انفراد ... ... ... أول تقرير كامل ومفصل للبيكانتو 2012 + الصور

**crayvor** · 19-05-2012 10:44 AM

المشاركة الأصلية كتبت بواسطة geddo

الفوانيس الأربعة أمامي وخلفي ليدات ب 11500

طب ما كنت تجيب العربية اللي بليدات ب87 تبيع الليدات ب 10 بواكي وتجيب بدالهم طقم عادي بألف يبقي جيبت العربية ب 78 ألف وكماليات أكتر؟
والله توكيل eim بدأ يستهبل أكتر من اللازم.. أنا شكلي أساسا حاروح ألغي حجز السانديرو وأجيب السويفت الجديدة لو نزلت منها هاتشباك.. قول بس يا رب تنزل الأول

**mody3on** · 19-05-2012 10:47 AM

حضرتك ظلمت العربية شوية , يعني بتتكلم في ثبات ووسع وشنطة وهي اصلا city car يعني تقضية مصالح في المدينة مش بتاعة سفر وعائلة وشنطة وكده

**roffa1** · 19-05-2012 11:27 AM

المشاركة الأصلية كتبت بواسطة geddo

الفوانيس الأربعة أمامي وخلفي ليدات ب 11500

كنت بشد مع كورولا 2002 ................ وطبعاً دي 1300

تقييمي للسيارة جاء بناءاً على تجربتي للسيارة الأساسية ......... كورولا 2006 1600 ....... وما أدراك ما سحب الكورولا

.................................................. .................................................. ...............................

أرجو من حضرتك تعمل تقرير لسيارتك ..... أو عالأقل تنزل لنا كام صورة كدا تجيب العربية شاملة من برا ومن جوا

أولا دى عربيه بنتى
ثانيا أنا كمان معايا كورولا 1600 2007 و عارف معنى سحب الكورولا ايه
ثالثا بتقول انك شديت مع كورولا 2002 1300 طبعا الكورولا تكسب حتى لو كانت اوتوماتك
رابعا أكيد المانوال من البيكانتو هيكون أحسن بكتير فى الشد و السحب
خامسا التكييف فعلا بيخلى العربيه زى البطه فى السحب

**ابو ليلى** · 19-05-2012 07:29 PM

تم تنسيق الموضوع وتنسيق الصور

بصراحة انا شايف انك متحامل شوية على العربية
وواضح انك ندمان على قرار الشراء علشان المواقف السيئة
اللى حصلت معاك فى الاول وده راجع لانك بتقارنها مع العربية اللى
كانت معاك قبلها وده اكيد ظلم للبيكانتو
ربنا يباركلك فيها وتاخد خيرها وتبعد عن شرها

**ahmad--ezzat** · 19-05-2012 10:02 PM

شكرا يا فندم علي التقرير ,,,بس كده العربيه سيئ جدا,,,لا سحب ولا اداﺀ ولا وسع ولا حاجه ابدا

**noma** · 20-05-2012 06:59 AM

انا جايب نفس المواصفات زيادة فتحة سقف و فرش جلد احمر
وعلى فكرة انا اول مجبتها قولت بطة واكتشف بعدها ان نظام Eco شغال لما غيرت النظام لوضع off بدل on حسيت ان سحب العربية اختلف معايا ...

**geddo** · 20-05-2012 07:07 AM

نظام إيكو هو محض إشارات توضيحية تبين لقائد المركبة عما إذا كانت ضغطة قدمه على بدال البنزين مناسب لإقتصادية الوقود أم أن المركبة بذلك ستتعدى معدل استهلاك الوقود (إقتصادياً).

وعلى فكرة أنا مظلمتش العربية خالص
أنا شايف ان الكورولا اللي معايا مرضية ووسطية
وبناءاً عليه قارنت ....... ما أسوأ منها فهو كذلك لأنها من وجهة نظري سيارة مرضية وعليها نقيس اختيارنا.

هذا رأي والإختلاف في الرأي لا يفسد للود قضية

**mody3on** · 20-05-2012 10:23 AM

المشاركة الأصلية كتبت بواسطة geddo

نظام إيكو هو محض إشارات توضيحية تبين لقائد المركبة عما إذا كانت ضغطة قدمه على بدال البنزين مناسب لإقتصادية الوقود أم أن المركبة بذلك ستتعدى معدل استهلاك الوقود (إقتصادياً).

وعلى فكرة أنا مظلمتش العربية خالص
أنا شايف ان الكورولا اللي معايا مرضية ووسطية
وبناءاً عليه قارنت ....... ما أسوأ منها فهو كذلك لأنها من وجهة نظري سيارة مرضية وعليها نقيس اختيارنا.

هذا رأي والإختلاف في الرأي لا يفسد للود قضية

يا باشا الكورولا مستعملة 2006 ومع ذلك تمنها بيوصل 100 الف , وبعدين انت بتقارن كورولا مش حتى الياريس بالبيكانتو , لا دي عربية ليها اغراضها ومش عارف حضرتك متوقع منها سحب وشنطة وثبات وكنبة هو حضرتك مش عارف ان العربية دي بتاعة مدينة فقط لا غير ؟ يعني تقارنها ب i10 وسبارك مثلا مش كورولا