ماذا تفضل فى الفئة السعرية مابين 125 الى 135 الف؟

فولكس فاجن بولو الجديدة ب 130 الف
هيونداى النترا الى بقتحة سقف 135 الف او الموديل الى ب 125 الف
كيا سيراتوا نفس الاسعار برده تقريبا بتاعت الالنترا
تويوتا ياريس سعرها 132 الف (طبع لازم اجيب سيرة عربيتى الى بقتخر بيها وبانها لسه موجودة وبتنافس وسعرها زيه زى العربيات الجديدة الاكبر والاوسع والاجدد)
شيفوليه كروز وسعرها برده اعتقد فى موديل ب 135 الف
المزدا 3 برده فى موديل ب 135 الف

انا رايى لو مش فارق معايا الحجم الخارجى ومادام العربية لشاب ومش محتاج مساحة وهيصة يبقى بولو بدون تفكير لانها حصلت على افضل التقييمات حقيقى وتعتبر جولف مضغوطة نوعا ما وحقيقى شركة فولكس اكثر شركة بحترمها فى الفترة الاخيرة .

فورد فييستا ثم بولو ثم النترا

البولو مشكلتها الخوف من ال dsg هل مشاكله انتهت ولا لأ يعنى شراءها فيه مخاطره

البدائل فييستا او كورسا

لو سيدان النترا هاى لاين

Elantra 2012 الى بفتحه سقف والجنط 16 تحفه

هيونداى ألنترا ....

صحيح الفييستا روعة روعة
انا نسيتها بس

والفيات 500 برده روعة

بصراحة العربيات دى مميزة جدا
وعربيات اوروبى مش اسيوى ودا بيفرق حقيقى

صحيح بتاخد حجم اصغر حاجة بسيطة
لكن بتاخد تقفيل وامان وقوة وثبات اعلى من الكورى بكتير جدا


تجربتى مع الالنترا الشكل الى فات
بصراحة يخلينى مش مطمن للجديدة
عربية كانت سريعة وناعمة صحيح بس الثبات سىء جدا والفرامل اسوء وكان اسهل حاجة فيها التعويم ياما عومت بحد

اتمنى تكون الالنترا الجديدة بفت راكزة شوية وانشف شوية .

ما تفكر فى الفلوانس

بس انت فى الغالب بتضطر تشتر العربيات التقليدية الى اغلب الناس متفقين عليها عشان تضمن قطع غيار متوفرة وتضمن سعر اعادة بيع وقدرة على البيع اساسا بسرعة وهكذا

لكن فى اوروبا مثلا
عربيات زى الفييستا والبولو والفيات 500 والجراند بونتو والاوبل كورسا وغيره وغيره هناك عارفين قيمتها

انا عاوزكم تجربوا بس قيادة هذه السيارات فى زحمة السوق المصرى
وتشوف هتريحك ازاى فى الزحمة والركن وكمان فى استهلاك البنزين
دا غير التقفيل الى هو افضل بشكل واضح جدا من العربيات الاسيوى خصوصا الكورى

وعموما السعر واضح
انا مؤمن بنظرية الغالى ثمنه فيه

يعنى عربية صغيرة زى الفيات 500 (بتوصل وتعدى ال 150 الف على ما اتذكر)
هتلاقوها بثمن عربية كبيرة وواسعة وفئة اكبر زى الالنترا والكروز والسيراتو

فا انا بقول الواحد يجيب حاجة اصغر
وعلى فكرة الفرق فى الحجم شوية سنتى ميترات بسيطة مش كتير
انتوا متصورين مثلا ان الكورولا اوسع من الياريس بكثير اوى وان الياريس ضيقة وزنقة
لا تماما

برده الهوندا سيتى خيار ممتاز
وكنت بستغرب ازاى الناس تاركين السيتى وبيجيبوا سيراتو صراحة !!!

