صوت طقطقة عند استخدام الفرامل

**Abdo_Eldesokey** · 15-06-2008 04:43 AM

العربية تويوتا كورولا 2003 أوتوماتيك ...

المشكلة إنه أحيانا ً عند الضغط على الفرامل بيحصل صوت طقطقة زي صوت الكبالن كده بالظبط ... التيل لسه متغير قريب وحالته لسه كويسة جدا ً ...

رحت فحصت في التوكيل قالي نغيرلك التيل والصاج بتاع التيل ... بس أنا مش مقتنع بالموضوع لأن التيل لسه متغير وحاسس إنهم بيريحوا دماغهم ... فمغيرتوش

حد عنده فكرة عن الموضوع ده ؟؟

15-06-2008 04:51 AM

العربيه بتحدف اثناء الفرمله؟؟؟
فى رعشه او رججه اثناء الفرمله؟؟

لو الاجابه على السؤالين دول ..ب لا

يبقى تخللى ميكانيكى او عفشجى يبصللك على مسامير قواعد مساتر الفرامل الفرعيه

**amir_ezzat** · 15-06-2008 10:56 AM

انا كان عندى نفس الموضوع ده فى فيكترا 1997 بعد ما طلع عين اهلى طلع مسمامير الكاتويش مبوشة يعنى لما تجيى تفك او تربط تلاقيها مش ماشية معاك غيرت ال 4 مسماير وخرط مكان المسماير وبقت 100 100

**3mr Farrag** · 15-06-2008 12:52 PM

هو لو فيها abs يبقي منه...
لأنه بيعمل كده لما تيجي تكبس علي الفرامل و يشتغل
ولا قصدك صوت الطقطقه ده من بره مش من تحت رجليك؟

**Abdo_Eldesokey** · 15-06-2008 03:18 PM

هوا صوت الطقطة ده من برة ...

ومتشكر جدا ً على ردودكم يا جماعة ... وهروح على عفشجي كويس وأقله ع الموضوع ده على طول ... لأني لغاية دلوقتي وديتها لـ 3 وكلهم بيفكوا وينضفوا وكل سنة وانت طيب