علشان كل صيدلي .. بيحترم نفسه
السلام عليكم
.
الحملة القومية للدواء بالإسم العلمي
حملة قائمة على الفيس بوك
فعاليات ضعيفة
بوسترات بتتوزع في النقابة
إلخ
إلخ
بدون حل حقيقي وملموس
أحب بس أوضح أهداف الحملة
وهي كتابة روشتات الأطباء بالإسم العلمي للدوا . . مش الإسم التجاري
ودي لها مليون فايدة
1. الصيدلي ياخد وضعه كــــ دكتور صيدلي .. مش بترينة واقفة في محل بيبيع الي مكتوبله في روشتة
2. التخلص بشكل نهائي من مشكلة النواقص والبدايل ...إلخ إلخ إلي قارفة الصيادلة في عيشتهم
3. توفير أكتر من بديل بأسعار مختلفة للــ مريض والمريض يكون حر في إختيار الدواء الأنسب سعرا ليه
4. الشراكة تبقا حقيقية وفاعلة بين الطبيب والصيدلي
5. توفير فرص عمل للصيادلة في الصيدليات .. وبرواتب مجزية
6. منع دخلاء المهنة من العمل نهائي
7.المحافظة على تجديد معلومات الطبيب والصيدلي على السواء بالمواد الفعالة للأدوية مش مجرد الإسم التجاري وبس
8. منع الشراكة الخبيثة بين الغير شرفاء من الأطباء والغير شرفاء من الصيادلة على حساب المريض
9. ناخد فرصتنا بقا ويكون لينا لازمة
.
تفعيل الحملة مش هيكون بكلام على الفيس
.
لازم ناخد خطوة للأمام
move to the next level
نعمل وقفة بسيطة من عدد من الصيادلة
أمام وزارة الصحة .. ومعانا لافتات بمطالبنا
الوقفة هتكون فعالة جدااا لو حضرها 100 صيدلي مثلا
وهنكلم الجزيرة والفضائيات المصرية تيجي تغطيها
يعني
مطلوب من كل صيدلي يقرا موضوعي
يكون جاهز ستاند باي إني أقوله يلا هنروح الإسبوع الجاي مثلا
طبعا الميعاد هيتحدد بعد إنتخابات الرئاسة
.
يعني
عاوزين ناخد وضعنا الصحيح في العملية العلاجية
عيب أوي أكون واقف في الصيدلية بياع
زيي زي أي بنت معاها دابلون
.
إلي مستعد من الصيادلة في المنتدى يكون معايا في الوقفة دي
يتفضل يسيبلي إسمه .. هنا في الموضوع
ورقم موبايله
وجاري تدشين حملة على النت