بس نرجع ونقول المشترى المصرى عاوز عربية كبيرة طويلة تملى العين

على سبيل المثال الجولف 5 هى هى بالضبط ال الجيتا الى فاتت
لافرق تماما سوى الشنطة .
من الاخر الجولف كانت جيتا هاتش باك
لا والجولف كمان كانت بتتقفل فى المانيا وبتيجى من المانيا مباشرة
بعكس الجيتا الى كانت بتتقفل فى البرازيل

رغم كده المشترى المصرى مكنش يرضى يدفع فى الجولف زى الجيتا

ليه
عشان الشنطة والطول والعرض ولزوم الجو دا


انا شايف ان الشعوب المفروض تتجه للسيارات الاصغر والمحركات الاصغر عشان ازمة الزحام وازمة الشوارع الضيقة وازمة الطاقة والبنزين .
دتا غير ان العربيات الصغيرة (الساب كومباكت كارز ) تتطورت جدا فى كل شىء واصبحت بتديك مساحة معقولة جدا من الداخل . انا قبل ما اخلص فى الياريس كنت متصور نفسى هبقى مزنوق وان العربية صغيرة وخفيفة وان الثبات ضايع بعد تجربتى لها اكتشفت اتماما اننى حقا من الخطأ ان احكم على اى سيارة قبل ان اقوم بقيادتها .

الفلونس اوروبى بس مش عارف ليه بحث انها كبيرة اوى
ما تاكلش مع دماغ اخويا خالص

فى شركات كده رغم انها ممتازة الا انها لاحظ لها
زى الرينو والسيات والاوبل والفيات كل دول اتظلموا حقيقى رغم انهم بيقدموا سيارات روعة

روح شوف فيات وعربياتها
اركبت الجراند بونتو ايفو
واركب الفيات برافو وياسلام لو التربو ال 150 حصان لسه موجودة
او حتى العادية ال 124حصان تربو واوتو برده تحفة

وفى الفيات 500 ودى بيقدروها جدا بره لكن هن محدش بيفهمها كتير
على فكرة قوية جدا وثابته جدا وامان وسحب اكثر من العربيات الاسيوى الى احنا مهووسين بيها

انا جايز يا جماعة اكون منحاز اوى بجد للسيارات الاوروبى المانى ايطالى انجليزى فرنساوى

انا مكنتش كده خالص
قبل ما اجرب العربيات دى وقبل ما زملاء ليا اشتروها

حقيقى الالمانى مثلا تلاقيه كامل الاوصاف
تشترى العربية من دول متلاقيش غلطة ولاعمرها تضايقك بمعنى الكلمة بدون مبالغة

انا عشت فترة مع الجولف 5 وسوقتها كتير فى مواقف كثير سواء على الطريق او فى الزحمة واقول ايه
حقيق كامل الاوصاف فتنى

ايه التقفيل والمتانة والدقة والقوة دى والثبات الرائع
مابالكم الجولف 6 عاملة ازاى

ويقال ان البولو الجديد هى الشقيقة الصغرى للجولف 6 ودى جملة لوحدها تخليك تشترى البولو وانت مطمن


الفتيس الدى اس جى لايوجد اى مشاكل اطلاقا دا كلام نهائى تماما

دا احسن فتيس فى العالم يا جماعة

والفتيس الوحيد الى التسارع بتاعه بيجيب اخر الموتور زيه زى المانوال واحسن كمان

الفتيس دا موجود فى البولو الجديد ةمحرك البولو تيربو حوالى 100 حصان على وزنها وحجمها بيدى اداء معقول جدا

----------------------------------------------------------------------------------------

برده بعد ما تعاملت مع الاوبل فيكترا وسافرت بيها اسكندريا 2008
وفضلت طول السكة افتكر كلام الناس عن الفتيس وعمال اضحك
العربية مع قريبى بقالها 140 الف كيلو ولا عمره الفتيس اشتكى منه

ثبات ومتانة وقوة كعادة الالمانى
بس كانت المفروض تكون اوسع من جوه بما انها نفس فئة الباسات بس عادى مش قصة

