز اعرف اية هى افضل انواع البوجيهات الموجودة وبوجيهات كام وكام شمعة لان انا كنت معا واحد صحبى امبارح وقالى ان الرعشة بتاعت العربية وهى وقفة دى من البوجيهات الا انت حطتها لان دى حصل معايا قبل كدة بانى جبت بوجيهات وعملت معايا نفس الحركة معا الاختلاف ان العربية النترا وكلم واحد فى التوكيل وقاله ان البوجيهات دى مش بتاعتها

**ahmed_mido1889** · 21-05-2012 10:56 AM

الالنتر ليها بوجيهات مخصوصه الطقم الngk ب130 او 150 جنيه

في الصيني ب50 جنيه

**waleedraafat** · 21-05-2012 12:11 PM

الار بي ام بيعلي وبيوطي علي السلانسيه ...
شوف في خرطوم صغير كده داخل علي المنفولد في اتجاه صدر العربية .. شوفه راكب مكانه ولا مفكوك لو راكب مكانه يبقي جرب تعمل ايديال لرن وهو كالاتي
1- والعربية سخنة .. بطل العربية ثم شغل كونتاكت لمدة خمس ثواني وافصل لعدد 3 مرات
2- بعد المرة الثالثة دور العربية واتركها دايره لمدة 3 دقائق
3- بعد نهاية الثلاث دقائق شغل التكييف علي اقصي قدرة وشغل الانوار كلها (كافة الاحمال) لمدة دقيقتين
4- بعد مرور الدقيقتين علي تشغيل الاحمال اقفل التكييف والانوار ثم قم بتبطيل السيارة من الكونتاكت
5- شوية كده وشغل عربيتك وشوف ... لو استمر ارتفاع وانخفاض الار بي ام تبقي مشكلة تانية انا ما اعرفهاش

**tarek_2005** · 21-05-2012 12:11 PM

بوجيهات الانوس واحد شمعة ngk وانسي

**hisham343** · 22-05-2012 02:42 PM

اتاكد من اسلاك البوجيهات ....مع فك وتركيب البوجيهات يمكن حصل فيها مشكله .....

**hamada_5034** · 23-05-2012 03:38 PM

اخيراااااا اكتشفت ان كل المشاكل الا كانت عندى فى العربية طلعت من الموبينة وكنت عاوز اعرف اجيب نوع اسمة اية وبكام معا العلم انى سالت واحد امبارح بتاع قطع غير قالى عندى التايوانى 240 جنية والصينى 190 واحده تانى كورى 185 بس بيقولى انها صينى ومكتوب عليها كورى فا اية رايكم هو فى كورى ولا التايوانى دى كويسة ولو الاصلى عملة كام ومنين