برامج الاندرويد هل تعمل علي جميع الاجهزه

طبعا تم التحول من iphone 4 الي htc one x وطبعا الاعراض الانسحابيه بتاعه الايفون شغاله واهمها البرامج كان اي برنامج علي الايفون ولا الايباد يشتغل بسلاسه معاي سواء علي الايفون او الايباد ولكن في الوضع الراهن بعد استعمال ال htc برامج كتير ما بتشتغلش معاي سواء بتعمل كراش او بتكون شاشه سوداء ومنيله بستين نيله ففكرت وقلت يمكن البرامج دي مش مخصصه لل htc وطبعا اغلبكم شايف الاجهزه الاندرويد اكتر من الهم علي القلب مثال سامسونج بمختلف اصداراته وكذلك ال htc وايضا السوني وده خلاف اجهزه جوجل الي ايضا بتصنعها سامسونج والسؤال هل اي برنامج من البرامج بتشتغل علي اي جهاذ اندرويد ؟؟؟؟؟؟؟؟؟؟

بصراحه حاسس اني هخسر الايفون وبفكر جديا في عدم التخلي عنه وخصوصا العشره الطويله من ايام الايبود ولكن علي الرغم من ذلك عاجبني جدا الديزاين والشاشه وجمالها وحجمها في ال htc one x والمشكله الاكبر اني مبحبش اشيل اكثر من جهاز واحد وبكون مضايق منه كمان خخخخخخ

http://i.haymarket.net.au/Reviews/20...e-x-press.jpeg
.

باشا أنا كمان معايا المدعو وان اكس وأول مرة أشيل اندوريد بردو
تقريبا مش كل البرامج بتشتغل على كل الهواتف ... بس لو إنت بتنزل برامج من جوجل بلاي فـالمفروض إنها تكون نازلة للموبيل بتاعك
إنما لو بتنزل من أي ماركت تاني زي البلاك مارت فـده مش بينزلك اللي خاص بيك بس. إنما بيجيبلك كل البرامج اللي عليه حتى لو كانت معمولة للصين نفسها وبعد أما تنزلها تكتشف إن جهازك مش بيسبورت النوع ده من البرامج
قولي مشاكلك مع التلفون ده وتعالى نكون رابطة الوان اكس هاهاهاها
جربت تعمل منه فيديو كول ... أنا مش عارف إزاي

تعاله يا باشا حياك في الرابطه خخخخخخ عموما انا لغايه دلوقتي كل البرامج منزلها من الماركت الرسمي وحتي لسه ما عملتش روت للجهاز والف شكر علي المرور والرد

ألف مبروك :)
استنى أسبوعين كده و أنت هتمسح كلمة ايفون دى من دماغك

المهم
الموبايل لسه جديد فى السوق
و كمان نازل بice cream sandwich
و نازل بtegra 3
فلسه مش كل البرامج بتدعم الجهاز سواء hardware أو software
يعنى استنى شويه كده
و لو بتنزل من الماركت شوف What's New تحت الde......ion
لو البرنامج اتعمله update هتلاقى مكتوب added support for ICS

أى برنامج أندرويد يعمل على أى جهاز بشرط واحد

هو توافق نسخة الأندرويد المركبه على الجهاز مع البرنامج

و مثل أى نظام تشغيل مثل الويندوز أو نظام آبل , هناك 3 انواع حايا من الأندرويد ( أو لنقل 3 نسخ من الأندرويد ) و هى بترتيب الأقدميه :

1- جنجل بريد ( عيش الزنجبيل )

2- هونى كومب ( عش النحل )

3- ايس كريم ساندويتش ... و هى الأحدث حاليا .

تأكد من توافق النظام المركب على جهازك بالبرنامج الذى تود تشغيله

و هناك أجهزة تقبل الترقى من نسخة اندرويد الى الأخرى , و هناك اجهزة لا تقبل .

اقتباس:

---

المشاركة الأصلية كتبت بواسطة OMAR61995

ألف مبروك :)
استنى أسبوعين كده و أنت هتمسح كلمة ايفون دى من دماغك

المهم
الموبايل لسه جديد فى السوق
و كمان نازل بice cream sandwich
و نازل بtegra 3
فلسه مش كل البرامج بتدعم الجهاز سواء hardware أو software
يعنى استنى شويه كده
و لو بتنزل من الماركت شوف What's New تحت الde......ion
لو البرنامج اتعمله update هتلاقى مكتوب added support for ICS

---

des c ription
نفسى اعرف ليه كلمة scr ipt و con tent ممنوعين فى المتدى ؟؟؟

بص مبدئيا كدا انا رايي فتكك من الماركت
و تخليك في البرامج و الالعاب المتكركة
هو دلوقتي مفيش حاجة نزلت لل quadcore بس في العاب كتير حلوة
APK MANIA
و انصحك تجرب GTA III
و Asphalt 6

و البرامج ال ببلاش تعبانة ف خليك في المتكرك
و كمان ممكن تدخل على applanet.net و تنزل الماركت بتاعهم هتلاقي البرامج و الالعاب ال بفلوس بتنزل ببلاش