السحب رائع والغريب انها كانت بتسحب معايا احسن من الجولف

بس للامانة الجولف مجملا افضل
ثباتا وتقفيلا ودقة ولمسات نهائية بس مش احسن بكثير يعنى

الجيتا زى ما قلتلكم هى نفسها نفس الجولف 5
صاحبى جابها فى 2009 ب 160 الف زيرو بعد ماكانوا عملوا خصم 10 الاف
كان ايامها اول فئة فى الجيتا بتوصل ل 180 الف واكثر
فا انا كنت بقوله الناس دى بتدفع 20 و30 الف زيادة فى نفس العربية عشان بس الشنطة الى ورا

احنا عموما بنكره الهاتش باك زى الامريكان

بس الامريكان عندهم مبرر
عندهم المساحات واسعة
والعربيات عملاقة والمواتير ضخمة
وليهم يعنى جو كده يخليهم بجد يدفعهم للتريقة على الهاتشباكات

لكن احنا لا خالص
احنا زحمة و الدنيا ضيقة ومعندناش صناعة عربيات ولا احنا مثلا واخدين على العربيات الضخمة ولا عندنا مسافات عملاقة بين الولايات فا نركز على حجم وضخامة العربية .

المفروض نبقى زى شعب باريس ولندن مثلا
دول اتجهوا للسيارات الصغيرة
وكمان للهايبيرد مع الوقت
عشان عندهم الزحمة وعندهم الدنيا ضيقة زينا ولو ان زحمتهم منظمة مش المسخرة الى عندنا

اقتباس:

---

المشاركة الأصلية كتبت بواسطة sa3dawy

بس انت فى الغالب بتضطر تشتر العربيات التقليدية الى اغلب الناس متفقين عليها عشان تضمن قطع غيار متوفرة وتضمن سعر اعادة بيع وقدرة على البيع اساسا بسرعة وهكذا

لكن فى اوروبا مثلا
عربيات زى الفييستا والبولو والفيات 500 والجراند بونتو والاوبل كورسا وغيره وغيره هناك عارفين قيمتها

انا عاوزكم تجربوا بس قيادة هذه السيارات فى زحمة السوق المصرى
وتشوف هتريحك ازاى فى الزحمة والركن وكمان فى استهلاك البنزين
دا غير التقفيل الى هو افضل بشكل واضح جدا من العربيات الاسيوى خصوصا الكورى

وعموما السعر واضح
انا مؤمن بنظرية الغالى ثمنه فيه

يعنى عربية صغيرة زى الفيات 500 (بتوصل وتعدى ال 150 الف على ما اتذكر)
هتلاقوها بثمن عربية كبيرة وواسعة وفئة اكبر زى الالنترا والكروز والسيراتو

فا انا بقول الواحد يجيب حاجة اصغر
وعلى فكرة الفرق فى الحجم شوية سنتى ميترات بسيطة مش كتير
انتوا متصورين مثلا ان الكورولا اوسع من الياريس بكثير اوى وان الياريس ضيقة وزنقة
لا تماما

برده الهوندا سيتى خيار ممتاز
وكنت بستغرب ازاى الناس تاركين السيتى وبيجيبوا سيراتو صراحة !!!

بس نرجع ونقول المشترى المصرى عاوز عربية كبيرة طويلة تملى العين

على سبيل المثال الجولف 5 هى هى بالضبط ال الجيتا الى فاتت
لافرق تماما سوى الشنطة .
من الاخر الجولف كانت جيتا هاتش باك
لا والجولف كمان كانت بتتقفل فى المانيا وبتيجى من المانيا مباشرة
بعكس الجيتا الى كانت بتتقفل فى البرازيل

رغم كده المشترى المصرى مكنش يرضى يدفع فى الجولف زى الجيتا

ليه
عشان الشنطة والطول والعرض ولزوم الجو دا


انا شايف ان الشعوب المفروض تتجه للسيارات الاصغر والمحركات الاصغر عشان ازمة الزحام وازمة الشوارع الضيقة وازمة الطاقة والبنزين .
دتا غير ان العربيات الصغيرة (الساب كومباكت كارز ) تتطورت جدا فى كل شىء واصبحت بتديك مساحة معقولة جدا من الداخل . انا قبل ما اخلص فى الياريس كنت متصور نفسى هبقى مزنوق وان العربية صغيرة وخفيفة وان الثبات ضايع بعد تجربتى لها اكتشفت اتماما اننى حقا من الخطأ ان احكم على اى سيارة قبل ان اقوم بقيادتها .

