للاسف يا جماعة انا لسة عامل حادثة ولحد دلوقتى مش فاكر اية اللى حصل ياريت كل واحد يخلى بالة وهو ماشى وربنا يسترها على كل واحد فينا
وكنت عايز الحم الفير بتاعى وارشة وعايز حد كويس وامين و بينجز
عرض للطباعة
للاسف يا جماعة انا لسة عامل حادثة ولحد دلوقتى مش فاكر اية اللى حصل ياريت كل واحد يخلى بالة وهو ماشى وربنا يسترها على كل واحد فينا
وكنت عايز الحم الفير بتاعى وارشة وعايز حد كويس وامين و بينجز
الف سلامة عليك
بخصوص الرش روح عند ايمن فبريكا اللي في بولاق
الف سلامة عليك ,, أسأل الله العظيم رب العرش العظيم أن يشفيك شفاءا لا يغادر سقما
الف سلامه عليك
ومعلش حاجه اخف من حاجه
ربنا معاك وخلي بالك جامد من الطريق
الف سلامة عليك ربنا يكفيك شر الطريق واحكلنا ايه اللى حصل علشان الناس تاخد بالها كويس
لا بأس طهور إن شاء الله
سلمك الله من كل سوء
طمنا عليك انت الان ايه الاخبار ؟
ان شاء الله العضو الكريم يكون بخير ويخش ويدينا تفصيل اكتر ان الحادث واي الخطء عشان كلنا نتعلم ونعمل الحطء دا مننا او من غيرنا
شكرا على ردودكم واحب اطمنكم انى بخير الحمد لله بس للاسف انا والله لحد دلوقتى مش قادر افتكر اللى حصل عندى فقدان مؤقت للذاكرة ورجلى فيها تمزق من عند الكعب بس الحمد الله على كل شى وظهرى كان فية شوية اوجاع الحمد لله و كدمات ف دراعى و كدمة ف عند اول وشى (ف الاورة بالظبط ) دى اللى نزلت عليها وخلتنى افقد الذاكرة كل دة خف لسة الخدوش اللى ف دراعى و وشى ورجلى الحمد لله على كل شى الحكاية زى ما صحبى اللى كان راكب معايا حكالى اننا كنا ماشيين من عند جامعة عين شمس وكنا جايين من عند ايمن فبريكة (بعد متخانقت مع ميشو عشان مظبتليش الشغل بتاعى ف الفير ) وفجاة طلعتلى عربية كروز كانت داخلة ف اتجاة كوبرى الفنجرى ولا كانة شايفنى جاى وانا حاولت افادية انى ازود بنزين بس للاسف معرفتش وشالنى من نص المكنة عندى وطرت انا على السقف عندو وصاحبى على الازاز ونزلت على دماغى ومفوقتش إلا تانى يوم الصبح ف مستشفى عين شمس التخصصى جنب مكان الحادثة بس هو دة كل اللى حصل والحمد لله تانى انها جت على كدة وبحمد ربنا على اللى حصلى والحمد لله برضو صاحبى سليم شوية كدمات خفيفة وخدش ف وشو الحمد لله
ياريت كل واحد يخلى بالو من طريقة وربنا يسترها علىنا عشان مش دايما تكون غلطان لما تعمل حادثة واللى مضايقنى ان اللى خبطنى مكلفش نفسة وجة يطمن عليا وعمال يتصل بصاحبى عشان اجى اتنازلو على المحضر والله انا كنت هتنازلو بس اهلى مش موافقين عشان موقفهم السلبى دة
اوعى تتنازل عن المحضر لأنه حقك و الله أعلم كان ممكن ايه اللى يحصل تانى لولا ستر ربنا
أولاً لأن اللى بيتصل و بيزن عشان تتنازل ده عارف أنه عامل مصيبة و هو السبب فى الحادثة
و كمان هتلاقى ناس تقولك ده راجل فاتح بيت
ده عنده عيال
ده أمه و أبوه بيعيطوا طول النهار و الليل على ابنهم اللى هيضيع
و كلام كتييييييير قوى
المهم ألف حمد الله على السلامة