عرض للطباعة
السلام عليكم
صحبى اشترى ميجان 2008 كاملة اوتو
ظهرت مشكلة امبارح
التكييف اوتو زراير التكييف كلها منور لكن شاشة التكييف فصلت ومش بتنور والتكييف مبيشتغلش
وكاسيت العربية قالى انه كان بيقفل مع الكونتاكت دلوقتى بيطفى العربية والكاسيت بيفضل شغال لازم يقفله بايده
يروح فين ولا ييجى منين ؟؟ كهربائى ولا توكيل وياريت لو كهربائى شاطر يكون قريب من الهرم وضواحيها
او لو حاجة بسيطة عرفونى ممكن ابص عليها واتأكد قبل ما نروح لحد
شكلها كده حاجه مهنجه .. مفيش حاجه فى الميجان بتعمل ريسيت للحاجات دي؟
يعني الواحد ميشوفكش في المنتدي غير لما عربية صاحبك تبوظ ياعم حسام واحشنا ياباشا مبقتش بتيجي مقابلاتنا ليه..اقتباس:
المشاركة الأصلية كتبت بواسطة kodak_gti
على العموم كلم ايمن مومو هو عضويته momo10000 وهو هيبعتك لحد تمام وإن شاء الله تطلع بسيطه بس ابقا خلينا نشوفك في المقابلة الجاية الجمعه 31-5 في جراند كافية المقطم
عاش من شافك يا حاج حسام
هبعتلك رقم أيمن على الخاص............هيدلك على حد فى الهرم إن شاء الله.
هى غالباً هتبقى مشكلة فيوزات.
اقتباس:
المشاركة الأصلية كتبت بواسطة shiref_mohamed
حبيبى ازيك يا شريف
ان شاء الله هحاول اكون موجود فى المقابلة ربنا يسهل
ازيك يا احمداقتباس:
المشاركة الأصلية كتبت بواسطة ahmed a.maksoud
عموما المشكلة اتحلت بس كانت غريبة
الفيوزات اللى فى التابلوه سليمة والفيوزات اللى فى الحوض الموتور سليمة
العيب كان من الكهربا اللى واصلة للولاعة
والراجل قالنا دى كده احتمال كبير تكون مشكلة فى الكارتة
وعملنا وصلة من الولاعة للفيوزات مع الكونتاكت والتكييف اشتغل تمام والولاعة
هو بتاع تكييفات مش كهربائى
وفصل البطارية وعمل الشغل بنضافة وبرمج الازاز الكهربا للاربع ابواب بعد ما خلص
وكود الكاسيت بيبقة مكتوب فى حتة فى العربية ولا لازم اتصل بالتوكيل وهل لازم اروح بالعربية ولا ممكن بالتليفون ؟؟
كود الكاسيت بالتليفون يدوهولك إن شاء الله
الف شكر
كود الكاسيت قالو لازم تجيب العربية وهيتكلف 220 جنيه
صحبى قعد دعبس على النت وعرف يجيبه
انا معايا كود الكاسيت بس مش عارف استخدمه من ساعه مشتريتها وهو بيفدنا فى ايه؟؟
معلش يا جماعه اخوكم جديد فى عالم الميجان
هتحتاجة لما تغير البطارية بس
هو فعلاً فيه برامج بتجيبلك الرقم..........معلش الرد متأخر بقى.اقتباس:
المشاركة الأصلية كتبت بواسطة kodak_gti
كان فيه زميل عمل موضوع عن برنامج من دول بس الموضوع هتلاقيه فى الدهاليز بقى.
لما تغير البطارية أو البطارية تفصل زى ما بيحصل معايا بيجيبلك رسالة لو جيت تشغل الكاسيت code الأربع أرقام بتدخلهم كل حرف من code بيدخل مكانه رقم وعندك الكاسيت مترقم من 1 إلى 6 خلى الكود 8899 ؟ الحقيقة ان انت هتستخدم الأرقام من 1 إلى 4 فقط لإدخال الكود يعنى تضغط على 1 سبع مرات لو عايز رقم 7 وبعد كدا تنقل ع الرقم اللى بعده وبعد ما تكمل الأربع أرقام بتضغط على 6 ضغطة طويلة هتلاقى الكاسيت اشتغل أنا بقى مشكلتى ان فيه سطر فى شاشة المعلومات بتاع الكاسيت ممسوح برغم ان الشاشة سليمة قدامى ممكن دا يكون عيب فيوزاقتباس:
المشاركة الأصلية كتبت بواسطة ahmed_oth
عربيه محيره ........
فى طريقة اسهل بكتير لادخال كود الكاسيت
افرض مثلا الكود 5678
هتدوس رقم واحد فى الكاسيت و عندك فى الدراس بتاع المالتى فانكشن فى بكرة اللى بتقلب منها الاغانى بتروح مقلب لحد ما تلاقى الرقم اللى انت عاوزه بعدين تدوس 2 فى الكاسيت و مقلب و هكذا لحد ما تظبط ال 4 ارقام
بعدين هتلاقى فى زرار فى دراع التحكم دى من تحت هتدوس عليه دوسة طويلة هتلاقى فى صوت كدا حصل تارا و السى دى فتح :)