---

لا معلش ازاي الفيات 500 اقل من الالنترا سنتيمترات ! دي اساسا بتاخد 3 بالعافية وتصنيفها city car يعني حجم البيكانتو ! , وبعدين مش المشتري المصري بس على فكرة , الجيتا في امريكا بتبيع اكتر بكتير من الجولف , ومعظم العربيات اللي هناك سيدان والهاتش باك قليل جدا والخليج نفس الحكاية , هما اوروبا بس اللي بيحبوا السوبر ميني والهاتش باك عشان مواتيرهم صغيرة وبالتالي ضريبة اقل لان الضرايب هناك غالية جدا

وحاجة كمان , فرق السعر غير مبرر على الاطلاق مفيش حاجة اسمها اوروبي وكوري
في امريكا الفييستا في نفس تمن الاكسنت والجيتا نفس تمن الالنترا , مش الفرق بينهم 65 الف جنيه يعني اكتر من 10000 دولار !!!! , ده اسمه ضحك عالدقون يعني الجيتا ترخص بره وتنزل هنا ب 220 الف جنيه وتقفيل مكسيكي كمان !

فى عربيات سعرها غريب جدا

اولهم السيفيك


سيفيك ازاى ب 208 الف جنيه ؟؟؟؟
يعنى انا اسيب الجيتا والجولف الجديدة واجيب سيفيك مثلا !!!

السيفيك الى معروف طول عمرها راسها براس الكورولا والانسر
لكن تنط ل 200 الف وتعدى فدا بصراحة مبالغ فيه


برده


الكيا بيكانتو اوتوماتيك ب 91 الف يا جماعة ؟؟ ايه رايكم

لم شفت ال 91 الف بتوع البيكانتوا معدتش بعاتب اى توكيل على اى سعر ينزله


الياريس برده 133 الف كتير
ولو للامانة كل العربيات الى فى نفس فئتها بنفس السعر
بس دا كان يبقى سعر عادل على الاقل لو كنت بتنزل فول اوبشن
دى 133 الف ومفيش جنوط ولا جناح ولا اى حاجة
يعنى اغلى من الالنترا والسيراتو والكروز

وبعدين فى شكل جديد نزل والمفروض يحل محل الشكل دا


بس ارجع واقول مش تويوتا بس الى بتستعبط
عندكم الانسر البوما
عربية اختفت وتوقفت فى الدنيا كلها وفضلت تنزل عندنا بسعر مبالغ فيه زى سعر الياريس كده
رغم نزول شكل جديد

وطبعا المصريين وحدهم الى ادعوا وطلعوا اشاعة ان البوما احسن من الشارك !!!!


برده الاسترا نزلوها بسعر مبالغ فيه
كانوا المفروض يبداوا كده من ال 140 او ال 135 لحد ال 170 مثلا
لكن هما كده نازلين بنفس سعر الجولف فطبعا مش هيبيعوا
بس برده الى عملته هوندا وخلت السيفيك فوق ال 200 الف دا يخليك تعذر اى شركة

مع احترامى للسيفيك الى كانت ب 140 الف ودا كان الطبيعى بتاعها
ولما تزيد اوى نقول 160 قول 170 زى الكورولا مثلا لكن نعدى ال 200 دا اوفر جدا


