الموضوع: سبوره للاولاد فى البيت

الحمد لله
اشتريت لوح فايبر ( خشب ابيض من الناحيتين )
اللوح =122*244 سم
95 +5 جنيه ( ثمن اللوح + القص )
وقصيته 3 اجزاء
70*122 سم لتعليقها بالطول
174*61 سم لتعليقها بالعرض
174*61 سم لتعليقها بالعرض

الاقلام ب2.5 - و - ب 3 جنيه

المشاركة الأصلية كتبت بواسطة elawany13

لوح الفورمايكا الأبيض الكبير وجه بيكون أبيض والوجه التانى خشب سعره 45 جنيه
بس تعبان ومش ناعم بالقدر الكافى وبياكل فى القلم السبرتو وبيكون صعب فى المسح
أنظف حاجه تجيب فايبر جلاس أبيض هتلاقيه دبل فيس أبيض وناعم تماماً اللى بيعملوا بيه مطابخ الألموتال
بس أوعى تشترية من بتوع المطابخ هتلاقيهم بيستهبلوا فى الأسعار آخر استهبال
أتعب شويه ودور على الناس اللى بتبيعه جمله لبتوع المطابخ
من جوالى 8 شهور أنا جبت فرخ كبير جدا
يعمل بتاع 3 سبورات على الأقل
بـ 120 جنيه
صناعته سعودى
وشغال زى الفل
ويقال ان السورى احسن بس ملقيتش منه الأبيض

الحمد لله
اللى انا اشتريته بالفعل - هو الفيبر اللى ابيض وناعم ومن الناحيتين
بس معرفش صناعته ايه عموما هو تمنه 95 جنيه واخد 5 جنيه علشان قص اللوح
ومقاسه 122*244 سم
والحمد لله - الاولاد من امبارح شغالين كتابة ورسم
ووفرت تمن الكراسات اللى كانت بتتقطع والورق على الارض فى كل الشقه
بس فى اليوم الاول باظ قلم وشغالين بالتانى
شكلى هنزل اشترى دستة اقلام ( انا اللى جبته لنفسي )
ههههههههههههههههههههههههه ه

المشاركة الأصلية كتبت بواسطة ahmedsamir5edr

أنا هجيب لحضرتك من الاخر .. ب 5 جنيهات فقط .. روح سمير و علي .. و قوله عاوز فرخ ابيض من اللي بيتلزق علي الحائط و بيتكتب عليه .. دي انا عامله عندي ..

عباره عن ورق بلاستيك ( نفس خامه السبوره تقريبا ) بيتلزق علي الحائط ( زي الاستيكر ) و تكتب و تمسح و تعمل اللي عاوزه ( و ما بيبوظش و لا خربشه و لا حاجه )

و سعره 5 جنيه .. يعني ممكن كل عيل سبوره

اتفرجت عليه قبل ما اشترى اللوح
كان تقريبا 20 فرخ ب 25 جنيه او العكس
المهم لما اتفرج عليه قلت 100% مش هينفع مع اولادى ولو كمل يوم يبقي ممتاز
ههههههههههههههههههههههه

الجمد لله
وفرت فى الفوس
الاهم
انك تجيب اللوح وتقصه حسب مقاسات الشقه عندك
بالنسبة لى
انا علقته على الحائط مباشره بعلاقات فشر
العيب الوحيد
انى لم اعمل برواز له