الموضوع: كيف يمكنني الوصول من طريق اسكندريه الصحراوي بالسياره الي مطار برج العرب

السلام عليكم ورحمة الله وبركاته

الرجاء وصف كيف يمكنني الوصول من طريق مصر الاسكندريه الصحراوي الي مطار برج العرب عن طريق السياره وبالتفصيل لو سمحتم .
وايه اخبار الطريق الي هناك بالنهار وبالليل, من الناحيه جودة الطريق والامن.
اشكركم علي سعة صدركم

المشاركة الأصلية كتبت بواسطة amr mokhtar

من ناحية الأمان فطبعآ بالنهار أفضل لكن لو مضطر تمشى بالليل فبإذن الله امان
بس طبعآ بلاش تقف لحد و لا تخلى حد يركب معاك على السكة عشان هتلاقى من ده كتير
المطار خلى الطريق عليه حركة غير زمان

المشاركة الأصلية كتبت بواسطة amr mokhtar

لو حضرتك هتيجى من القاهرة يبقى هتعمل الآتى
بعد ما هتعدى بوابة الإسكندرية هتفضل مكمل طوالى
هتلاقى كوبرى العامرية هتطلع عليه و بعد الكوبرى تكمل شوية على الطريق
هتفوت اول u turn و تاخد اللى بعديها
بعد ما تلف تاخد يمينك عشان تدخل طريق برج العرب
و انت داخل الطريق ده هتلاقى ماكدونالدز على الناصية التانية من الطريق
هتمشى فى الطريق ده حوالى 12 كيلو لحد ما توصل للدوران
هتلف مع الصنية شمال و تاخد الطريق اللى فى وشك
هتمشى فى الطريق ده و هتلاقى مزلقان قطار هتعديه و تمشى شوية لحد ما هتوصل لتقاطع طرق
هتدخل شمال و تمشى مع الطريق ده (هتلاقى ملف قاسى شوية خد بالك منه) و هتفضل مكمل على الطريق ده لحد ما هتلاقى مدخل المطار

الف شكر ياباشا , جزاك الله خير كلك زوق . الله يبارك في حضرتك.