-
الحرارة والتكييف
السلام عليكم ورحمة الله وبركاته ...
امبارح وانهاردة مؤشر الحرارة كان اعلى من المعدل الطبيعى ... يعنى عدى الشرطة الوسطى (90) بحبة حلوين وقرب من المائة (100)!!!! الكلام دة مع التكييف وكانت بتقل وتنزل عن 90 من غير تكييف.
من يومين فى نفس ظروف التشغيل كانت الحرارة ثابتة مابين علامة 80 وعلامة 90 يعنى كانت دائما فى النص بالظبط ... وكانت بتقل سنة صغيرة مع تشغيل التكييف.
السؤال بقى هل كدة فى مشكلة ولا لا مع العلم:
1- المية تمام والقربة مليانة.
2- الموضوع بيحصل وسط البلد او على الدائرى لما بيقف.
3- درجة الحرارة اللى بتظهر فى شاشة الكاسيت كانت "38"!!!
4- عمرة محصل معايا ابدا ودة رابع صيف يعدى عليا مع العربية ونفس الطريق.
شكرا.
-
خلل فى دورة التبريد
نضف الدورة كويس
انت عملت شغل قريب فى التكييف ؟
راجع البطارية و شحن الدينامو و اداء المراوح
-
و للعلم انا لأول مرة برضوا ابتدى اشتكى من الحرارة فى وسط البلد
و هابتدى اشوف بكرة ان شاء الله تنضيف الدورة
-
- معملتش اى شغل فى العربية خالص.
- المراوح شغالة فل وبتفصل!!!
- البطارية لسة جديدة.
-
غريبه اوى
بجد مش طبيعى
طيب جرب اغسل الريادتير من بره
تراب او طينه عليه مبهدلاه
-
تمام, هغسل الردياتير والسربنتينة بتاعت التكييف وهجرب كدة بكرة بعد الصلاة (اهو يكون حر شوية).
سؤال كدة من غير تريقة ... هو فلتر الهوا لية علاقة بالموضوع :)
-
-
نضفت الردياتير والسربنتينة بتاعت التكيف بالهواء (طلعوا عفار عادى مش زى ماكنت نتوقع) وبعدها غسيل بالمية وطلعت اجرب ... الحرارة مش زى العادى برضوا مع التكييف بس معدتش الشرطة الوسطى!! بس برضوا مش القراية العادية.
-
-
احسن طبعا بكتير الحرارة مش بتعدى الشرطة الوسطى والاهم بقى ان التكييف بقى اسقع من الاول :)
شكرا لمساعدتك والنصيحة وانا هحاول اغسل السربنتينة والردياتير من برة كدة كل فترة.
Content Relevant URLs by
vBSEO 3.6.0 PL2