لهيونداى النترا فى موديل ب 125 اوتوماتيك فول اوبشن
لو فيه اى بى اس واير باجات وايمبوليزر واى بى دى يبقى تحفة وسعره ممتاز
لكن خلوها فاضية وادوك فتيس ومتور وحطوا وسائل الامان فى الموديل ابو 154 الف كده يبقى فى كلام تانى

خدو بالكوا الالنتر طول عمرها بتتكلم مابين 90 ل 115 مثلا

دلوقتى بقيناا مابين ال 120 ل 154


الدنيا غليت برده


فى موديل برده سعره ممتاز بس برده معرفش التجهيزات الاساسية موجودة والا لا
الهيونداى اكسنت اوتوماتيك (مش كاملة ) ب 105
دى جميلة للى عاوز عربية زيرو ومش عاوز يبعد عن رقم ال 100 الف كثير

والاكسنت كفاءة بجد وممتعة جدا فى القيادة والجديدة اكيد ممتعة اكثر

السوبارو امبريزا ناسينها يا جماعة

العربية دى مظلومة معانا



معلش صدعتكم

اصل المنتدى وحشنى موووت


انا من اول الناس الى كانوا فى المنتدى

وكان ليا فيه مغامرات

ويا اقنعت واقتنعت


فا زى ما تقولوا عطشان كلام عن العربيات

خصوصا انى بعمل كل الى اقدر عليه عشان اغير على الصيف
بعد رمضان والعيد

بس مش هغير الا للالمانى وبالتحديد جولف 5 2008 على الاقل حد ادنى 80 الف كيلوا هتعملها قولوا 120 الف

دى تستاهل كل قرش ومليم ادفع فيها على عكس عربيات جديدة بنفس الثمن

بصراحة المستعمل هو الصح

خصوصا لما تجيب حاجة استعمال نضيف

دا انت بثمن الاكسنت الجديدة تركب اوبل فيكترا هاى لاين 2008 !!!

شوفتوا الفرق الشاسع !!

وقيس على ذلك



انا معاكم ان قطع الغيارة ومصاريف الصيانة ولاقدر الله لو حصل حادثة
بصراحة انا جيت اقارن بين اسعار قطع الغيار لفيت ان كله غالى وكله خراب بيوت

واحسن حاجة الواحد ميقدرش البلاء قبل وقوعة

megane III
207
elantra

البولو تعبانة و ضعيفة اوي و الفييستا لما بشوفها عالطريق السريع بحس انها ميكروب ماشي في الشارع ... حاجة كدا صغيررررررررررررررررررة اوي اوي دا الريو اكبر منها !!

المستعمل حالة... انا لو قدامي جولف بسعر كويس و حالة ممتازة (لقطة) اكيد هتبقى احسن من العربيات دي لكن اللي يدور بقى !

أنت حيرتني معاك شخصيا ههههههههههههه

لو سيدان يبقي المازدا
لو هتشباك يبقي البولو

انت عايز اية !

لو فى الرينج ده ممكن تفكر فى بى ام. ٣١٨ لحد سنه ٢٠٠٥ و حالتها تبقى كويسه و دى عربيه ملهاش حل

لا ياراجل الجيتا بثمن الالنترا

بص على الكماليات الاول


هيونداى بتشيل تجهيزات كثير من عربياتها عشان تديك اسعار رخيصة

الالنترا الى فيها كل التجهيزات الاساسية ل 155 الف على فكرة

الجيتا بتبدا ب 185
وفى موديل تانى ب 195
وموديل 210


فا مبدئيا هتلاقى اقل النترا عندهم 2000 سى سى
وفيها تجهيزات اكثر كمان من ال ب 155 الف هنا

الجيتا مثلا ال ب 185 فيها اى اس بى برنامج الثبات الالكترونى

السيفيك لما بقى فيها برنامج الثبات دا سعرها نط ل 188 ودلوقتى عدى ال 200


الجيتا ثمنها اقل حاجة 1400 ب كاسرة ال 17 الف دولار
الالنترا بتتكلم فى 14 ونص الف دولار و 2000 سى سى


وانا معاك فى امريكا والخليج مبيحبوش اى عربيات صغيرة

ودا عشان طبيعة البلاد عندهم واسعة والطرق واسعة جدا مش مخنوقة زى اوروبا

احنا النموذج الاوروبى المناسب لينا اكثر

اقتباس:

---

المشاركة الأصلية كتبت بواسطة ashouhdy

انت عايز اية !

