الموضوع: علشان كل صيدلي .. بيحترم نفسه

المشاركة الأصلية كتبت بواسطة koheya

طيب ولو الدكتور اساسا مش بيحفظ المادة الفعالة وانما الاسم التجارى للدوا الى بيعالج المرض دة و اعتقد دكاترة كدا كتير يبقى اية الحل

ماهو المفروض إن الطبيب يكون عارف المادة الفعالة أساسا
عيب يكون عارف اسم الدوا .. ومش عارف المادة الفعالة بتاعته إيه

المشاركة الأصلية كتبت بواسطة michohat

طب ومناديب شركات الأدوية اللي بيعدوا علي الدكاترة (ويوزعوا عينات مجانية و هدايا اعلانية ) ساعتها هيعدوا علي الصيدليات ؟
هل المناديب دي وظيفة احنا عاملينها ولا معمول بيها بره و المفروض انهم يتعاملوا مع مين ؟ الدكتور اللى بيكتب الدوا ولا الصيدلي

المفروض الوضع السليم بقا
يبقا الشركات ومناديب الشركات الي بيكونو صيادلة .. يلفوا على الصيدليات
يعني صناعة وتجارة الدوا .. يكون شأن صيدلي صرف
يعني الصيادلة مع نفسهم
والصيدلي المندوب .. لما يدخل على الصيدلي زميله في الصيدلية .. يكون الاتنين متساوي الرؤس في التعامل
الصيدلي المندوب .. عيب لما يتركن بره عيادة دكتور مستني العامل يدخله للدكتور


وحسب مانا عارف
إن النظام العاملي .. بيدي الصيدلي صلاحياته
إن الصيدلي إلي بيحدد الدواااا

بيدرسوا الايام في مصر .. الصيدلة الاكلينيكية
هي إن الصيدلي ممكن يكشف كمان لا سريريا في الصيدلية

المشاركة الأصلية كتبت بواسطة osama.m

[/center]

ازعل منك انا كدا
طيب ما ينفعش ابقى دخيل لحد ما الصيف يخلص طيب !
اخبارك اية يا دكتور ليك واحشة والله

ياحبي أهو كلام بنقوله وخلاص .. شعارات خايبة لازم نقولها يمكن يستجيبو
والموضوع بسيط
يعني انت تسجل على الكمبيوتر بتاعك .. المواد الفعالة والاصناف بتاعتها
تيجي الروشتة فيها المادة الفعالة
تدخلها على الكمبيوتر ويطلعلك كل الاصناف الي فيها المادة دي..وبأسعارها

.
حبيبي يادخيل

المشاركة الأصلية كتبت بواسطة aboomar22

كلامك مظبوط بجد جدا الصيادلة فى مصر بتخاف تعطى البديل لان الناس مش فاهمة فاكرين ان البديل اقل كفائة (ماهو لو احسن كان الدكتور كتبه من الاول ) وبعدين فعلا كارثة بائعين الادوية اللى واقفين فى الصيدليات لان بتروح توصف له الاعراض وهو بيعطيك الادوية بدون مايكون عارف تاريخك المرضى او الاعراض الجانبية وبعدين يادكتور انت بتتكلم عن اسم تجارى انا واحد صاحبى كان عنده صيدلية فى الارياف وكنت احيانا بروح معاه كان بيطلبوا الدواء بالقرض لاخضر بتاع الاسهال الدواء العلبة الحمراء بتاع الكحة ابو 3.5 حنية البرشام الاصفر بتاع الحساسية وهكذا

الوضع في صيدليات الأرياف بصراحة
مقرف .. وغير أدمي بالمرة

تخيل واحد جاي يقولك "" أنا روحت للدكتور ... وقالي أن الدوا إلي أنت إديتهولي مش هو الي مكتوب..ولو كان الواد أخده .. كان هيموت ""

ترد على الاشكال دي تقول إيه ؟
ونفسي الناس تفهم
مفيش تيتتتتتتتتتتتتتتتت حاجة إسمها بديل
وكأن البديل دي حاجة قبيحة ...............................

فيه حاجة إسمها مثــــيل
مش بديل

طالما نفس المادة الفعالة ... خلاص كله يمشي
لكن لا
تحس من بعض الاطباء وخصوصا في الارياف..أن لو الصيدلي طلع ( مثيل ) للنوع الي هو كاتبه
يحس ساعتها ان الصيدلي بيشتمه .. أو بيعيب فيه
مش فاهم ليه

مفيش روشتة اطلع فيها ( مثيل ) .. والناس ترجع للدكتور تاني
إلا ويحصل نفس السيناريو .. يرجع المريض يتكلم بقلة أدب .. ويقول أن الدكتور قالوه لا لا لا ومين الحمار الي إداك الدوا ده ..................إلخ إلخ
لدرجة إني كنت هضرب دكتور بشري مرة .. وكنت الله العظيم رايحله العيادة أضربه بالي في رجلي

وحسبي الله ونعم الوكيل في العقول الحجرية