برجاء الافادة جزاكم الله خيرا

**ebn_mesr** · 18-05-2012 08:31 PM

بسم الله الرحمن الرحيم
اخوانى اعضاء منتدى نايل موتورز الاعزاء
تحية طيبة وبعد
ارجو منكم مساعدتى فى ايجاد حل لمشكلة قد وقعت فيها ولا اعرف كيف اتصرف بها
انا اشتريت عربية مستعملة من شهرين تقريبا من واحد معرفة والعربية دى عليها حظر بيع بنكى علشان لسه عليها اقساط 15قسط + 4 اقساط متأخرة (وهو اصلا مشتريها من البنك باسم اخوه) ودفعت لصاحب العربية مبلغ كاش واخدت العربية وانا هاكمل باقى الاقساط بس المشكلة
اولا : انى مش عارف ايه ممكن تكون صيعة عقد البيع فى الحالة دى علشان اضمن بيها فلوسى اللى عند الراجل وكمان الاقساط اللى انا بدفعها للبنك كل شهر؟؟؟
ثانيا: انا بدفع للبنك كل شهر مبلغ اكتر من قيمة القسط بتاع العربية علشان على نهاية فترة التقسيط اكون سددت كل المبلغ بس البنك دلوقتى بيطالبه انه يسدد الاقساط المتأخرة(4اقساط) كاملة يعنى المفروض انا اللى اسددها وانا مش معايا فلوس حاليا انى اسددها مرة واحدة وانا ماكنتش اعرف ان الموضوع ممكن يوصل لكده وماكنتش عامل حساب حاجة زى دى ومش عارف اعمل ايه وايه اللى ممكن يعمله البنك او يعمله صاحب العربية معايا؟؟؟
ارجو منكم الافادة والرد جزاكم الله خيرا

**elpasha1** · 18-05-2012 08:57 PM

البنك مش هيعمل معاك حاجة الا وقت التجديد لان لازم تجيب ورقة من البنك
انا معايا واحد صاحبى جاب اسبرانزا زيرو قسط ومع الثورة للاسف ساب الشغل ومبيدقعش اقساط من ساعتها ... البنك بيتحايل علية علشان يدفع القسط
وللاسف مفيش ضامن على العربية الى ان تتم نقلها باسمك وطالما ان الرخصة عليها حظر بيع وانت عارف مفيش حل لازم تصبر الى فترة انتهاء الاقساط

**MARTINDALE** · 19-05-2012 12:29 AM

بص لو الامور مزنقه معاك وعايز تمشي سليم و تقسط الاربع دفعات ممكن تاخد قرض بقيمه الاربع اقساط من بنك تاني وتقسطهم على سنه ((علشان الفوايد)) وبكده تكون حليت ازمتك بس للاسف هتضطر تدفع فوايد على الاربع اقساط .
ممكن كمان تروح البنك وتتكلم على انك مستعد تدفع بس عايز اعاده جدوله للفلوس المتبقيه ولو كانوا متعاونين هيساعدوك ولو اني ما اظنش الايام دي فيه بنك متعاون.

**moh_faheem** · 19-05-2012 01:04 AM

يارب الاخوة يفيدوك
بس ضرورى تروح لمحامى علشان يكون عندة حل يريح يحضريتيك
ويارب يفك كربك وكرب جميع المسلمين

**S O P H O S** · 19-05-2012 01:46 AM

متابع ....

**alaamousa** · 19-05-2012 03:38 AM

بص يا باشا موضوع الاقساط ده والله اعلم بيعملك عقد ابتدائي لانه ملوش حق بيع السيارة للغير لانها الى ان تتم الاقساط ملك البنك ولذلك هو ليس له حق البيع وبالتالي الموضوع بيبقى سوري ثانيا الاقساط المتاخرة حضرتك ان شاء الله لازم تدفعها عشان تجديد السيارة زي ما قال لحرضتك استاذ elpasha1
وبالتالي العربية قدام البنك بتاعة الراجل ده وهو الوحيد اللي اذا كان في اي مشكلة في البنك هو المسئول الا اذا ودي انا مش متاكد منها انه يعملك تنازل في البنك

**ebn_mesr** · 19-05-2012 11:15 AM

اشكر كل الاعضاء الذين حاولو مساعدتى واقتراح الحلول وجزاهم الله خيرا

لكن انا احتاج منكم اذا كان فى حد حصل معاه المشكلة دى واكيد طبعا حصلت مع ناس كتير قبل كده يفيدنى بصيغة عقد او وصل امانة بس يكون مشتمل الفلوس اللى انا دفعتها والاقساط اللى بدفعها

وفى حاجة تانى احب اوضحها لحضراتكم ان رخصة العربية منتهية من سنه تقريبا بس انا لما جيت اخد العربية من صاحبها راح عملى براءة ذمة علشان لو فيه مخالفات عاليها وطبعا من ساعتها وانا مش عارف اجدد الرخصة بسبب الاقساط المتأخرة دى ومش عارف اعمل ايه؟؟؟

وشكرا جزيلا لاهتمامك ...