---

هو انا بساعد اخويا لا اكثر

لكن هو ساعة التنفيذ مش هيغلب يعنى
الاختيارات بس كثير

ولما جيت افكر فوجئت ان الشركات كلها بقى عندها عربيات كثير حلوة
وان بجد السوق بقى يحير

فحبيت اشارككم حيرتى فحيرتكم معايا :b4_033:

بس هو الى عاوز يبقى طبيعى وميغامرش بفلوسه

فى الالنترا واضح الشعب كله متفق عليها وبصراحة ملفتة للنظر

ولو حب يبيعها انا واثق ان الموديل دا هيمسك سعر جامد



انا عن نفسى بحب كل العربيات هههههههههه
يعنى لو على اشترى من كل حاجة موديل وافضل اجرب واقارن
كل فئة وكل شركة وكل صناعة وليها متعتها


بس مهما لفيت ودورت مش هتلاقى زى الالمانى
وانا اكثر شركة بحترمها حاليا فولكس بجد

بس المشكلة ان العربية الوحيدة الى فى السعر دا هى البولو والبينى بينى وبينك صغيرة برده
وملهاش سوق خالص فى مصر
ومحدش هيتفهمها هنا
ولو خرجت بيها من المعرض هتخسر فيها 40 او 50 الف وش

زيها زى الفيات 500 والفييستا والشلة دى


فهو المضمون الالنترا والكروز

المازدا 3 طبعا
الكورورلا لو هيقدر يزود عشان الفول اوبشن بتعدى ال 130 بكثير

انا نسيت احط المازدا 3 برضه... لو زيرو تبقى best of both worlds

اقتباس:

---

المشاركة الأصلية كتبت بواسطة mohdamin18

انا نسيت احط المازدا 3 برضه... لو زيرو تبقى best of both worlds

---

بس موتورها 105 حصان وقطع غيارها نادرة في التوكيل نفسه :(
بص في رايي الفئة دي لو عاوز اوروبي عليك وعلى السوبرميني وهتضحي بالوسع واعادة البيع والموتور بس هتاخد وسائل امان كويسة و build quality كويس ( كورسا - بولو - فييستا ) وانا افضل الفييستا عشان توكيل كويس
يا اما تضحي بعوامل الامان وتاخد وسع وموتور قوي واعادة بيع وقطع غيار رخيصة واوبش من بطال ( السيراتو - الالنترا )

اقتباس:

---

المشاركة الأصلية كتبت بواسطة mody3on

بس موتورها 105 حصان وقطع غيارها نادرة في التوكيل نفسه :(
بص في رايي الفئة دي لو عاوز اوروبي عليك وعلى السوبرميني وهتضحي بالوسع واعادة البيع والموتور بس هتاخد وسائل امان كويسة و build quality كويس ( كورسا - بولو - فييستا ) وانا افضل الفييستا عشان توكيل كويس
يا اما تضحي بعوامل الامان وتاخد وسع وموتور قوي واعادة بيع وقطع غيار رخيصة واوبش من بطال ( السيراتو - الالنترا )

---

لا بصراحة معرفش عن قطع غيار المازدا عشان مفتيش
الفييستا في نظري لو فيها 10 ايرباج ولا ليهم ريحة اللازمة لأن كدا كدا الركاب الخلفيين يعتبروا قاعدين على الإكصدام (انا شايف كدا بصراحة ) و خطر جداً في السفر و سط البهايم اللي بنسوق حواليهم
لكن مين هيشتري عربية بالمبلغ دا و يقضيها جوة البلد بس ؟؟؟ اكيد طبعاً اختيار غير عقلاني